ချက်ခြင်းဖြစ်ပေါ်ခဲ့တာဖြစ်လို့ ပြင်ဆင်ချိန်မရဘဲ ရပ်ကွက်နေပြည်သူတွေ ဒုက္ခရောက်ခဲ့ကြရတယ်လို့သိရပါတယ်။

ရှမ်းပြည်နယ် ၊တာချီလိတ်မြို့မှာ မိုးကြီးပြီး ချောင်းရေလျှံခဲ့တာကြောင့် ရပ်ကွက်တချို့မှာ ရေ ၅ ပေအထိ ရေကြီးမှုတွေဖြစ်ပေါ်ခဲ့တယ်လို့ သိရပါတယ်။



အောက်တိုဘာလ ၃၁ ရက်နေ့တညလုံး မိုးသည်းထန်စွာရွာသွန်းခဲ့လို့ မယ်ဆိုင်တောင်ကျချောင်းရေမြင့်တက်ပြီး မြို့ပေါ်ရပ်ကွက်တွေဖြစ်တဲ့ ပုန်းထွန်ရပ်ကွက်၊တာလော့ ရပ်ကွက်၊မကာဟိုခမ်းရပ်ကွက်၊ဆန်ဆိုင်း (ခ)ရပ်ကွက် ၊ မယ်ခေါင်ရပ်ကွက် တွေမှာ ရေကြီးရေလျှံဖြစ်ပေါ်ခဲ့တာဖြစ်တယ်လို့သိရပါတယ်။

ဓာတ်ပုံ - CJ

"ရေကနည်းနည်းတော့ပြန်ကျသွားပါပြီ။အဓိက ရေဒဏ်ခံရတာ တာလော့နဲ့မကာဟိုခမ်း ၊ဆန်ဆိုင်းလည်းခံရတယ်။ ရေကတက်နေကျဆိုတော့ပျက်စီးမှုတော့သိပ်မဖြစ်ဘူး။ တာလော့ဈေးက ဈေးသည်တွေရဲ့ပစ္စည်းတွေတော့ ရှိတာပေါ့။ ရေကကြီးနေကျ၊ဒါပေမယ့် ဒီနေ့ကတော့တော်တော်လေးကြီးသွားတယ် ဗြုန်းစားကြီးပေါ့။ ညကဆိုတညလုံးရွာတာ။ တောင်ကျရေရောပါတာပေါ့" လို့ ကူညီကယ်ဆယ်ရေးလုပ်နေတဲ့ တာချီလိတ်နာရေးကူညီမှုအသင်းရဲ့ ဥက္ကဋ္ဌ ဖြစ်သူ ဒေါ်ညိုဋ္ဌေးကပြောပါတယ်။

ဓာတ်ပုံ - CJ

ရေကြီးမှုကြောင့် အနိမ့်ပိုင်းရပ်ကွက်တွေမှာ ရေ ၅ ပေ လောက်အထိ မြင့်တက်ခဲ့ပြီး ၊ အမြင့်ပိုင်းရပ်ကွက်တွေမှာ အမြင့်ပေ ၃ ပေလောက်ထိ ရှိခဲ့တာကြောင့် အိမ်စီးကားတွေနစ်မြုပ်လုနီးပါးအထိရှိခဲ့တယ်လို့သိရပါတယ်။

ဓာတ်ပုံ - CJ

လက်ရှိမှာတော့ အမြင့်ပိုင်းရပ်ကွက်မှာရေပြန်လည်ကျနေပြီး ၊အနိမ့်ပိုင်းရပ်ကွက် တွေမှာတော့ ရေကျန်သေးတယ်လို့ သိရပါတယ်။

တာချီလိတ်မှာ ရေကြီးရေလျှံမှုက နှစ်စဉ်ဖြစ်ပေါ်နေကျဖြစ်သော်လည်း ဒီကနေ့ရေကြီးမှုကတော့ ချက်ခြင်းဖြစ်ပေါ်ခဲ့တာဖြစ်လို့ ပြင်ဆင်ချိန်မရဘဲ ရပ်ကွက်နေပြည်သူတွေ ဒုက္ခရောက်ခဲ့ကြရတယ်လို့သိရပါတယ်။


ဆက်စပ်အကြောင်းအရာများ

Share

က္က