တက္ကသိုလ်ဝင်တန်းဖြေဆိုကြမယ့် ကျောင်းသားကျောင်းသူတွေအတွက် ပထမဆုံး အကြိမ် ကျင်းပတဲ့ “ အားကျလေ့လာ အတုယူပါ” ပညာရေးဟောပြောပွဲကို သြဂုတ်လ ၄ ရက်နေ့က ရန်ကုန်မြို့ Strand ဟိုတယ်မှာ ကျင်းပခဲ့ပါတယ်။
ဒီပွဲကိုတော့ အထက်တန်းနဲ့ ဘာသာစကားဆိုင်ရာ ပညာရေးနဲ့ သင်ကြားရေးဆိုင်ရာ ဝန်ဆောင်မှုတွေ ပေးနေတဲ့ MMtutors က စီစဉ်ကျင်းပတာဖြစ်ပါတယ်။ ဝါရင့်ဆရာဆရာမကြီးတွေက အခုနှစ်မှာ ပြောင်းလဲဖြေဆိုရမယ့် တက္ကသိုလ်ဝင်တန်းစာမေးပွဲ မေးခွန်းပုံစံတွေ၊ လေ့လာသင့်တဲ့နည်းလမ်းတွေနဲ့ ၂၀၁၇၊၂၀၁၈ ခုနှစ်က တစ်နိုင်ငံလုံးဆုရှင်တွေရဲ့ အတွေ့အကြုံတွေ၊ သင်ခန်းစာလေ့လာကျက်မှတ်နည်းတွေကို တတ်ရောက်လာတဲ့ ကျောင်းသားတွေနဲ့ မိဘတွေကို မျှဝေခဲ့ပါတယ်။
“ကျောင်းသားကျောင်းသူတွေကို ဘယ်လိုနည်းမျိုးနဲ့ ဖြေရင် အမှတ်အများဆုံးဖြစ်မလဲ။ နောက်ပြီးတော့ Stress များတဲ့ စာမေးပွဲကာလမှာ အချိန်ကိုစီမံပြီးတော့ စာမေးပွဲအတွက် ဘယ်လိုပြင်ဆင်သင့်လဲဆိုတာတွေကို ပြန်ပြီးတော့ ဝေမျှချင်တာပါ။ “ လို့ MMtutors မှ Chief Operating Officer ကိုဖြိုးဝေယံက ပြောပါတယ်။
ပညာရေးဟောပြောပွဲကြီးကို ရန်ကုန်မြို့အပြင် အခြားမြို့တွေက ဆရာဆရာမတွေ၊ ကျောင်းသားတွေနဲ့ မိဘတွေ အများအပြား တတ်ရောက်ခဲ့ပါတယ်။
“ ဒီမှာ ဆရာကြီးတွေရဲ့ အကြံပြုချက်အရ ဘယ်လိုသင်ခန်းစာတွေက အောင်မှတ်ရနိုင်တယ်။ ဂုဏ်ထူးရနိုင်တယ် စသဖြင့် သိရှိသွားတော့ ကလေးတွေကို သင်ကြားတဲ့အခါမှာအများကြီး အကျိုးရှိပါတယ်။ “ လို့ ငြိမ်းပညာနန်းတော် ကိုယ်ပိုင်သင်တန်းကျောင်းမှ ဆရာမ ဒေါ်ငြိမ်းငြိမ်းဆင့်က ပြောပါတယ်။
“ဘာသာရပ်တစ်ခုချင်းစီကို ဘယ်လိုလေ့လာရမလဲဆိုတာတွေကို သိခွင့်ရတယ်။ Top Ten ရခဲ့တဲ့အကိုအမတွေရဲ့ အတွေ့အကြုံတွေလည်း ကြားရတော့ အများကြီး အားတတ်ပါတယ်။” လို့ တောင်ဒဂုံမြို့နယ်မှ ဆယ်တန်းကျောင်းသားတစ်ဦးက ပြောပါတယ်။
ဒါ့အပြင် ဒီပွဲမှာ MMtutors ရဲ့ ဝန်ဆောင်မှုတွေအကြောင်း ၊ တက္ကသိုလ်ဝင်တန်းမေးခွန်းဟောင်းတွေကို အင်တာနက်ကနေ ဖြေဆိုနိုင်မယ့် MMtutors ရဲ့ Exam Database အကြောင်းနဲ့ သိလိုရာမေးခွန်းတွေကို အွန်လိုင်းကနေ အဖြေရှာနိုင်မယ့် MMtutors ရဲ့ Facebook Chat Box အကြောင်းတို့ကိုလည်း မိတ်ဆက်ပေးခဲ့ပါတယ်။
MMtutors ဟာ မြန်မာနိုင်ငံရဲ့ တစ်ခုတည်းသော သင်ကြားလေ့လာရေး ပလက်ဖောင်းတစ်ခုဖြစ်ပြီး ကျောင်းသားတေအတွက် သင်ကြားနည်းလမ်းသစ်တွေကို ပံ့ပိုးပေးနေတာဖြစ်ပါတယ်။