ကျန်းမာရေးနဲ့အားကစားဝန်ကြီးဌာနရဲ့ယနေ့ည(၈)နာရီသတင်းထုတ်ပြန်ချက်မှာ COVID-19ရောဂါပိုးပျောက်ကင်းသက်သာသူတစ်ဦးထပ်တိုးခဲ့တယ်လို့သိရပါတယ်။

လက်ရှိအချိန်မှာတော့ ဆေးစစ်ချက်အရ နှစ်ကြိမ်ဆက် Negative ပြခဲ့လို့ ရောဂါပိုးကင်းစင်သူအဖြစ် သတ်မှတ်ခဲ့ပြီး ကျိုင်းတုံဆေးရုံကြီးမှာပဲ ၂၁ရက် Quarantine နေထိုင်ကာ ဆက်လက်စောင့်ကြည့်သွားမယ်လို့သိရပါတယ်။ လူနာအမှတ်(၉၆)က တာချီလိတ်မြို့ရဲ့ပထမဆုံး COVID-19ရောဂါပိုးတွေ့အတည်ပြုလူနာဖြစ်ပြီး ကျိုင်းတုံဆေးရုံမှာ မိုင်းဖြတ်မြို့က လူနာအမှတ်(၆၄)နဲ့ တာချီလိတ်မြို့ကလူနာအမှတ်(၁၁၂)တို့ ဆက်လက်ကုသမှုခံယူနေပါတယ်။ 

ယနေ့ည(၈)နာရီသတင်းထုတ်ပြန်ချက်အရ ဓာတ်ခွဲနမူနာ ၃၂၂ခုကို စစ်ဆေးခဲ့ရာ ပိုးတွေ့လူနာတွေ့ရှိခဲ့ခြင်းမရှိပါဘူး။ မေလ ၆ရက်နေ့ညအထိမြန်မာနိုင်ံငံမှာ COVID-19 ရောဂါပိုးတွေ့အတည်ပြုလူနာ ၁၆၁ဦးရှိပြီး ၆ဦးသေဆုံးကာ ၅၀ဦးပြန်လည်သက်သာကောင်းမွန်ထားပါတယ်။