အသင်းကို ၂ပွဲဆက် ပေးဂိုးမရှိအောင် စွမ်းဆောင်ပေးထားပါတယ်။

ဂိုးသမားရမ့်ဒေးလ်နဲ့ နောက်ခံလူတိုမီယာဆုတို့ ရောက်ရှိလာပြီးနောက် အာဆင်နယ်ခံစစ်ပိုင်းက မာကျောလာခဲ့တာဖြစ်ပြီး ဂျပန်နောက်ခံလူက အထူးခြေစွမ်းပြသခဲ့ပါတယ်။


မနေ့က ကစားခဲ့တဲ့ ဘန်လေနဲ့ပွဲမှာတော့ အာဆင်နယ်ဟာ မာတင်အိုဒီဂတ်ရဲ့ အလွတ်တည်ကန်ဘောသွင်းဂိုးနဲ့ အနိုင်ရရှိခဲ့ကာ ၂ပွဲဆက်တိုက်နိုင်ပွဲရရှိသွားခဲ့ပါတယ်။ ဒါဟာ ၃ ပွဲဆက်အရေးနိမ့်ခဲ့ပြီးနောက် အာဆင်နယ်ရဲ့ ပြန်လည်ရုန်းထလာခဲ့မှုဖြစ်ပြီး ၂ပွဲဆက်တိုက်ပေးဂိုးမရှိစံချိန်ကိုလည်း ရရှိခဲ့တာဖြစ်ပါတယ်။ ဂိုးသမားရမ့်ဒေးလ်နဲ့ နောက်ခံလူတိုမီယာဆုတို့ ရောက်ရှိလာပြီးနောက် အာဆင်နယ်ခံစစ်ပိုင်းက မာကျောလာခဲ့တာဖြစ်ပြီး ဂျပန်နောက်ခံလူက အထူးခြေစွမ်းပြသခဲ့ပါတယ်။

ဘန်လေနဲ့့ပွဲမှာ တိုမီယာဆုက အမြင့်ဘောလုယူမှု ရာနှုန်းပြည့်အောင်မြင်ခဲ့သလို တစ်ဦးချင်းကျော်ဖြတ်မှုတွေမှာလည်း ရာနှုန်းပြည့်စွမ်းဆောင်နိုင်ခဲ့ပါတယ်။ ဘောလုံးထိချက် ၇၉ ကြိမ်ရှိခဲ့ပြီး အသင်းမှာအများဆုံးဖြစ်ကာ ပြန်လည်ဆယ်ယူပေးနိုင်မှု ၅ ကြိမ်၊ ရှင်းထုတ်မှု ၅ ကြိမ်၊ ကြားဖြတ်လုယူမှု ၁ကြိမ် နဲ့ ဖျက်ထုတ်မှု ၁ ကြိမ်ပြုလုပ်နိုင်ခဲ့ကာ အထင်ကြီးဖွယ်ခြေစွမ်းမျိုုးကို ပြသခဲ့ပါတယ်။ ဒီကစားသမားရဲ့ စွမ်းဆောင်ရည်ကို ပွဲအပြီးမှာ နည်းပြအာတီတာနဲ့ အသင်းခေါင်းဆောင်အူဘာမီယန်တို့က သွားရောက်ချီးကျူးမှုတွေတောင် ပြုလုပ်ခဲ့ကြပါတယ်။ 

ဘိုလော့ဂ်နာနောက်ခံလူဟောင်းအတွက် အာဆင်နယ်ဟာ ပေါင်သန်း ၂၀ ပေးချေခဲ့ရပြီး ဒီအပေါ်မှာ လှောင်ပြောင်မှုအများအပြားရှိနေခဲ့ပါတယ်။ ဒါပေမယ့် တိုမီယာဆုကတော့ အကောင်းဆုံးပုံစံတွေကို ပြသခဲ့ကာ သူ့ကိုခေါ်ယူမှုက မှန်ကန်ကြောင်း သက်သေပြနိုင်ခဲ့ပါတယ်။ အာရွန်ရမ့်စ်ဒေးလ်ကလည်း လီနိုရဲ့ နံပါတ်တစ်ဂိုးသမားနေရာကိုပါ ခြိမ်းခြောက်မှုတွေပြုလုပ်နေပြီး အာတီတာရဲ့ ကစားသမားရွေးချယ်မှုနဲ့ အပြောင်းအရွှေ့ပေါ်လစီက အလုပ်ဖြစ်လာနေပြီလို့ 101 Great Goals က သုံးသပ်ဖော်ပြခဲ့ပါတယ်။ 

ဒီနွေရာသီစျေးကွက်အတွင်း အာဆင်နယ်က ပေါင်သန်း ၁၄၀ အထိ အသုံးပြုကာ ပရီးမီးယားလိဂ်မှာ အပြောင်းအရွှေ့စရိတ်အသုံးအများဆုံးအသင်းဖြစ်ခဲ့သလို ဝယ်ယူခဲ့တဲ့ကစားသမားတွေထဲမှာလည်း အသက် ၂၃နှစ်ထက် ကြီးတဲ့ ကစားသမားလုံးဝမပါဝင်ခဲ့ပါဘူး။ လက်ရှိမှာ ကစားသမားသစ်တွေဖြစ်တဲ့ ရမ့်စ်ဒေးလ်၊ တိုမီယာဆုနဲ့ အိုဒီဂတ်တို့လို ကစားသမားတွေက လက်စွမ်း/ခြေစွမ်းပြနေပြီး အာတီတာကို အသက်ရှူချောင်စေခဲ့သလို အသင်းရဲ့ လုပ်ငန်းစဉ်အပေါ် ပရိသတ်တွေ ပြန်လည်ယုံကြည်လာစေဖို့ပါ တွန်းအားပေးနိုင်ခဲ့ပါတယ်။

Share

က္က