မက္ကာဘီဟိုင်ဖာနဲ့ပွဲမှာ ၂ ဂိုးသွင်းယူပြီးတဲ့နောက် မက်ဆီရဲ့ ချန်ပီယံလိဂ်စုစုပေါင်းသွင်းဂိုးက ၁၂၉ ဂိုးအထိ ရှိလာခဲ့ပါပြီ။ ဒါက ချန်ပီယံလိဂ်သွင်းဂိုးအများဆုံးကစားသမားအဖြစ် ဂိုးပေါင်း ၁၄၀ နဲ့ ရပ်တည်နေတဲ့ ရော်နယ်ဒိုကို လိုက်မီဖို့ ၁၁ ဂိုးသာ လိုအပ်တော့တာာဖြစ်ပြီး ဒီရာသီမှာ ဆက်လက်ကစားရဦးမယ့် ပွဲတွေရှိနေသေးတာကြောင့် လိုက်မမီရင်တောင် အနိးကပ်ဆုံးအနေအထားထိကို မက်ဆီက ရောက်လာဖွယ်ရှိနေပါတယ်။
အုပ်စုအဆင့်ပွဲစဉ် ၁ ပွဲနဲ့ ၁၆ သင်းအဆင့် ရှုံးထွက်ပွဲစဉ် နှစ်ကျော့အထိ သေချာပေါက်ကစားဖို့ရှိနေသေးလို့လည်း နောက်ထပ်ဂိုးတွေ သွင်းယူနိုင်မယ်လို့ မျှော်လင့်ရပါတယ်။ တကယ်လို့ မက်ဆီသာ လိုက်မီခဲ့မယ်ဆိုရင်တော့ ရော်နယ်ဒိုက သူ ပြတ်ပြတ်သားသားအသာစီးရရှိထားတဲ့ စံချိန်မှာ မက်ဆီနဲ့အတူ ပူးတွဲရပ်တည်ရတာ၊ ဒါမှမဟုတ် ကျော်တက်ခံရမှာကို ရင်ဆိုင်ရဖွယ်ရှိနေပါတယ်။
ဒီရာသီမှာပဲ မတူညီတဲ့ကလပ်အသင်းတွေကို ဂိုးသွင်းနိုင်ခဲ့တဲ့ စံချိန်၊ ဧရိယာပြင်ပကနေ ဂိုးသွင်းယူနိုင်မှုစံချိန်တွေမှာ မက်ဆီက ရော်နယ်ဒိုကို ကျော်ဖြတ်ထားပြီးဖြစ်ပါတယ်။