လီဗာပူးလ်ကတော့ အဆင့် ၈ နေရာမှာ ရပ်တည်နေပြီး ပရီးမီးယားလိဂ်မှာ ၃ပွဲဆက်တိုက် နိုင်ပွဲပျောက်နေကာ ဥရောပဝင်ခွင့်အတွက် စိုးရိမ်ရတဲ့ အနေအထားမှာ ရှိနေတာပါ။ တကယ်လို့ လီဗာပူးလ်အနေန​ဲ့ လက်ရှိရပ်တည်မှုအတိုင်းသာ ရာသီကုန်ဆုံးခဲ့မယ်ဆိုရင် ၂၀၁၆ နောက်ပိုင်း ပထမဆုံးအကြိမ်အဖြစ် ဥရောပဝင်ခွင့်နေရာနဲ့ လွဲချော်မှုလည်း ဖြစ်လာမှာပါ။ 

လီဗာပူးလ်ရဲ့ လက်ရှိအနေအထားအပေါ်မှာ ပရိသတ်တွေက စိုးရိမ်နေကြပြီး လာမယ့်ရာသီမှာ အသင်းကို ပြန်လည်တည်ဆောက်မှုတွေ လုပ်ဖို့​မျှော်လင့်နေပါတယ်။ ကလော့ပ်က "အဲဒါက ကျနော်က စဉ်းစားနိုင်တဲ့ အရာနဲ့ မပတ်သက်ပါဘူး၊ ကျနော်တို့ ဘယ်အဆင့်နဲ့ ပြီးဆုံးမလဲ မသိဘူး၊ ဒါကို ကျော်ဖြတ်ရမယ်ဆိုတာ ကျနော်သိပါတယ်၊ ပြီးတော့ ရာသီသစ်မှာ အသစ်ကနေ ပြန်စရပါမယ်"

"ရိုးရိုးသားသားပြောရရင် အတိတ်မှာ ကျနော်တို့ လုပ်ပြနိုင်ခဲ့တာတွေကို ဂရုမစိုက်နိုင်အားတော့ပါဘူး၊ ပြီးတော့ ထိပ်ဆုံး ၆ နေရာကိုလည်း ဂရုမစိုက်နိုင်ပါဘူး၊ ကျနော်တို့ နိုင်ပွဲတပွဲရဖို့ လိုအပ်နေပြီး ပြီးရင် နောက်ထပ်နောက်ထပ်ပွဲတွေ အနိုင်ရဖို့ လိုအပ်ပါတယ်၊ ကွင်းထဲမှာ အကောင်းဆုံးစွမ်းဆောင်ရည်ကို ပြန်ရှာဖို့ လိုပါတယ်၊ တနေရာရာမှာ အဲဒါက ပုန်းကွယ်နေပြီး ကျနော်တို့ ရှာတွေ့နိုင်ဖို့ လိုအပ်ပါတယ်" လို့ ပြောဆိုခဲ့ပါတယ်။