ရန်ကုန်တိုင်းဒေသကြီး ၊တာမွေမြို့နယ်၊ အရိုးကုန်လမ်းနှင့် ဦးထွန်းလမ်းဒေါင့်မှာ လူနေအိမ်အဆောက်အဦတစ်ခု ပြိုကျမှုဖြစ်ပွါးခဲ့ပြီး အမျိုးသားတစ်ဦး ဒဏ်ရာရရှိခဲ့တယ်လို့ သိရပါတယ်။
အဆိုပါအဆောက်အဦးပြိုကျမှုက ဒီကနေ့ မနက် ၂နာရီဝန်းကျင်မှာ ဖြစ်ပွါးခဲ့ပြီး တိုက်ရဲ့ အနောက်ခြမ်းပိုင်းပြိုကျခဲ့တာဖြစ်ပါတယ်။
“ အခုပြိုကျတဲ့တိုက်က သက်တမ်းကတော်တော်ကြာပြီ ။ ၂၀၀၈ ခုနှစ် နာဂစ်ဖြစ်တုန်းကလည်းအဆောက်အဦကိုထိခိုက်ထားတော့ ရှိတော့ အဲဒီကတည်းက လူတွေကိုမနေဖို့ပြောပြီး အန္တရာယ်ရှိအဆောက်အအုံအဖြစ်သတ်မှတ်ထားတာပါ။ အဲဒါကို သူတို့ကလည်းမဖယ်ပေးပဲ ဒီမှာပဲဆက်နေ နေကြတယ်။ အခုပြိုကျတဲ့ဘက်ခြမ်းမှာက အိမ်ထောင်စုလေးစု နေထိုင်တာပါ”လို့ တာမွေမြို့နယ်လွှတ်တော်ကိုယ်စားလှယ် ဦးသိန်းမြင့်က Duwun ကိုပြောပါတယ်။
တိုက်ခန်းပြိုကျမှုကြောင့် ဒဏ်ရာရတဲ့အမျိုးသားမှာလည်း မစိုးရိမ်ရဘဲ ပွန်းပဲ့ဒဏ်ရာလောက်သာရရှိခဲ့တယ်လို့သိရပါတယ်။
အဆိုပါတိုက်က (၁၉၈၈)ခုနှစ်လောက်ကတည်းက ဆောက်လုပ်ထားတဲ့ အဆောက်အဦဖြစ်ပြီး ပြန်လည်တည်ဆောက်ဖို့ကိုတော့ အုပ်ချုပ်ရေးပိုင်းကတာဝန်ရှိသူတွေကပဲ လုပ်ဆောင်ပါလိမ့်မယ်လို့ ဦးသိန်းမြင့်ကပြောပါတယ်။