ဖရသီးတွေကို မြန်မာဘက်မှာ ၄၈ နာရီ ပိုးသတ်ထားရပြီး တရုတ်ဘက်ရောက်ချိန်မှာ ၂၄ နာရီ ကွာရန်တင်းထားရတယ်လို့ သိရပါတယ်။

ကျင့်ဆန်းကျောဂိတ်ကနေ တရုတ်ဘက်ကို ဖရဲသီးစမ်းသပ်တင်ပို့တဲ့အခါ ဖရဲသီးတွေကို ကိုဗစ်ပိုးရှိမရှိ စစ်ဆေးပြီးမှ ပို့ဆောင်ရတဲ့အပြင် တရုတ်ဘက်ရောက်ရင်လည်း ကွာရန်တင်းထားရသေးတယ်လို့ ကုန်သည်တွေ ဆီကသိရပါတယ်။



ဖရဲသီးတွေကို မြန်မာဘက်အခြမ်း မှာ (၄၈)နာရီပိုးသတ်ထားရပြီး ကိုဗစ်ပိုးစစ်ကာ နယ်စပ်ဂိတ် ကိုဖြတ်ပြီး တရုတ်ဘက်ကို ကွန်တိန်နာနဲ့သယ်ဆောင်ကြောင်း၊ တရုတ်ဘက်ရောက်ချိန်တွင် ၂၄ နာရီကွာရန်တင်းထားပြီးနောက် အကောက်အခွန်ကိစ္စရှင်းလင်းကာ ပိုးထပ်စစ်ပြီး ရောဂါကင်းရှင်းကြောင်း လက်မှတ်ယူပြီးမှသာ အရောင်းအဝယ်လုပ်ဆောင်ရမှာ ဖြစ်တယ်လို့သိရပါတယ်။

" ဂျပ်ဖာနဲ့ထည့်ထားတဲ့ဖရဲသီးတွေကို ပီနံအိတ်အစ ကြိုးနဲ့သိုင်းချည်ပြီး တစ်ထုတ်ကို (၄၀)နဲ့ (၄၅)ဖာခန့်လောက်ပြန် ထုတ်ပိုးကြတယ်။တရုတ်ဘက်ပြန်ဝင်မယ့်ကားတွေအပေါ်တင်တာပါ။ ပိုးလည်းစစ်ပါတယ်။ ပြီးမှတင်တာပါ။ နောက်တရုတ်ဘက်ရောက်ရင်လည်း Quarantine ထပ်ဝင်ရတယ်အဆင့်ဆင့်တွေလုပ်ရတယ်။နောက်ဆုံးပိုးစစ်ရသေးတယ်။ ပိုးစစ်ပြီးမှ ကရိန်းနဲ့ ရွှေ့ မယ် ၊ခေါက်တိုကားနဲ့ စရွေ့မယ်၊ အသီးကွင်းရောက် အဲဒီတော့မှ စရောင်းရမှာပါ။တရုတ်ဘက်ကိုရောက်ပြီး ၃ ရက်ကြာမှ ရောင်းရမယ်။ အဲဒီတော့မှ ဈေးလည်းသိရမယ့်အခြေအနေပါ " လို့ ကုန်သည်တစ်ဦးကပြောပြပါတယ်။

လက်ရှိ တရုတ်ဘက်ကို တင်ပို့ခွင့်ရဖို့ အတွက် မူဆယ် ၁၀၅ မိုင်ကုန်သွယ်ရေးဇုန် မှာ ဖရဲကားအစီးရေ ၇၀ ကျော်လောက်လောက်ရောက်ရှိနေပေမယ့် ညှိနိူင်းမှူတွေအဆင်မပြေကြောင်း၊ ဖရဲသီးတွေကိုကွန်တိန်နာနဲ့သယ်ယူရတာလည်းအဆင်မပြေဘူးလို့ သိရပါတယ်။

" ဖရဲကားနှစ်စီးဝင်သွားတယ်လို့သိရတယ်၊ပိုးမွှားသန့်စင်တယ်၊စစ်တယ်လို့တော့ကြားတယ်။ ပိုးမွှားစစ်ဆေးမှုတွေဆောင်ရွက်နေတယ်လို့ကြားတယ်၊တရုတ်ဘက်ကဝင်လာတဲ့ပစ္စည်းတွေကတော့ ဟိုဘက်မှာထဲကစစ်ဆေးထားလို့ ဒီဘက်မှာထပ်မလုပ်ရတော့ဘူး။ "လို့ မူဆယ်နယ်စပ် ကုန်သည်လုပ်ငန်းရှင်တစ်ဦးကပြောပါတယ်။

ကျင့်စန်းကျော့ဂိတ်ကို နိုဝင်ဘာလ ၂၆ ရက်နေ့ကစပြီး ကွန်တိန်နာ ၅ ခုနဲ့ နှစ်နိုင်ငံကုန်သွယ်ခွင့်ပြူခဲ့တာဖြစ်ပြီး ၊ ကုန်သယ်ခွင့် ပြူတဲ့ပစ္စည်းတွေထဲမှာ ဖရဲကားတွေမပါဝင်ဘဲ ခုမှစမ်းသပ်ပို့ဆောင်နေတာဖြစ်ပါတယ်။

 တရုတ် မြန်မာ နယ်စပ်ဂိတ်တစ်ခုဖြစ်တဲ့ ကျင့်စန်းကျော့ဂိတ်ကနေ ကွန်တိန်နာ ၅ လုံးနဲ့ကုန်သွယ်မှုမှာ တရုတ်ဘက်က လျှပ်စစ်ပစ္စည်း၊အိမ်ဆောက်ပစ္စည်း၊စားသောက်ကုန်တွေကို မြန်မာ ဘက် အဓိကတင်သွင်းနေတယ်လို့သိရပါတယ်။

ကုန်ပစ္စည်း သယ်ယူဖို့ အတွက် ကွန်တိန်နာကုမ္ပဏီဖြစ်တဲ့ ရွှေလွယ်အင် ကုမ္ပဏီကို အပ်ထားကြောင်း၊ ကုမ္ပဏီကနေ ယာဉ်မောင်းက ppe ဝတ်စုံဝတ်ဆင်ပြီး ပစ္စည်းကိုကားနဲ့မောင်းပြီးသယ်ဆောင်သွားမှာဖြစ်တယ်လို့သိရပါတယ်။

တရုတ်-မြန်မာနယ်စပ်ဂိတ်တွေထဲက ကျင့်စန်းကျော့ဂိတ်တစ်ခုထဲကိုသာ နိုဝင်ဘာလ ၂၆ ရက်နေ့ကစလို့ ပြန်လည်ဖွင့်လှစ်တာဖြစ်ပြီး ကျန်တဲ့နယ်စပ်ဂိတ်တွေကို ခုချိန်ထိပိတ်ထားဆဲဖြစ်ပါတယ်။

Share

က္က