ဟိုတယ်တွေမှာလည်း အခန်းကြိုတင်ယူထားမှုတွေရှိပါတယ်။

တန်ဆောင်တိုင်ပိတ်ရက်ကာလမှာလည်း ကမ်းခြေအပန်းဖြေခရီးသွားဖို့ စီစဉ်ထားသူတွေများပြားတယ်လို့ သိရပါတယ်။

သီတင်းကျွတ်ပိတ်ရက်ကာလတုန်းကလိုဘဲ တန်ဆောင်တိုင်ပိတ်ရက်မှာ ကမ်းခြေကို အပန်းဖြေသွားတဲ့သူများတယ်လို့ ကမ်းခြေခရီးသွားဝန်ဆောင်မှုစီစဉ်ပေးနေတဲ့သူတစ်ဦးကပြောပါတယ်။

“ အများကြီးပဲ။ သွားကြတယ်။ အဓိက ငွေဆောင်နဲ့ ချောင်းသာသွားကြတာ။ တန်ဆောင်တိုင်ပိတ်ရက်အတွက်ဆို မနက်ဖြန် မနက်ရန်ကုန်ကကားထွက်မှာပေါ့။ လူနည်းရင်တော့ Express ကားနဲ့ စီစဉ်တဲ့ထဲရတယ်။ များရင်တော့ သီးသန့်အန်စာတုံးကားတွေနဲ့ စီစဉ်ပေးတယ်။ သွားတာတော့သွားပါတယ်”လို့ ဆိုပါတယ်။

ကမ်းခြေခရီးသွားတဲ့သူတွေများပေမယ့် လက်ရှိအချိန်ထိတော့ တန်ဆောင်တိုင်ပိတ်ရက်အတွက် ကမ်းခြေဟိုတယ်တွေမှာ အခန်းလွတ်တွေရှိနေသေးတယ်လို့ သိရပါတယ်။

“ ဧည့်သည်တွေလည်းလာပါတယ်။ အခန်းတွေတော့ကျန်သေးတယ်။ တန်ဆောင်တိုင်ပိတ်ရက်အတွက်ဆို အခန်းစျေးကို 10% discount ချထားပေးတယ်။ ပိတ်ရက်အတွက်လည်း အခန်းကြိုယူထားတဲ့သူတွေရှိတယ်။ သီတင်းကျွတ်လောက်တော့မများဘူး”လို့ ချောင်းသာဟိုတယ်တစ်ခုမှ တာဝန်ရှိသူတစ်ဦးကပြောပါတယ်။ 

ပြီးခဲ့တဲ့ သီတင်းကျွတ်ပိတ်ရက်ကာလတုန်းကလည်း ကမ်းခြေအပန်းဖြေခရီးသွားပြည်သူတွေများပြားခဲ့ပြီး ပိတ်ရက်မတိုင်ခင်ကတည်းက ဟိုတယ်တွေမှာ အခန်းကြိုတင် ဘွတ်ကင်တင်မှုတွေနဲ့ ပြည့်နေခဲ့ပါတယ်။

ယခုတန်ဆောင်တိုင်မှာလည်း ကမ်းခြေအပန်းဖြေခရီးသွားရောက်မယ့်သူတွေရှိပေမယ့် ဟိုတယ်အခန်းလွတ်တွေတော့ရှိနေသေးတယ်လို့ သိရပါတယ်။ 

ပုံမှန်ကာလတွေမှာဆိုရင်တော့ ဒီလို ပိတ်ရက်တွေမှာ ကမ်းခြေဟိုတယ်တွေအနေနဲ့ ပိတ်ရက်မတိုင်ခင် (၁)ပတ်အလိုလောက်ကတည်းက အခန်းအားလုံးအပြည့်နဲ့ ခရီးသွားပြည်သူတွေစည်ကားခဲ့တာပါ။


Share

က္က