ကမ္ဘာ့ဖလားပြီးတဲ့နောက်ပိုင်းမှာ ကစားခဲ့တဲ့ ပွဲပေါင်း ၁၅ ပွဲမှာ သူက ၁၃ ဂိုးအထိ သွင်းယူခဲ့ပြီး ဒါဟာ ဥရောပထိပ်သီးလိဂ် ၅ ခုမှာ ဘယ်ကစားသမားထက်မဆို ဂိုးပိုသွင်းနိုင်ခဲ့တာဖြစ်ပါတယ်။ အင်္ဂလန်သားတိုက်စစ်မှူးရဲ့ ခြေစွမ်းတွေက ရပ်တန့်မရအောင်ဖြစ်နေပြီး အာရုံစိုက်မှု မလျော့သွားစေဖို့ တန်ဟက်ဂျ်က သတိပ​ေးမှုတွေလည်း လုပ်ခဲ့ပါသေးတယ်။ 

"သူ့မှာ အရည်အသွေးတွေ အများကြီးရှိပြီးတော့ ဒီထက်မကဖြစ်လာနိုင်တဲ့ ကစားသမားပါ၊ သူသာ အလုပ်ကို ပိုကောင်းအောင်ကြိုးစားမယ်ဆိုရင် ဂိုးတွေပိုရလာမှာပါ၊ ဘာလို့လဲဆိုတော့ သူက ဘယ်ခြေ၊ ညာခြေနဲ့ ခေါင်းတိုက်ဂိုးတွေပါ သွင်းနိုင်လို့ပဲ၊ ဩဂုတ်နဲ့ အောက်တိုဘာလအတွင်းကသာ ကျနော့်ကို ခင်ဗျားအသင်းမှာ ဘယ်သူက ဂိုး ၂၀ လောက်သွင်းနိုင်မလဲထင်လဲလို့ မေးခဲ့မယ်ဆိုရင် သူပဲလို့ပဲ ကျနော်ဖြေမှာ"

"သူ့ရဲ့ လက်ရှိရင်းနှီးမြုပ်နှံမှုတွေကို ဆက်ထိန်းသိမ်းထားပြီး ပွဲတိုင်းကို အာရုံစိုက်မယ်၊ ခွန်အားနဲ့ ယုံကြည်ချက်တွေကို ယူဆောင်လာမယ်ဆိုရင် သူက ဂိုးတွေ ဆက်သွင်းနေပါလိမ့်မယ်၊ ဒါဆို ဘယ်အချိန်ရပ်တန့်မှာလဲဆိုတာ ကျနော်မသိပေမယ့် တပွဲချင်းစီပဲ ကျနော်တို့သွားရမှာဖြစ်ပြီး တပတ်အတွင်းမှာ မှန်ကန်တဲ့အရာတွေကို လုပ်ဆောင်ရမှာပါ" လို့ တန်ဟက်ဂျ်က ပြောဆိုခဲ့ပါတယ်။