မင်းရာဇာက သူ့ရဲ့ အသက် ၃၈ နှစ်ပြည့်မွေးနေ့ကို '' ၁၁၀နာရီ'' ဇာတ်ကား ရိုက်ကွင်းပေါ်မှာ အလှူအတန်းတွေ လုပ်ခဲ့တယ်လို့ ဆိုပါတယ်. ဇနီးဖြစ်သူနဲ့ သမီးလေး တို့ကလည်း ရန်ကုန်မှာ အလှူတွေ ထပ်လုပ်ပေးခဲ့ပါသေးတယ်တဲ့.

သရုပ်ဆောင် မင်းရာဇာက ဒီဇင်ဘာလ ၁၇ ရက်နေ့မှာ ကျရောက်ခဲ့တဲ့ သူ့ရဲ့ အသက် ၃၈ နှစ်ပြည့် မွေးနေ့အလှူကို နေပြည်တော်မှာရိုက်ကူးနေတဲ့ ''၁၁၀နာရီ''ဇာတ်ကား ရိုက်ကွင်းပေါ်မှာ ပြုလုပ်ခဲ့ပါတယ်. ဇနီးဖြစ်သူကလည်း ရန်ကုန်မှာ အလှူလုပ်ပေးခဲ့တယ်လို့ ဆိုပါတယ်.

''ခုနှစ်ရက်သားသမီးအပေါင်းရည်းစူး၍ ကျွန်တော့်မွေးနေ့တွက် မိန်းမကရန်ကုန်မှာ နံနက် 2 နာရီထချက်ပြုတ်ပြီး သံဃာတော်အပါး 60 ဆွမ်းလောင်းတယ် ညနေဆွမ်းဆန်စိမ်းနဲ့ဆီလှု/ကျွန်တော်က သဗြုချိုင်က အလိုတော်ပြည့်တောရကျောင်းလေးမှာ ဆရာတော်ကိုနံနတ်ဆွမ်းကပ် ဆွမ်းဆန်စိမ်းနဲ့ဆီလှု ညနေမှာ တပ်ထဲကမိသားစုတွေ ခလေးတွေနဲ့ နယ်ခံတွေ သင်တန်းသားတွေ အယောက် 300 ကျော်ကို ရခိုင်မုန့်တီဒါနပြုပြီး တက်နိုင်သလောက်ကုသိုလ်ယူခဲ့ပါတယ်။ကျွန်တော့်ရဲ့ မိဘများနဲ့ ထမင်းရှင်များမကျန် သူငယ်ချင်းများအားလုံး ကျန်းမာ ချမ်းသာ အသက်ရှည်စွာနဲ့ တရားစစ်တရားမှန်ကိုရှာဖွေတွေ့ရှိနိုင်ကြပါစေဗျာ'' ဆိုပြီးတော့ ဒီဇင်ဘာလ ၁၇ ရက်နေ့ ည ၁၁ နာရီကျေ်ာက သူ့ရဲ့ ဖေ့စ်ဘွတ်မှာပြောပြခဲ့ပါတယ်.

မင်းရာဇာက လက်ရှိမှာ ပျော်ရွှင်စရာကောင်းတဲ့ မိသားစုဘဝလေး ပိုင်ဆိုင်ထားတာဖြစ်ပါတယ်.မင်းရာဇာကို ချစ်တဲ့ ပရိသတ်တွေက ဇနီးဖြစ်သူ မဖူးငုံပွင့် နဲ့ အတူ ချစ်ရတဲ့ သမီးချောလေး သစ်သစ်မင်းရာဇာ ကိုလည်း အချစ်တွေ ပိုလို့နေပါတယ်. သမီးလေး သစ်သစ်မင်းရာဇာက မကြာသေးခင်က အသက် ၄နှစ်ပြည့်ခဲ့တာဖြစ်ပါတယ်. မင်းရာဇာတို့ ဇနီးမောင်နှံ မှာတော့ ဒုတိယမြောက် ရင်သွေးလေး တစ်ယောက် ထပ်ရတော့မယ်လို့ သိရပါတယ်.

Photo: မင်းရာဇာ

 မင်းရာဇာဟာ မိသားစုကို အချိန်ပေးရင်း ပြည်တွင်း၊ ပြည်ပ ခရီးစဉ်တွေလည်း ထွက်ဖြစ်နေသလို၊ လက်ခံထားတဲ့ ရုပ်ရှင် ဇာတ်ကားကြီးတွေလည်း ရိုက်ကူးနေရတာဖြစ်ပါတယ်။ ဗီဒီယိုဇာတ်ကားတွေကနေ တဆင့် ပရိသတ်တွေ စတင်သိရှိလာခဲ့တဲ့ သရုပ်ဆောင် မင်းရာဇာကတော့ အခုချိန်မှာ အောင်မြင်မှုတွေရရှိနေတဲ့ သရုပ်ဆောင်ကောင်းတစ်ယောက်ဖြစ်ပါတယ်။

Photo: မင်းရာဇာ

မင်းရာဇာက လက်ရှိမှာ ''၁၁၀ နာရီ'' ဆိုတဲ့ ဇာတ်ကားရိုက်ကူးရေး လုပ်နေတာဖြစ်ပါတယ်။ ဒီဇာတ်ကားထဲမှာတော့ သရုပ်ဆောင် မင်းရာဇာ နဲ့ အတူ နေမျိုးအောင်၊ ရဲအောင်၊ မေသဉ္ဇာဦး တို့က ပါဝင်သရုပ်ဆောင်နေကြတာပါ။ ရိုက်ကူးရေးကိုလည်း တနသာၤရီ တိုင်းအတွင်းက မြိတ် ကျွန်းစု မှာ သွားရောက် ရိုက်ကူးနေကြတာဖြစ်ပါတယ်။