မန်ချက်စတာယူနိုက်တက်ကနေ ရော်နယ်ဒို အသင်းပြောင်းဖို့အတွက် ကြိုးစားနေချိန်မှာ ဒေါ့မွန်က သူ့ကို စိတ်ဝင်စားနေတယ်လို့ သတင်းတွေထွက်ပေါ်ခဲ့တာပါ။ ဒါပေမယ့် နောက်ဆုံးမှာတော့ ရော်နယ်ဒိုဟာ ဆော်ဒီကလပ်အယ်လ်နာဆာကို ပြောင်းရွှေ့သွားခဲ့ပြီး လက်ရှိမှာတော့ အသင်းသစ်အတွက် ခြေစွမ်းပြကစားပေးနေပြီဖြစ်ပါတတယ်။ 

ရော်နယ်ဒိုနဲ့ပတ်သက်ပြီး Kicker နဲ့ ပြုလုပ်ခဲ့တဲ့ အင်တာဗျူးမှာ ခရာမာက "အခြေခံအားဖြင့် ဒေါ့မွန်ရဲ့ တန်ဖိုးက ဆိုရှယ်မီဒီယာပေါ်က ဖော်လိုဝါတွေအပေါ်မှာ တည်မှီနေတာမဟုတ်ပါဘူး၊ ကျနော်တို့က ဘောလုံးအသင်းပါ၊ ဒါက အရေးကြီးတဲ့ သော့ချက်ပါပဲ၊ စျေးကွက်အတွင်းမှာ ကျနော်တို့ အကောင်းဆုံးအတွေးအခေါ်တွေရှိပါတယ်"

ဒါပေမယ့်လည်း ဒေါ့မွန်က သူတို့အနေနဲ့ အသင်းကို အမှတ်တံဆိပ်တခုတည်းနဲ့ တည်ဆောက်တာမျိုးကို မလိုလားဘဲ အရေးပါတဲ့ ရလဒ်တွေနဲ့သာ တည်ဆောက်ချင်တာလို့ ပွင့်ပွင့်လင်းလင်းပြောဆိုခဲ့တာဖြစ်ပါတယ်။ ဒါကြောင့်လည်း ရော်နယ်ဒိုကို ခေါ်ယူဖို့ အခွင့်အရေးရှိပေမယ့်လည်း လက်လွှတ်ခံခဲ့ပြီး ဘာကြောင့်လဲဆိုတာကို အခုမှ ထုတ်ဖော်ပြောဆိုခဲ့တာဖြစ်ပါတယ်။