လူမှုရေးအသင်းအဖွဲ့အားလုံးမှာ လိုင်စင်မဲ့ကားတွေသာ အများဆုံးရှိပြီး လိုင်စင်ရှိကားက နည်းတယ်လို့သိရပါတယ်။

ဒါကြောင့် လှိုင်သာယာမြို့နယ်မှာရှိတဲ့ လူမှုရေးအသင်းအားလုံးနီးပါးကတော့ လုပ်ဆောင်နေတဲ့ ပရဟိတလုပ်ငန်းတွေကိုရပ်နားဖို့ ဆုံးဖြတ်လိုက်ကြတယ်လို့ သိရပါတယ်။

ရန်ကုန်တိုင်းထဲက ကျန်မြို့နယ်တွေမှာလည်း လိုင်စင်မဲ့ကားသာရှိတဲ့ လူမှုရေးအသင်းတွေ ရပ်နားဖို့ရှိကြောင်း ၊ လိုင်စင်နဲ့ကားရှိသူတွေကတော့ ရှိတဲ့ကားနဲ့ပဲ ကူညီရေးတွေဆက်လုပ်သွားမယ်လို့သိရပါတယ်။

"ကျွန်တော်တို့ကတော့ ဒီမှာရှိတဲ့လိုင်စင်နဲ့ကားကိုပဲ ဆက်သုံးရတော့မှာပေါ့။ ခွင့်မပြုဘူးဆိုရင် ခွင့်ပြုတဲ့ကားပဲဆက်လုပ်ရမယ်ပေါ့ အဲဒီလိုစဉ်းစားထားတယ်။ စာတွေကတော့ထွက်ထားတယ်ပြောတယ်။ ကျွန်တော်တို့အပိုင် အုပ်ချုပ်ရေးမှူးဆီလည်းရောက်နေပြီလို့ပြောတယ်။ လိုင်စင်ရှိကားနဲ့ပဲဆက်ပြီးကူညီမှုလုပ်ရမှာပေါ့။ အသင်းတော်တော်များများကတော့ လိုင်စင်မဲ့ကားတွေကများပါတယ်။ တချို့အသင်းတွေမှာတော့လည်း လိုင်စင်ရှိကားတွေရှိပါတ် " လို့ လှည်းကူးမြို့နယ်ရှိ လူမှုကူညီရေးအသင်းတစ်ခုမှ တာဝန်ရှိသူကပြောပါတယ်။

ဒါ့ကြောင့်လူမှုကူညီရေးအသင်း တွေအနေနဲ့လိုင်စင်မဲ့ကား တွေအသုံးပြုခွင့်မရှိတော့ကြောင်းနဲ့ အသင်းမှတ်ပုံမတင်ပါက အသင်းဖျက်သိမ်းဖို့ ထုတ်ပြန်ထားတဲ့အကြောင်းကို သိရှိကြောင်း တရားဝင်လက်မှတ်ရေးထိုးထားရတယ်လို့ သိရပါတယ်။