သရုပ်ဆောင် အကယ်ဒမီ စိုးမြတ်သူဇာနဲ့ သရုပ်ဆောင် မြတ်ကေသီအောင်တို့ဟာ အရမ်းကို ချစ်ခင်ကြတဲ့ သူငယ်ချင်းနှစ်ယောက်ဖြစ်ပါတယ်။ သူတို့ဟာ အနုပညာလောကမှာလည်း အောင်မြင်ကြသူတွေပါ။ စိုးမြတ်သူဇာက ဘယ်လို သူငယ်ချင်းအမျိုးအစားထဲမှာ ပါမလဲ ဆိုတာကို Duwun Media ရဲ့ သီးသန့်အင်တာဗျူးမှာ ဖြေဆိုခဲ့ပါတယ်။

'' အစ်မရဲ့ စိတ်ကို အကုန်နားလည်နိုင်သလို သူ့ကိုလည်း အစ်မ အပြည့်အဝနားလည်နိုင်သူတစ်ယောက်ပါ။ ပြီးတော့ သူက ကိုယ့်ထက်တော် တယ်။ သူ့ကို သွားပြီး ဆရာလုပ်လို့ မရဘူး။ ဒါပေမယ့် တစ်ခါတလေ တချို့ ကိစ္စမျိုးတွေဆိုရင်တော့ ကိုယ့်ကို လာတိုင်ပင်တာပေါ့နော်။ တခြား ကိစ္စလေးတွေပါ အလုပ်ကိစ္စဆိုရင်တော့ သူကဆရာမကြီးပါ'' လို့ သူကဆိုပါတယ်။

'' သူနဲ့ သူငယ်ချင်းဖြစ်တာ ၁၈ နှစ်ကတည်းကဆိုတော့  အနှစ် ၃၀ လောက်ရှိပြီပေါ့နော်။ သူ့ကို မွေးနေ့ လက်ဆောင် တစ်နှစ်မှ မပေးဖြစ်ဘူး။ မွေးနေ့ လက်ဆောင် ပေးစရာမှ မလိုတာ သူငယ်ချင်းအရင်းခေါက်ခေါက်ကိုး။ သူကလည်း အစ်မကို တစ်နှစ်မှ မွေးနေ့ လက်ဆောင် မပေး ဖူးဘူး။ ဒါပေမယ့် ဘယ်သွားသွား ဘယ်လာလာ အထူးအဆန်းလေးတွေ တွေ့လို့ သူကြိုက်တတ်တာရှိရင် ကိုယ်ဝယ်လာပေးတယ်။ သူလည်း ကိုယ်ကြိုက်တတ်မယ် ထင်တဲ့ ပစ္စည်းလေးတွေဆို ပို့ပေးတယ်''လို့ ဆိုပါတယ်။

Photo: စိုးမြတ်သူဇာဖေ့စ်ဘွတ်

အမှားမလုပ်ဖူးတဲ့သူ မရှိပါဘူးလို့ ဆိုလိုက်တဲ့ မြတ်ကေသီအောင် 

မြတ်ကေသီအောင် ဟာ အခုလက်ရှိမှာတော့ အနုပညာအလုပ်တွေ သိပ်မလုပ်ဖြစ်တော့ပါဘူး။ သူ့အနေနဲ့ ကိုယ်ပိုင်စီးပွားရေးအလုပ်ကိုဘဲ ဦးစားပေးဆောင်ရွက်နေတာကို တွေ့ရပါတယ်။ စိုးမြတ်သူဇာကတော့ လက်ရှိအချိန်ထိ အနုပညာလှုပ်ရှားမှုတွေ ဆက်တိုင် ဆောင်ရွက်နေရ သူဖြစ်ပြီး အောင်မြင်မှုတွေလည်း အများကြီး ပိုင်ဆိုင်ထားတာဖြစ်ပါတယ်။

မြတ်ကေသီအောင် ဟာ  ကြည်လင်အေးမြတဲ့ မျက်နှာ လေးနဲ့ ပရိသတ်ရဲ့အချစ်တွေကို ရယူထားတဲ့ အနုပညာရှင် တစ်ယောက် ဖြစ်ပါတယ်။ စိတ်သဘောထား ပြည့်ဝသူ၊ ပွင့်လင်းသူဖြစ်တဲ့သူမဟာ အနုပညာအလုပ်တွေ မလုပ်ဖြစ်တော့ပေမဲ့ အခုထိ ပရိသတ်အားပေးမှုကို ရရှိထား တုန်းပါပဲ။