ခရစ္စတီယာနို ရော်နယ်လ်ဒိုရဲ့ ချစ်သူ ဂျော်ဂျီနာ ရိုဒရီဂက်ဇ်က အယ်လ်နာဆာကြယ်ပွင့် မန်ချက်စတာယူနိုက်တက်ကနေ မထွက်ခွာခင် ပြောင်းရွှေ့နိုင်ခြေရှိတဲ့ နေရာတစ်ခုကို ငြင်းပယ်ခဲ့ပါတယ်။
ရော်နယ်လ်ဒိုဟာ ပြီးခဲ့တဲ့ နိုဝင်ဘာလမှာ ပီးယာ့စ် မော်ဂန်နဲ့ အငြင်းပွားဖွယ် အင်တာဗျူးအပြီးမှာ မန်ချက်စတာယူနိုက်တက်နဲ့ စာချုပ်ဖျက်သိမ်းပြီးနောက် အယ်လ်နာဆာကို မက်မောလောက်ဖွယ် စာချုပ်နဲ့ ပြောင်းရွှေ့သွားခဲ့တာဖြစ်ပါတယ်။
ဘလွန်ဒေါ ၅ ဆုရှင်ဟာ မန်ချက်စတာယူနိုက်တက်နည်းပြ တန်ဟက်၊ ဂလေဇာ မိသားစုအပြင် အသင်းဖော်ဟောင်းတွေကိုပါ မချန် ပြစ်တင်ဝေဖန်ခဲ့ပြီး ဇန်နဝါရီလမှာ အယ်လ်နာဆာကစားသမားသစ်အဖြစ် မိတ်ဆက်ပွဲမှာ ဥရောပက ကမ်းလှမ်းမှုအပြင် တကမ္ဘာလုံးက ကမ်းလှမ်းမှုတွေ ရရှိခဲ့တယ်လို့ ပြောကြားခဲ့တာဖြစ်ပါတယ်။
ရော်နယ်လ်ဒိုဟာ ပြီးခဲ့တဲ့နွေရာသီမှာ ချန်ပီယံလိဂ်ဝင်ခွင့် မရခဲ့တဲ့ မန်ချက်စတာယူနိုက်တက်နဲ့ အနာဂတ် မရေမရာဖြစ်နေချိန်မှာ အက်သလက်တီကို မက်ဒရစ်ကို ပြောင်းရွှေ့ဖို့ သတင်းတွေထွက်ပေါ်ခဲ့တာဖြစ်ပြီး အသက် ၃၈ နှစ်အရွယ် တိုက်စစ်မှူးဟာ ရီးရဲလ်မက်ဒရစ်ဂန္တဝင်ဖြစ်တာကြောင့် မြို့ခံပြိုင်ဘက်အသင်းကို ပြောင်းရွှေ့ဖို့က မဖြစ်နိုင်ဖို့ များပုံပေါ်ခဲ့တာဖြစ်ပါတယ်။
အက်သလက်တီကို မက်ဒရစ်အသင်း ပရိသတ်တွေကလည်း ပေါ်တူဂီကြယ်ပွင့်ကို ခါးခါးသီးသီး ငြင်းဆန်ခဲ့တာဖြစ်ပြီး လက်ရှိမှာတော့ အသက် ၂၉ နှစ်အရွယ် စပိန်မော်ဒယ်လ် ဂျော်ဂျီနာ ရိုဒရီဂက်ဇ်က ရော်နယ်လ်ဒိုဟာ အက်သလက်တီကို မက်ဒရစ်ကို ပြောင်းဖို့ ဘယ်တုန်းကမှ အစီအစဉ်မရှိခဲ့ဘူးလို့ ပြောကြားသွားခဲ့တာဖြစ်ပါတယ်။
“ဒီရွေးချယ်စရာက ဘယ်တုန်းကမှ သူ့ရဲ့ စိတ်ထဲမှာ ရှိမနေခဲ့ပါဘူး”လို့ စပိန်တီဗီရှိုး El Hormiguero ကို ပြောကြားခဲ့တာဖြစ်ပါတယ်။