အင်္ဂလန် ပရီးမီးယားလိဂ်ကလပ်အသင်းအများအပြားမှာ ကစားခဲ့တဲ့ အင်္ဂလန်ကွင်းလယ်လူဟောင်းဟာ လက်ရှိမှာတော့ လီဗာပူးလ်အသင်းအတွက် ကစားပေးနေပါတယ်။

လိဒ်ယူနိုက်တက်မှာ နှစ်နှစ်ကြာကစားပေးခဲ့ပြီးနောက် နယူးကာဆယ်ကို ပြောင်းရွှေ့ခဲ့ကာ လေးနှစ်ကြာ စိန့်ဂျိမ်းစ်ပတ်မှာ ကစားခဲ့ပြီး အက်စတွန်ဗီလာကို ထပ်မံပြောင်းရွှေ့ခဲ့ပြီး နှစ်နှစ်အကြာမှာပဲ မန်ချက်စတာစီးတီးအသင်းကို မီလ်နာက ပြောင်းရွှေ့ခဲ့ပါတယ်။ အင်္ဂလန် ပရီးမီးယားလိဂ်ကလပ်အသင်းအများအပြားမှာ ကစားခဲ့တဲ့ အင်္ဂလန်ကွင်းလယ်လူဟောင်းဟာ လက်ရှိမှာတော့ လီဗာပူးလ်အသင်းအတွက် ကစားပေးနေပါတယ်။

၂၀၁၀ မှာ မန်စီးတီးကို ပေါင် ၂၆သန်းနဲ့ မီလ်နာက ပြောင်းရွှေ့ခဲ့ပြီး အသင်းနဲ့အတူ ပရီးမီးယားလိဂ်ဖလားကို ၂ကြိမ်ဆွတ်ခူးနိုင်ခဲ့ပြီး အင်္ဂလန်လက်ရွေးစင်အသင်းမှာလည်း ပုံမှန်ပါဝင်ကစားခွင့်ရရှိခဲ့ပါတယ်။ မန်စီးတီးမှာ ၅ရာသီကြာကစားပေးခဲ့ပြီးနောက် လီဗာပူးလ်ကို အလွတ်ပြောင်းရွှေ့ကြေးနဲ့ မီလ်နာက ပြောင်းရွှေ့ခဲ့ပြီး ပြီးခဲ့တဲ့ရာသီက အသင်းနဲ့အတူ ချန်ပီယံလိဂ်ဖလားကို ဆွတ်ခူးနိုင်ခဲ့ပါတယ်။

၁၉၈၆ ခုနှစ်၊ ဇန်နဝါရီလ ၄ရက်နေ့မှာ မွေးဖွားခဲ့တဲ့ မီလ်နာဟာ ၂၀၀၂ ခုနှစ် နိုဝင်ဘာလ ၁၀ရက်နေ့မှာ ကစားသမားဘဝပွဲဦးထွက်ပွဲကို ကစားပေးခဲ့ပါတယ်။ သူ့ရဲ့ အသက်ကို နေ့ရက်အားဖြင့်တွက်ချက်မယ်ဆိုရင် ၆၁၅၄ ရက်မြောက်မှာ ပွဲဦးထွက်ကစားပေးခဲ့တာဖြစ်ပြီး မနေ့ကဆိုရင် မီလ်နာရဲ့ ပွဲဦးထွက်ကစားပေးခဲ့မှုဟာ ၆၁၅၄ ရက် ပြည့်မြောက်ခဲ့ပြီလည်း ဖြစ်ပါတယ်။