" အဖေက မနက်တုန်းက ဆီးသွားချင်တယ်ဆိုပြီး သွားရင်းက အမောဖောက်သွားတယ်။ နေအိမ်မှာပဲဆုံးသွားတာပါ။ အဖေက စားနိုင်ပေမယ့် လမ်းမလျှောက်နိုင်ဘူး။ ခြေထောက်က အနာနဲ့ဆိုတော့ နှစ်ဖက်စလုံးက ယောင်သွားတယ်။ ဆရာဝန်ကို ခြေထောက်ဖြတ်ချင်လို့ တိုင်ပင်ပေမယ့် အသက်က ၉၀ နားကပ်နေတာမို့လို့ မလုပ်ပေးချင်ဘူးလို့ ပြောတယ်။ မေ့ဆေး၊ ထုံဆေးတွေပေးရင် ဆေးပတ်မလည်တာတွေရှိတော့ သူတို့မှာပြဿနာလည်း ဖြစ်နိုင်တယ်ပေါ့နော်။ သူအသက်အရွယ်ကလည်းကြီးနေပြီဆိုတော့ အမောဒဏ်ကိုမခံနိုင်တော့တာပါ" ဆိုပြီး သမီးဖြစ်သူမနီလာက ပြောပြခဲ့ပါတယ်။ 

Photo Credit

Photo Credit

သရုပ်ဆောင် ရဲမြညွန့်ကွယ်လွန်ချိန်မှာတော့ အသက်၈၉နှစ်ရှိပြီဖြစ်ပြီး ဇနီးနဲ့ သမီးတစ်ဦးကျန်ရစ်ခဲ့ပါတယ်။ 

သရုပ်ဆောင် ရဲမြညွန့်ကတော့ မြန်မာ့ရုပ်ရှင်နဲ့ ဗီဒီယိုဇာတ်ကားများစွာတို့မှာ ရဲတပ်ဖွဲ့ဝင်အဖြစ် နှစ်ပေါင်းများစွာ သရုပ်ဆောင်ခဲ့ပြီး ရဲဝတ်စုံနှင့် အသုံးအဆောင်ပစ္စည်းများငှားရမ်းခြင်းလုပ်ငန်းရှိသလို ရိုက်ကူးရေးအတွက် အသုံးပြုတဲ့ တရားဥပဒေရုံး နှစ်ရုံးကိုလည်း ပိုင်ဆိုင်သူဖြစ်ပါတယ်။ အသက်အရွယ်တစ်ခုရောက်ပြီး နာမကျန်းချိန်မှာတော့ သမီးဖြစ်သူက ဖခင်ရဲ့လုပ်ငန်းကို ဆက်လက်လုပ်ကိုင်နေတယ်လို့ သိရပါတယ်။