ဆီးချိုသွေးတိုးစတဲ့ ရောဂါမျိုးစုံ ခံစားနေရတဲ့ အသက် ၇၅ နှစ်အရွယ် ဟာသသရုပ်ဆောင် ဦးမိုးဒီဟာ ကိုဗစ်ကူးစက်ခံရပြီး သေလုမျောပါးအခြေအနေနဲ့ ရင်ဆိုင်ခဲ့ရသူပါ။ ဦးမိုးဒီဟာ အရေးပေါ်ဌာနအထိ ရောက်သွားခဲ့ပြီး အသက်လုခဲ့ရပုံကို အခုလို ပြန်ပြောပြခဲ့ပါတယ်။
" နှလုံးသွေး ကြောကျဉ်း ၊ ဆီးချို၊ သွေးတိုး ရောဂါအစုံရှိတယ်။ အဲဒီရောဂါတွေက အကုန်ကိုဗစ်အကြိုက်တွေချည်းပဲဆိုတော့ ကိုယ့်ကိုယ်ကိုယ် သွားပြီလို့ ထင်ထားတာ။ အဲဒီအချိန်မှာ ကိုယ့်ဘေးမှာ လည်းတစ်ယောက်ပြီးတစ်ယောက် သေ နေ တော့ကိုယ့်အလှည့်က ဘယ်တော့လဲ ဆိုပြီးထိုင်စောင့်နေရတာပေါ့။ သူတို့တွေ ပြောပြတာတော့ ဘဘက ၈ ရက် သတိလစ်နေတာ” လို့ ဦးမိုးဒီက ဆိုပါတယ်။
သတိလစ်နေတဲ့အချိန်မှာ ထူးဆန်းတဲ့ အိပ်မက်တစ်ခုအကြောင်းကိုလည်း ဦးမိုးဒီက အခုလို ပြောပြပါတယ်။
“သတိလစ်နေတဲ့ အချိန်မှာ ခါးတောင်းကျိုက်တွေနဲ့ လူတွေ နီနီရဲရဲကြီးတွေ ဘဘကို လာဆွဲခေါ် နေကြတာ။ ဘဘက နေဦးလို့ ငါလိုက်မယ်၊ ငါ မကြောက်ပါဘူးလို့ မင်းတို့ နဲ့လိုက်ရမှာ လည်းမကြောက်ဘူး။ ငါ့ကိုမခေါ်လည်းလိုက်မယ်။ သေခြင်းရဲ့ ဟိုဘက်မှာ ဘာရှိလည်းဆိုတာ ငါသိချင်တယ်ကွာ လို့ သေသွားရင် ဘာဖြစ်မလဲ လို့ ငါသိချင်တယ်ပေါ့။ သူတို့နဲ့ တွေ့တုန်း သူတို့ ကို မေးတာပေါ့ ။ အဲဒီအချိန်မှာပဲ အဲ့ဒီ့ လူအုပ်ကြီးကို နောက်က လူအုပ်ကြီးက ဆွဲခေါ်သွားပြီး ကိုယ်နဲ့ ဝေးဝေးသွားရော။ အဲဒီလိုမျိုးကို ကြုံဖူးလိုက်တယ်"
ကိုဗစ်ရောဂါကပ်ဆိုးကြီးကလည်း လွတ်မြောက်လာခဲ့ရတာလည်း ပရိသတ်တွေရဲ့ ကျေးဇူးတွေကြောင့်လို့ဆိုလာတဲ့ အသက် ၇၅နှစ်အရွယ်ရှိပြီဖြစ်တဲ့ ဦးမိုးဒီက နေဖို့ထက် သေဖို့အချိန်က ပိုများနေပြီလို့ ဆိုပါတယ်။ မသေဆုံးခင် ကောင်းရောင်းကောင်းဝယ် အလုပ်တစ်ခု ကို လုပ်ချင်တာကြောင့် ကျန်းမာရေးနဲ့ ညီညွတ်တဲ့ ပဲဆီစစ်စစ်ရောရေးခြင်း အလုပ်ကို လုပ်ခဲ့တာ ဖြစ်တယ်လို့ ပြောပြခဲ့ပါတယ်။
" မိုးမေတ္တာ မြေပဲဆီသန့်ကိုရောင်းဖြစ်တာကလည်း အသိမိတ်ဆွေတစ်ယောက်က ဦးမိုးဒီကို ရောင်းခိုင်းတာ။ ဆီက ပဲဆီစစ်စစ် ဆုံဆီ ကို ကြိတ်တာဆိုတော့ စစ်တယ်။ ကိုယ်တိုင်လည်း ရောဂါတွေနဲ့မို့ ပဲဆီစစ်စစ်ပဲ စားဖြစ်တာ။ တကယ်ကောင်းလို့ ရောင်းဖြစ်တာပါ ၊ စျေးက ၉၅၀၀ ဆိုပေမယ့် ကျန်းမာရေးနဲ့ အထူး ညီညွတ်လို့ ဦးမိုးဒီ ရောင်းဖြစ်တာပါ "လို့ မိုးမေတ္တာ ပဲဆီသန့်ကို ရောင်းဖြစ်တာနဲ့ ပတ်သက်ပြီး ပြောပြခဲ့ပါတယ်။
ဦးမိုးဒီကတော့ လတ်တလောမှာ တော့ ကျန်းမာရေး ကောင်းမွန်လျှက်ရှိပြီး ကမ်းလှမ်းထားတဲ့ ကြော်ငြာတချို့ကို လက်ခံရိုက်ကူးပေးနေကာ အွန်လိုင်းပေါ်က နေ Live လွှင့် စျေးရောင်းခြင်းကိုလည်း ကမ်းလှမ်းမှုတွေ ရှိလာရင် ရှိသလို လုပ်ပေးဖြစ်နေတယ်လို့ သိရပါတယ်။
သရုပ်ဆောင်မိုးဒီကိုတော့ လူရွှင်တော် တစ်ယောက်အဖြစ် အငြိမ့်၊ ပြဇာတ်တွေကနေတစ်ဆင့် ပရိသတ်တွေ စတင်အားပေးခဲ့ကြတာပါ။ အဲ့ဒီနောက်မှာ တော့ ဇာတ်ကားတွေလည်း ရိုက်ကူးလာခဲ့ရပြီး တီဗီကြော်ငြာတွေ လည်း အများကြီး ရိုက်ကူးခဲ့ရသူတစ်ယောက်ပါ။ အနုပညာသက်တမ်း အနှစ် ၄၀ ကျော်ရှိပြီး သူ့ရဲ အနုပညာ မျိုးဆက်အနေနဲ့ သားဖြစ်သူ လူရွှင်တော် ဟာသသရုပ်ဆောင် ကောင်းစံကလည်း ပရိသတ်အားပေးမှု တွေ ရရှိထားတဲ့ ဟာသပညာရှင် တစ်ယောက်လည်းဖြစ်ပါတယ်။