ဂယ်ရီ နဗီးက အဲရစ် တန်ဟက်က ဘာကြောင့် ဖရက်ဒ်ကို ပွဲထွက်လူစာရင်းထဲ မရွေးချယ်ခဲ့တာလဲဆိုတာကို အတွင်းကျကျ ရှင်းပြခဲ့ပြီး မန်ယူနိုက်တက်အနေနဲ့ မန်စီးတီးနဲ့ ရင်ဆိုင်ရာမှာ အာဆင်နယ်ရဲ့ ပွဲဗျူဟာကို အတုမခိုးဘူးဆိုရင် အနိုင်ရနိုင်တယ်လို့ ခံစားနေရတာဖြစ်ပါတယ်။

“ယူနိုက်တက်က ရီးရဲလ်မက်ဒရစ်ထက် ပိုပြီး အခွင့်အရေးရှိတယ်လို့ ထင်ပါတယ်။ ယူနိုက်တက်က ဝင်ဘလေမှာ တစ်ပွဲပဲ ကစားရမှာပါ။ ဗဟိုခံစစ်ကစားသမားတွေက ပြန်ပါလာလိမ့်မယ်။ သူတို့တွေ အဲဒီပွဲမှာ ပြန်လာနိုင်မယ်လို့ မျှော်လင့်မိပြီး ကျွန်တော်တို့ ကစားသမားတွေ ကြံ့ခိုင်မှု ရနေပါပြီ။ ကျွန်တော်တို့ ဒီလို ပုံစံမျိုးနဲ့သာ သွားမယ်ဆိုရင် ကျွန်တော် ထင်တယ်။ ကျွန်တော်တို့ အဲဒီပွဲကို ညာတောင်ပံမှာ ဘရူနို ဖာနန်ဒက်စ်နဲ့ သွားမယ်။ ကွင်းလယ်မှာ မက်တော်မီနေး(အထိုင်)၊ ကာစီမီရို၊ အဲရစ်ဆင် ဒါမှမဟုတ် ဆာဘစ်ဇာတို့ကို ထားမယ်။ ကျွန်တော်တို့ ဒီပွဲထဲမှာ နည်းနည်း ပိုပြီး တွေးစရာတွေ ရှိလာမှာပါ။ အာဆင်နယ်က ကွင်းလယ်မှာ တိုက်စစ်လိုက်ပါခဲ့တဲ့ ၃ ဦးနဲ့ ကစားခဲ့တဲ့အတိုင်းလုပ်ရင် မှားယွင်းတဲ့ လှုပ်ရှားမှုပါ။ ကျွန်တော်တို့ နည်းနည်းပိုပြီး ခံစစ်ပုံစံကစားဖို့ လိုပါတယ်။ တန်ဟက်က ဒီလိုမျိုး လုပ်ရတာကို မနှစ်သက်ပါဘူး။ သူက ဘောလုံးပိုင်ဆိုင်မှု အသာစီးရချင်တယ်။ သူက ဘောလုံးကို ထိန်းချုပ်ထားချင်တယ်။ သူ ပြီးခဲ့တဲ့လအနည်းငယ်မှာ ဖရက်ဒ်ကို ချန်လှပ်ထားခဲ့တယ်။ ဘာလို့လဲဆိုတော့ သူက အဲရစ်ဆင်ကို သုံးချင်လို့ပါ။ ကျွန်တော် ဖရက်ဒ် ဘာလို့မကစားရဘဲ ဆာဘစ်ဇာက ကစားနေရလဲဆိုတာ နည်းနည်း အတွင်းကျကျ ပြောပြမယ်။ ဘာလို့လဲဆိုတော့ သူက ဘောလုံးမကိုင်ထားနိုင်လို့ပါ”လို့ ပြောကြားခဲ့ပါတယ်။