အိပ်ခန်း ၇ ခန်းပါဝင်တဲ့ နေအိမ်ဖြစ်ပြီး ခြံအကျယ်ကတော့ ၂၃ ဧကကျယ်ဝန်းတယ်လို့ ဆိုပါတယ်။

လက်ရှိနေထိုင်နေတဲ့ နေအိမ်ဟာ ယူနိုက်တက်က စီစဉ်ပေးထားတာလို့ သိရပြီး သိုးအုပ်ရောက်ရှိလာပြီးနောက်မှာ နေအိမ်ပြောင်းရွှေ့နိုင်ဖို့ ကစားသမားဘက်က တောင်းဆိုခဲ့ပါတယ်။


ယူနိုက်တက်တိုက်စစ်မှူးရော်နယ်ဒိုဟာ ၂၃ ဧကကျယ်ဝန်ပြီး အိပ်ခန်း ၇ ခန်းပါဝင်တဲ့ နေအိမ်မှာ နေထိုင်နေရာကနေ အိမ်ပြောင်းရွှေ့ခဲ့ရတယ်လို့ သိရပါတယ်။ အကြောင်းရင်းကတော့ နေအိမ်အနီးနားကို သိုးအုပ်တွေရောက်ရှိလာခဲ့ပြီး ဆူညံလွန်းတဲ့အသံတွေကြောင့် ကောင်းကောင်းမွန်မွန်နေထိုင်လို့မရတာကြောင့်ဖြစ်တယ်လို့ The Sun က ဖော်ပြခဲ့ပါတယ်။

လက်ရှိနေထိုင်နေတဲ့ နေအိမ်ဟာ ယူနိုက်တက်က စီစဉ်ပေးထားတာလို့ သိရပြီး သိုးအုပ်ရောက်ရှိလာပြီးနောက်မှာ နေအိမ်ပြောင်းရွှေ့နိုင်ဖို့ ကစားသမားဘက်က တောင်းဆိုခဲ့ပါတယ်။ ရော်နယ်ဒိုအနေနဲ့ သိုးအုပ်အသံတွေကြောင့် အိပ်စက်နေရာကနေ မကြာခဏနိုးလာခဲ့ပြီး ရေရှည်မှာ သူ့ရဲ့ကျန်းမာရေးနဲ့ ကြံ့ခိုင်မှုပိုင်းကို ထိခိုက်နိုင်တဲ့ အလားအလာတွေရှိနေတာကြောင့်လည်း ဖြစ်ပါတယ်။ 

နောက်ထပ်ပြောင်းရွှေ့တဲ့ နေအိမ်ကလည်း အိပ်ခန်း ၇ ခု ပါဝင်တဲ့ နေအိမ်ဖြစ်တယ်လို့ သိရပြီး ကစားသမားအဆင်ပြေဖို့အတွက် ယူနိုက်တက်ဘက်ကပဲ စီစဉ်ပေးခဲ့ရဖွယ်ရှိပါတယ်။ ရော်နယ်ဒိုရဲ့ ယူနိုက်တက်အသင်းဖော်ဟောင်းအီဗရာကတော့ ဒီအပေါ်မှာ နောက်ပြောင်မှုတွေပြုလုပ်ခဲ့ပြီး လှေတစ်စင်းပေါ်မှာ သို
းတွေအပြည့်တင်ဆောင်ထားတဲ့ ဓာတ်ပုံနဲ့အတူ "စိတ်မပူနဲ့တော့ ရော်နယ်ဒိုရေ၊ သိုးတွေကို မင်းအိမ်နဲ့ဝေးရာဆီ ငါ ခေါ်သွားပြီ" လို့ ရေးသားကာ လူမှုကွန်ရက်ပေါ် တင်ခဲ့ပါတယ်။ 


ကစားသမားဘဝမှာ ကျန်းမာရေးနဲ့ ကြံ့ခိုင်မှုပိုင်းအပေါ် အာရုံစိုက်လွန်းတဲ့ ရော်နယ်ဒိုအတွက်တော့ သိုးအုပ်တွေက စိတ်ပျက်စရာဖြစ်ခဲ့ရပါတယ်။ လက်ရှိမှာ ရော်နယ်ဒိုက ယူနိုက်တက်အတွက် ၂ ပွဲကစားပေးထားပြီး ၃ ဂိုးအထိ သွင်းယူပေးကာ ခြေစွမ်းပြနေပြီး အဓိကတိုက်စစ်မှူးအဖြစ် ဆိုးလ်ရှားက အသုံးပြုနေပြီး လာမယ့်ပရီးမီးယားလိဂ်ပွဲစဉ်အဖြစ် ဝက်စ်ဟမ်းနဲ့ ကစားသွားရဖို့ ရှိနေပါတယ်။ 

Share

Loading Next Article...
က္က