"ကျွန်တော်ခက်ခက်ခဲခဲ ပင်ပင်ပန်းပန်းဆုံးဖြတ်ခဲ့ရတဲ့ဆုံးဖြတ်ချက်ပေါ့။ ဆုံးဖြတ်လိုက်ပြီဆိုကတည်းကလည်း သူ့အတွက်ပဲဆုံးဖြတ်တာလေ။ သမီးအတွက်ဆုံးဖြတ်လိုက်တဲ့နေ့ကစပြီး သမီးနဲ့ကျွန်တော်နဲ့က အမြဲတမ်းစကားပြောဖြစ်တယ်။ သမီးဂကျွန်တော့်ကိုဖြစ်စေချင်တာတွေ၊ ကျွန်တော် သမီးကိုဖြစ်စေချင်တာတွေ၊ အဲ့ဒါတွေ တောက်လျှောက် မအိပ်ခင်ညတိုင်းစကားပြောတယ်။ ကျွန်တော်ငယ်ငယ်ကတည်းက ဆယ်တန်းအောင်ပြီးခါစ အိမ်ကလူကြီးတွေ တားနေတဲ့ကြားထဲက နိုင်ငံခြားသွားမယ်၊ ပိုက်ဆံရှာမယ်ဆိုတဲ့ကာလကိုပြန်သတိရတယ်ပေါ့၊ ဒါပေမယ့် အဲဒီတုန်းက ကျွန်တော်သူစိမ်းတွေဆီသွားတာ။ အခုက သူက သူ့မေမေဆီသွားတာဖြစ်တဲ့အတွက် သမီးကိုစိတ်ပူစရာမလိုဘူးပေါ့။ ဘာပဲ ပြော​ပြောကျွန်တော့်အတွက်ကောင်းတဲ့ဟာပေါ့။ "လို့ သရုပ်ဆောင်ဘုဏ်းသိုက်က ပြောပြပါတယ်။

အသက် ၈ နှစ်သာ ရှိသေးတဲ့ သမီးလေး မြမိုးဂင်္ဂါက အရွယ်နဲ့မလိုက်အောင် ရင့်ကျက်တည်ငြိမ်လှတယ်လို့ ဘုဏ်းသိုက်က ဂုဏ်ယူစွာနဲ့ ဆိုလာပါတယ်။

Photo-Bhone Thaik FB

သမီးကိုဘယ်လိုလူတစ်ယောက်ဖြစ်စေချင်လဲဆိုတဲ့မေးခွန်းအပေါ်ကိုတော့ သရုပ်ဆောင်ဘုဏ်းသိုက်ကအခုလိုတုံ့ပြန်ဖြေကြားလာခဲ့ပါတယ်။ 

"သမီးက ကျွန်တော် မရခဲ့တာတွေရသင့်ပြီးတော့ ကျွန်တော်ရတဲ့ဟာတွေလုံးဝ မရသင့်တဲ့ ကျွန်တော်ဖြစ်ချင်တဲ့ကျွန်တော်ပေါ့။ ဘယ်သူမဆိုကိုယ့်ဘဝထဲမှာဖြစ်ချင်တာတွေ ဖြစ်ချင်တာဘယ်လောက်ပဲကောင်းကောင်း မဖြစ်သင့်တာတွေရော မဖြစ်ချင်တာတွေရောဖြစ်ဖြစ်လာတယ်လေ ဘဝထဲမှာ။ ဒါပေမယ့်စိတ်ကူးထဲကဖြစ်ချင်တဲ့ဟာကကျတော့ အဲဒီလိုမျိုး မကောင်းတာတွေမပါဘူး။ ကိုယ်ကိုယ်ကိုယ်ချစ်တဲ့စိတ်ကြောင့် ကိုယ့်ရဲ့အနာဂတ်ကို တွေးတာလေ။ ကျွန်တော့်ဘဝလက်တွေ့ကကျတော့ ဘယ်သူမဆိုကောင်းတာလည်းဖြစ်တယ်။ ဆိုးတာလည်းဖြစ်တယ်။ သမီးကိုကျ တော့ဘယ်လိုဖြစ်စေချင်လဲဆိုတော့ ကျွန်တော်လက်တွေ့မဟုတ်တဲ့ စိတ်ကူးထဲကဖြစ်ချင်လိုက်တာ ဆိုတဲ့ဘဝမျိုး" လို့ သမီးအတွက် မျှော်လင့်ချက်တွေကို ပြောပြခဲ့ပါတယ်။

Photo-Bhone Thaik FB

သရုပ်ဆောင်ဘုဏ်းသိုက်က လတ်တလောမှာ သရုပ်ဆောင်ချောရတနာနဲ့တွဲဖက်ပြီး အချစ်ဆုံးသူငယ်ချင်းနှစ်ယောက်ဆိုတဲ့ရုပ်ရှင်ဇာတ်ကားမှာပါဝင်သရုပ်ဆောင်ထားတာတွေ့ရပါတယ်။ ၂၀၂၂ခု နှစ်တစ်နှစ်လုံးမှာ ပရိသတ်တွေနဲ့ဝေးကွာနေချိန်မှာလည်း သရုပ်ဆောင်ဘုဏ်းသိုက်တစ်ယောက် ပန်းချီရေးဆွဲနေခဲ့ပြီး မကြာခင်မှာ တစ်ကိုယ်တော် ပန်းချီပြပွဲတစ်ခုကျင်းပပြုလုပ်သွားမှာဖြစ်တဲ့အ​ကြောင်းကို သူ့ရဲ့ပရိသတ်တွေကိုအသိပေးလာခဲ့ပါတယ်။ 

Photo- Bhone Thaik fb

ဘုဏ်းသိုက်နဲ့ ချမ်းချမ်းတို့ဟာ ၂၀၁၃ခုနှစ် ဇူလိုင်(၁၇)ရက်နေ့က လက်ထပ်ခဲ့ကြတာ ဖြစ်ပြီး ရန်ကုန်မြို့ Saint Mary's Cathedral မှာ မင်္ဂလာ လက်ထပ်ပွဲကို ကျင်းပခဲ့ကြတာ ဖြစ်ပါတယ်။ ၂၀၁၄ ခုနှစ်မှာတော့ သမီးလေး မြမိုးဂင်္ဂါကို မွေးဖွားခဲ့တာပါ။

Photo- Bhone Thaik FB

အိမ်ထောင်သက် ၄ နှစ်အကြာ ၂၀၁၇ခုနှစ် နိုဝင်ဘာလ ၂၄ ရက်နေ့ထုတ် ကြေးမုံ သတင်းစာမှာ ချမ်းချမ်းက ခင်ပွန်း ဖြစ်သူ ဘုဏ်းသိုက်နဲ့ တရားဝင်ကွာရှင်းလိုက်ပြီဆိုတာကို ကြေညာခဲ့တာဖြစ်ပါတယ်။