အမ်ဘာပေရဲ့ အသင်းဖော်ဟောင်းက ပြင်သစ်ကြယ်ပွင့်တိုက်စစ်မှူးဟာ ခရစ္စတီယာနို ရော်နယ်လ်ဒိုက လီယွနယ် မက်ဆီထက် ပိုမိုကောင်းမွန်တဲ့ကစားသမားလို့ ယုံကြည်ထားတဲ့အကြောင်း ထုတ်ဖော်ပြောကြားခဲ့ပါတယ်။
ပီအက်စ်ဂျီနောက်ခံကစားသမားဟောင်း အက်ဘ်ဒူ ဂျယ်လိုက အမ်ဘာပေက ရော်နယ်လ်ဒိုကို တသက်တာအကောင်းဆုံးဘောလုံးသမားက ဘယ်သူလဲဆိုတာကို အဆုံးအဖြတ်ပေးရမယ့်အချိန်ရောက်လာရင် ထိလို့မရတဲ့သူလို့ ယုံကြည်ထားကြောင်း ပြောကြားခဲ့ပါတယ်။ ဂျယ်လိုက အမ်ဘာပေဟာ ခရစ္စတီယာနို ရော်နယ်လ်ဒိုက လီယွန်နယ် မက်ဆီထက် ပိုမိုကောင်းမွန်တဲ့ ကစားသမားဖြစ်ကြောင်း သက်သေပြသရမယ့်အချိန်ကျရင် အငြင်းအခုံလုပ်ဖို့အတွက် အနည်းဆုံး တစ်နာရီလောက် ကြိုတင်ပြင်ဆင်တတ်တယ်လို့လည်း ပြောကြားခဲ့ပါတယ်။
လက်ရှိမှာ ပီအက်စ်ဂျီကနေ လိုက်ပ်ဇစ်ကို အငှားနဲ့ ထွက်ကစားနေတဲ့ နောက်ခံကစားသမားက "ခရစ္စတီယာနို ရော်နယ်လ်ဒိုက ခီလီယန် အမ်ဘာပေအတွက် အရာအားလုံးဖြစ်နေတာ အတိအကျပဲ"လို့ ပြောကြားခဲ့တာ ဖြစ်ပါတယ်။ ရော်နယ်လ်ဒိုနဲ့ မက်ဆီတို့ ၂ ဦးစလုံးဟာ နှစ်ပေါင်းများစွာ ကမ္ဘာ့ထိပ်တန်းအဆင့်မှာ တိုက်ပွဲဝင်ခဲ့ကြသူတွေဖြစ်ပြီး ကာတာကို အခုအချိန်အထိ ရှောင်ဖယ်နေသေးတဲ့ ကမ္ဘာ့ဖလားကို ရယူဖို့အတွက် လာရောက်ယှဉ်ပြိုင်ခဲ့ကြတာ ဖြစ်ပါတယ်။
ဒါပေမယ့်လည်း ဘောလုံးလောကရဲ့ ဂုဏ်သိက္ခာအကြီးမားဆုံး ဆုဖလားကြီးကို ကိုင်မြှောက်ချင်တဲ့ ရော်နယ်လ်ဒိုရဲ့ အိပ်မက်တွေကို မော်ရိုကိုအသင်းက ဖျက်ဆီးခဲ့တာဖြစ်ပြီး မက်ဆီကတော့ ဗိုလ်လုပွဲအဆင့်အထိ တက်ရောက်နိုင်ခဲ့ပြီဖြစ်တာကြောင့် ကမ္ဘာ့ဖလားနဲ့ လက်တစ်ကမ်းအကွာကို ရောက်ရှိနေခဲ့ပြီဖြစ်ပါတယ်။