ဆိုးလ်ရှားကတော့ ပွဲတိုင်းကို အသုံးပြုရကိန်းဆိုက်နေပါတယ်။

အသက် ၃၆ နှစ်အရွယ် ရော်နယ်ဒိုကို အဲဗာတန်နဲ့ပွဲမှာ အရန်ခုံထိုင်ခိုင်းမှုနဲ့ပတ်သက်ပြီး နည်းပြဟောင်းဖာဂူဆန်အပါအဝင် ကစားသမားဟောင်းတွေကြား အငြင်းပွားမှုတွေဖြစ်ပေါ်နေခဲ့ပါတယ်။ 


ရော်နယ်ဒိုက သူ့အနေနဲ့ ပရီးမီးယားလိဂ်ပွဲတိုင်းကို ပါဝင်ကစားနိုင်ဖို့ ကြံ့ခိုင်မှုအပြည့်အဝရှိကြောင်း နည်းပြဆိုးလ်ရှားကို ပြောဆိုထားတယ်လို့ The Sun က ဆိုပါတယ်။ ပေါ်တူဂီကြယ်ပွင့်ဟာ အဲဗာတန်နဲ့ တစ်ဖက်တစ်ဂိုးစီသရေကျခဲ့တဲ့ပွဲမှာ အရန်ခုံမှာသာ ရှိနေခဲ့ပြီး ဒီလိုလုပ်ခဲ့တဲ့အပေါ်မှာ စိတ်ပျက်နေတယ်လို့ သတင်းတွေထွက်ပေါ်နေခဲ့ပါတယ်။ 



ယူနိုက်တက်နဲ့နီးစပ်တဲ့ သတင်းရင်းမြစ်တစ်ခုက "ရော်နယ်ဒိုက အရန်ခုံမှာထိုင်ရတာကို အရမ်းစိတ်ပျက်နေတယ်၊ အိုလေက ဗီလာရီးရဲလ်နဲ့ပွဲအပြီးမှာ ရော်နယ်ဒိုပင်ပန်းနေပြီလို့ ယူဆခဲ့ပါတယ်၊ ဒါကြောင့် သူက အနားပေးခဲ့ပြီး ဒုတိယပိုင်းမှာ ဝင်ကစားစေဖို့ ဆုံးဖြတ်ခဲ့တာပါ၊ ဒါပေမယ့် ရော်နယ်ဒိုက သူ အသင့်မဖြစ်ဘူးဆိုရင် ပြောမယ်၊ အခုတော့ သူ ပွဲတိုင်းကို ဝင်ကစားနိုင်တယ်လို့ အိုလေကို ပြောထားခဲ့ပါတယ်"


"ဒီကို ရောက်လာတာ သူ ဆုဖလားတွေရယူဖို့နဲ့ ယူနိုက်တက်အတွက် ပွဲတိုင်းမှာအရေးပါတဲ့ ကစားသမားအဖြစ်ရှိနေဖို့ဆိုပြီး ဆိုးလ်ရှားကို ထပ်ပြောထားပါတယ်" လို့ The Sun ကို ပြောဆိုခဲ့ကြောင်း သိရပါတယ်။ အသက် ၃၆ နှစ်အရွယ် ရော်နယ်ဒိုကို အဲဗာတန်နဲ့ပွဲမှာ အရန်ခုံထိုင်ခိုင်းမှုနဲ့ပတ်သက်ပြီး နည်းပြဟောင်းဖာဂူဆန်အပါအဝင် ကစားသမားဟောင်းတွေကြား အငြင်းပွားမှုတွေဖြစ်ပေါ်နေခဲ့ပါတယ်။ 


ဆိုးလ်ရှားကတော့ သူ့ကစားသမားဆီက အကောင်းဆုံးပုံစံကို ရယူဖို့နဲ့ ကစားသမားရဲ့ အနေအထားကိုကြည့်ကာ သူ ဆုံးဖြတ်ခဲ့တာဖြစ်တယ်လို့ ကာကွယ်ပြောဆိုခဲ့ပါတယ်။ အနားပေးချိန်တွေမှာ အခြားသောကစားသမားတွေကိုလည်း အခွင့်အရေးပေးဖို့ ဆိုးလ်ရှားက ရည်ရွယ်ခဲ့ဟန်ရှိပြီး အသင်းရလဒ်မကောင်းချိန်မှာတော့ သူ့ရဲ့ဆုံးဖြတ်ချက်က မှားယွင်းခဲ့တယ်လို့ ယူဆခံခဲ့ရပြီး ဝေဖန်ပြစ်တင်မှုတွေနဲ့ ရင်ဆိုင်ခဲ့ရပါတယ်။ 

Share

က္က