ဗီဒီယိုမျှဝေတဲ့ TikTok အက်ပလီကေးရှင်းမှာ လွှင့်တင်ရန်အတွက် အိမ်လုပ်သေနတ်တစ်လက်နဲ့အတူ ဗီဒီယိုရိုက်နေစဉ် အိန္ဒိယဆယ်ကျော်သက်တစ်ဦး မတော်တဆပစ်ခတ်ခံရပြီး သေဆုံးခဲ့ကြောင်း ရဲတပ်ဖွဲ့က ကြာသပတေးနေ့ (ဇွန် ၁၃ ရက်) မှာ ပြောပါတယ်။

(Photo: Variety/Courtesy of Bytedance)

"နှစ်ယောက်ကို ဖမ်းမိထားပြီး သူတို့ကို လူသတ်မှုနဲ့ လူသတ်ရန်ကြိုးပမ်းမှုဖြင့် စွဲချက်တင်ထားပါတယ်၊ နောက် နှစ်ယောက်ကတော့ ထွက်ပြေးနေပါတယ်" လို့ ရဲအရာရှိ Anil Katke က AFP ကို ပြောပါတယ်။ ယခု အမှုနဲ့ပတ်သက်ပြီး စုံစမ်းစစ်ဆေးမှုတွေ လုပ်ဆောင်နေတယ်လို့ သိရပါတယ်။

(Photo: Alamy)

မတော်တဆ ပစ်ခတ်မှုဖြစ်ပြီးနောက် ၎င်းတို့လေးဦးက တုန်လှုပ်ခြောက်ခြားနေခဲ့ကြပြီး ထွက်မပြေးခင်မှာ ဟိုတယ်ဝန်ထမ်းတွေကို ပစ္စတိုသေနတ်နဲ့ ခြိမ်းခြောက်ခဲ့တယ်လို့လည်း ရဲအရာရှိက ပြောပါတယ်။ အိန္ဒိယမှာ ယခုနှစ်ဧပြီလအတွင်း TikTok ကို ပိတ်ပင်ခဲ့ပေမဲ့ တရားရုံးမှာ ဦးတိုက်လျှောက်ထားခဲ့ပြီးနောက် ပြန်လည် အသုံးပြုခွင့်ပေးခဲ့ကြောင်း AFP သတင်းမှာ ဖော်ပြပါတယ်။