ပြက္ခဒိန်တနှစ်အတွင်း ပရီးမီးယားလိဂ်မှာ ပင်နယ်တီဂိုး ၁၀ ဂိုးအထိ ရခဲ့တာပါ။

အက်စတွန်ဗီလာကို ချယ်လ်ဆီးက ၁-၃ နဲ့ အဝေးကွင်းမှာ အနိုင်ရရှိခဲ့တဲ့ပွဲမှာ ကွင်းလယ်လူဂျော်ဂျင်ဟိုက အသင်းအတွက် ပင်နယ်တီကတဆင့် ၂ ဂိုးသွင်းယူသွားခဲ့ပါတယ်။ ဒီအတွက်ကြောင့် ဂျော်ဂျင်ဟိုဟာ ဒီရာသီမှာ အသင်းအတွက် ပရီးမီးယားလိဂ်ဂိုး ၆ ဂိုးအထိ သွင်းယူပေးထားနိုင်ခဲ့ပြီဖြစ်ကာ အဆိုပါဂိုးအားလုံးက ပင်နယ်တီကတဆင့် သွင်းယူခဲ့တာတွေဖြစ်ပါတယ်။ 



မနေ့က ရရှိခဲ့တဲ့ သွင်းဂိုး ၂ဂိုးကြောင့်လည်း သူက ပြက္ခဒိန်တနှစ်အတွင်းမှာ ပင်နယ်တီဂိုး ၁၀ ဂိုးအထိ ရရှိခဲ့တဲ့ ပထမဆုံးပရီးမီးယားလိဂ်ကစားသမားဖြစ်လာခဲ့ပြီဖြစ်ပါတယ်။ ပရီးမီးယားလိဂ်သမိုင်းမှာ အရင်က ပြက္ခဒိန်တနှစ်အတွင်း ပင်နယ်တီသွင်းယူမှုအများဆုံးက ၉ ဂိုးသာဖြစ်ပြီး မတ်လီတစ်ဆီယာ နဲ့ စတီဗင်ဂျရတ်တို့ဖြစ်ကာ ဂျော်ဂျင်ဟိုက အဆိုပါကစားသမားတွေကို ကျော်ဖြတ်နိင်ခဲ့တာဖြစ်ပါတယ်။ 

ချယ်လ်ဆီးအတွက် နောက်ဆုံးသွင်းယူထားတဲ့ ဂိုးပေါင်း ၁၅ ဂိုးစလုံးကိုလည်း သူက ပင်နယ်တီကနေပဲ ရယူခဲ့တာဖြစ်ပါတယ်။ ပင်တိုင်ကန်သွင်းသူအဖြစ် တာဝန်ယူထားခဲ့တာဖြစ်ပြီး သူ့ရဲ့တည်ကန်ဘောကန်သွင်းမှု ထူးချွန်တဲ့အရည်အသွေးက အခြားသောကစားသမားတွေထက် သာလွန်ကောင်းမွန်နေခဲ့တာလည်းဖြစ်ပါတယ်။ 


ပြီးခဲ့တဲ့ ဇန်နဝါရီမှာ ချယ်လ်ဆီးကို နည်းပြတူချယ်လ်ရောက်ရှိလာပြီးနောက် ချယ်လ်ဆီးက ပရီးမီးယားလိဂ်မှာ ပင်နယ်တီကတဆင့် သွင်းဂိုး ၁၁ ဂိုးအထိ ရအောင်သွင်းယူနိုင်ခဲ့ပါတယ်။ ဒီမှတ်တမ်းက အခြားသောဘယ်အသင်းထက်မဆို ပိုမိုများပြားနေခဲ့တာဖြစ်ပြီး ဒီမှတ်တမ်းရယူနိုင်ဖို့အတွက်တော့ ဂျော်ဂျင်ဟိုက အခရာကျခဲ့ကာ အီတလီသားက ပင်နယ်တီကန်သွင်းရာမှာ ဆရာတဆူအဖြစ် သတ်မှတ်ခံခဲ့ရပါတယ်။ 


ဆက်စပ်အကြောင်းအရာများ

Share

က္က