ရော်နယ်လ်ဒိုနဲ့ ရိုဒရီဂက်ဇ်တို့ဟာ ပေါ်တူဂီကြယ်ပွင့်က ရုရှားမော်ဒယ် အိုင်ရီနာ ရှိတ်ခ်နဲ့ လမ်းခွဲခဲ့ပြီးနောက် ၂၀၁၆ ခုနှစ်မှာ စတွဲခဲ့ကြတာဖြစ်ပါတယ်။ အသက် ၂၉ နှစ်အရွယ်ရှိပြီဖြစ်တဲ့ စပိန်မော်ဒယ်ဟာ ရော်နယ်လ်ဒိုနဲ့အတူ ၂၀၂၂ ခုနှစ်မှာ ဘယ်လာ အက်စ်မယ်ရယ်ဒါကို မမွေးဖွားမီ ပထမဆုံးသမီးဖြစ်တဲ့ အလာနာ မာတီနာကို မွေးဖွားခဲ့တာဖြစ်ပါတယ်။

Netflix ရှိုးမှာ စကားပြောဆိုနေချိန်အတွင်း ရော်နယ်လ်ဒိုရဲ့ ချစ်သူ ရိုဒရီဂက်ဇ်က သူငယ်ချင်းတွေနဲ့ ညစာ စားနေချိန်အတွင်း အသက် ၃၈ နှစ်အရွယ် တိုက်စစ်မှူးနဲ့ လိင်မှုကိစ္စအကြောင်းတွေပါ မတော်တဆ ဝန်ခံပြောဆိုမိခဲ့တာဖြစ်ပါတယ်။

Marca ရဲ့ ဖော်ပြချက်အရ ဂျော်ဂျီနာဟာ တက်တူးထိုးခဲ့ပြီးနောက် လက်မောင်း ရေမစိုအောင်နေခဲ့တဲ့အကြောင်း သူမ သူငယ်ချင်းတွေကို ပြောကြားခဲ့ချိန်မှာ သူမရဲ့ လိင်မှုဘဝအကြောင်းပါ လွှတ်ခနဲ ပြောမိခဲ့တာဖြစ်တယ်လို့ သိရပါတယ်။

“ကျွန်မ ကမ်းခြေမှာ ရေမချိုးဘဲနေခဲ့တယ်။ ဒါပေမယ့် ကျွန်မ အိမ်ပြန်ရောက်တော့ ခရစ္စက spa သွားဖို့ ပြောခဲ့တယ်။ ကျွန်မ အဲဒီမှာ ရေမစိုအောင် လက်ကို အရမ်းသတိထားခဲ့တယ်။ ကျွန်မ ဒီလိုမျိုး လက်ကို ရေမထိအောင် ဂရုတစိုက်နေရတာကို စိတ်ပျက်ခဲ့တယ်။ အိမ်က ရေကူးကန်မှာလည်း အဲဒီအတိုင်းပါပဲ။ ကျွန်မ မတ်တပ်တောင် မရပ်ဘဲ ငါ အရှုံးပေးပြီလို့တောင် ပြောလုနီးပါးဖြစ်ခဲ့တယ်။”

ရော်နယ်လ်ဒိုရဲ့ သူငယ်ချင်းဖြစ်တဲ့ အိုင်ဗန်က ဂျော်ဂျီနာရဲ့ စကားကို “ခင်ဗျား အိပ်ရာထဲမှာ ချစ်ပွဲဝင်တာပဲ။ spa မှာမှ မဟုတ်တာ။”လို့ တုံ့ပြန်ခဲ့ရာမှာ ရော်နယ်လ်ဒိုရဲ့ ချစ်သူက အံ့အားသင့်ဖွယ် ဝန်ခံ ပြောဆိုမှုကို အိုင်ဗန်ကို ပြန်လည်ပြောဆိုရာမှာ ပြုလုပ်သွားခဲ့တာဖြစ်ပါတယ်။

“ဟင့်အင်း။ ငါတို့တွေ အဲဒီမှာ ချစ်ပွဲဝင်ခဲ့ကြတယ်။”လို့ တုံ့ပြန်ခဲ့ပြီး တိတ်ဆိတ်သွားတဲ့ ဂျော်ဂျီနာကို သူမရဲ့ အစ်မက “နင် spa မှာ ချစ်ခဲ့တာလား”လို့ မေးမြန်းခဲ့ပြီးနောက် အိုင်ဗန်က စပိန်မော်ဒယ်ကို “သူ စိတ်လှုပ်ရှားလာနေပြီ”လို့ ဆက်လက်ပြီး စနောက်ခဲ့တာဖြစ်ပါတယ်။