နာမည်ကျော် ရုပ်သံတင်ဆက်သူ ပီယာ့စ်မော်ဂန်ဟာ ကိုပင်ဟေဂင်ကို ယူနိုက်တက်တို့ ချန်ပီယံလိဂ်ပွဲမှာ ၄-၃ ဂိုးနဲ့ အရေးနိမ့်ခဲ့ပြီးနောက် တန်ဟက်ခ်ကို ထပ်မံလှောင်ပြောင်ခဲ့ကြောင်း သိရှိရပါတယ်။ ယူနိုက်တက်ဟာ ဒီရလဒ်ကြောင့် ချန်ပီယံလိဂ်မှာ နောက်တစ်ဆင့်တက်ဖို့ ရုန်းကန်ရတော့မှာပါ။
ယူနိုက်တက်ဟာ ကိုပင်ဟေဂင်ကို နှစ်ဂိုးပြတ်အနိုင်၊ ၂-၃ ဂိုး အစရှိတဲ့ ရလဒ်တွေနဲ့ ဦးဆောင်နိုင်ခဲ့ပေမယ့် ပွဲပြီးဆုံးချိန်မှာတော့ ၄--၃ ဂိုးနဲ့ အရေးနိမ့်ခဲ့ပါတယ်။ ယူနိုက်တက်ဟာ လက်ရှိ ချန်ပီယံလိဂ်အုပ်စုအဆင့်မှာတော့ အောက်ဆုံးနေရာကို ရောက်ရှိနေပါတယ်။
(၄) ပွဲကစားပြီးချိန်မှာ (၃) မှတ်သာ ရရှိထားတာက ယူနိုက်တက်အတွက် စိတ်ပျက်စရာဖြစ်ပြီး ရော်နယ်ဒိုရဲ့ အမာခံပရိသတ် မော်ဂန်က တန်ဟက်ခ်ကို ထပ်မံလှောင်ပြောင်လာခဲ့တာပါ။ မော်ဂန်က သူ့ရဲ့ X ကတစ်ဆင့် “ကျွန်တော် ရော်နယ်ဒိုကို မလိုအပ်ပါဘူး” လို့ အရွဲ့တိုက်ရေးသားခဲ့ပါတယ်။
ဒါ့အပြင် တန်ဟက်ခ်ရဲ့ဓာတ်ပုံပေါ်မှာ ကိုပင်ဟေဂင် ၄-၃ ယူနိုက်တက်ဆိုတဲ့ ဂိုးရလဒ်ကို ဖော်ပြထားတဲ့ ပုံနဲ့အတူ အဆိုပါပို့စ်ကို တင်ခဲ့တာပါ။ ဒါက ရော်နယ်ဒိုကို ယူနိုက်တက်ကနေ ရှင်းထုတ်ခဲ့တဲ့ တန်ဟက်ခ်ကို မော်ဂန်က လှောင်ပြောင်ခဲ့တာလည်း ဖြစ်ပါတယ်။
ရော်နယ်ဒိုဟာ ယူနိုက်တက်မှာ တန်ဟက်ခ်နဲ့ လူသိရှင်ကြား ပြဿနာတက်ခဲ့ပြီးနောက် အသင်းနဲ့ စာချုပ်ဖျက်သိမ်းခဲ့ရတာဖြစ်ပါတယ်။ အဲ့ဒါကြောင့်လည်း မော်ဂန်က တန်ဟက်ခ်ကို အငြိုးအတေးကြီးမားနေပြီး ယူနိုက်တက်ရှုံးပွဲကြုံတိုင်း အခုလိုမျိုး လှောင်ပြောင်နေခဲ့တာဖြစ်ပါတယ်။