လက်ရှိအချိန်မှာ ဒီစီယူနိုက်တက်ရဲ့နည်းပြချုပ်အဖြစ် ဆောင်ရွက်နေတဲ့ အင်္ဂလန်လက်ရွေးစင်ဟောင်းကြီးက “မန်စီးတီးက ရီးရဲလ်မက်ဒရစ်ကို အနိုင်ယူရုံတင်မဟုတ်ပါဘူး။ သူတို့ကိုပါ ဖျက်ဆီးသွားမှာပါ။ ရီးရဲလ်မက်ဒရစ်ရဲ့ သမိုင်းကြောင်းနဲ့ အတွေ့အကြုံတွေကို ခင်ဗျားတို့ ဘယ်တော့မှ လျှော့တွက်လို့မရပါဘူး”

“ဒါပေမယ့် ကျွန်တော်သာဆိုရင် ဒီပွဲမှာ ရီးရဲလ်မက်ဒရစ်ဘက်က ပိုက်ဆံထည့်မှာ မဟုတ်ပါဘူး။ ဒီနှစ်က မန်စီးတီးနှစ်လို့ ကျွန်တော် ယုံကြည်ပါတယ်” လို့ ပြောကြားခဲ့ပါတယ်။ မန်စီးတီးဟာ လက်ရှိအချိန်မှာ ဆုဖလား သုံးလုံးလမ်းကြောင်းပေါ် ရောက်ရှိနေပြီး ယူနိုက်တက်ရဲ့ စံချိန်မှတ်တမ်းတွေကို လိုက်မီဖို့ ကြိုးစားနေပါတယ်။

အဲ့ဒါကြောင့်လည်း ယူနိုက်တက်ပရိသတ်တွေက အက်ဖ်အေဖလားဗိုလ်လုပွဲမှာ သူတို့နဲ့ ထိပ်တိုက်တွေ့မယ့် မန်စီးတီးကို တားဆီးဖို့ မျှော်လင့်နေသလို ချန်ပီယံလိဂ်မရဖူးတဲ့ မန်စီးတီး ချန်ပီယံလိဂ်ဖလားရလာမှာကိုလည်း အများစုက မလိုလားကြပါဘူး။ ဒီလိုအချိန်မျိုးမှာ ဒီနှစ်က မြို့ခံပြိုင်ဘက်မန်စီးတီးရဲ့နှစ်ဖြစ်မယ်လို့ ပြောခဲ့တဲ့ ရွန်းနီရဲ့ပြောစကားက ယူနိုက်တက်ပရိသတ်တွေရဲ့ဒေါသကို ဆွပေးသလိုဖြစ်ခဲ့ပါတယ်။

ယူနိုက်တက်ပရိသတ်တွေက “ရွန်းနီက အခုထိရော ယူနိုက်တက်ပရိသတ် ဟုတ်သေးရဲ့လား။ အရင်ကလည်း သူက ဂလေဇာတို့ အသင်းအတွက် အလုပ်ကောင်းကောင်းလုပ်နေတယ်ဆိုပြီး အဓိပ္ပာယ်မရှိတာတွေ ပြောခဲ့ပါသေးတယ်” “ယူနိုက်တက်ပရိသတ်တွေရဲ့အကောင့်က ဒီအကြောင်းကို မတင်တာ ရယ်စရာပါ။ တကယ်လို့ သူ့နေရာမှာ ရော်နယ်ဒိုကသာ ဒါမျိုးပြောခဲ့ရင် စက္ကန့်ပိုင်းအတွင်းကို အပြိုင်အဆိုင် တင်နေကြမှာပါ။ ရွန်းနီက အခြားသူတွေထက်တောင် ယူနိုက်တက်ကို မလေးမစားလုပ်ခဲ့ပါတယ်” “ယူနိုက်တက်သမိုင်းမှာ အကြီးမားဆုံး နောက်ကျောဓားနဲ့ထိုးမှုပဲ” “ဝက်ဇာ (ရွန်းနီ) ရေ။ ခင်ဗျားမူးနေပြီလား” အစရှိသဖြင့် အမျိုးမျိုး ဝေဖန်ပြောကြားခဲ့ကြပါတယ်။