အိန္ဒြာကျော်ဇင် ကိုယ်တိုင်သုံးနေသလိုမျိုး တွေ တင်ထားတာကြောင့် သတိချပ်ဖို့ ပြောလိုက်တာပါတဲ့။


ပြည်သူတွေ အားပေးမှု တခဲနက် ရရှိထားတဲ့ အကယ်ဒမီ မင်းသမီး အိ​န္ဒြာကျော်ဇင်က ဆိုရှယ် မီဒီယာတွေဖြစ်တဲ့ facebook, instagram အကောင့်တွေကို ယခုအချိန်ထိ အသုံးပြုခြင်းမရှိပဲ လက်ရှိ အိန္ဒြာကျော်ဇင်နာမည်နဲ့ စာမျက်နှာ အတုများစွာ ပေါ်ပေါက် နေကြောင်း အိန္ဒြာကျော်ဇင် Fan Page ဖြစ်တဲ့ Pathy Pathy Eaindra Kyaw Zin Crazy Pageမှာ ေမလ ၃၁ က တင်ထားတာကို တွေ့ရပါတယ်။

"အစ်မနာမည်နဲ့Page တွေအရမ်းများလာလို့ အခုလိုတင်လိုက်တာပါ။ မသိရင်အစ်မသုံးနေသလိုလိုတွေဖြစ်နေလို့ သတိချပ်စေချင်လို့ တင်ပေးလိုက်တာပါ။ အစ်မနာမည်နဲ့ Page တွေကအတုတွေလို့ပြောချင်ပါတယ်။ အစ်မသုံးနေတာမဟုတ်ပါဘူး။ ထင်ယောင်ထင်မှားတွေဖြစ်မှာစိုးတဲ့အတွက် တင်လိုက်တာပါ"လို့ အိန္ဒြာကျော်ဇင် Fan Page ဖြစ်တဲ့ Pathy Pathy Eaindra Kyaw Zin Crazy Pageမှတင်ထားပါတယ္။



Photo- Eaindra Kyaw Zin Fan Page

ထပ်မံပြီးတော့ ပြည်သူချစ်မင်းသမီးတစ်ယောက်ရဲ့ ပုံရိပ်ကိုထင်ယောင်ထင်မှားဖြစ်စေတဲ့ Page အတုတွေကို Share တွေ Like တွေမလုပ်ဖို့လည်း ပြောထားပါတယ်။ 

"အစ်မကိုချစ်လို့ဖွင့်တယ်ဆိုရင်တောင် Fan Pageအနေနဲ့ သုံးစေချင်ပါတယ်။ Page Adminတွေကိုလည်း နာမည်ချိန်းပေးဖို့ မေတ္တာရပ်ခံပါတယ်" လို့ ရေးထားခဲ့ပါတယ်။ 

Photo-Eaindra Kyaw Zin Fan Page

Pathy Pathy Eaindra Kyaw Zin Crazy Page Admin က တော့ သရုပ်ဆောင် အိန္ဒြာကျော်ဇင်ရဲ့ Fan စစ်စစ်ဖြစ်ပြီး Page က နေလည်းမင်းသမီးရဲ့ လှုပ်ရှားမှု၊ သတင်းတွေ နဲ့ ပတ်သက်လို့ တင်ပေးဖြစ်နေတဲ့ Page တစ်ခုလည်းဖြစ်ပါတယ်။ မအူဝဲရဲ့့အမာခံ ပရိသတ်တစ်ဦးအဖြစ် မအူဝဲနဲ့လည်း ရင်းနှီးသူဖြစ်ပါတယ္။ အခုလို သတင်းထုတ်ပြန်လိုက်ရတာကလည်း Page အတုတွေ အ နေနဲ့ မင်းသမီး ကိုယ်တိုင် အသုံးပြုနေသကဲ့သို့ ဓာတ်ပုံနှင့် စာသားများတင်နေတာက မင်းသမီးအူဝဲရဲ့ ပုံရိပ်ကို ထိခိုက်စေတာကြောင့် သတင်းထုတ်ပြန်လိုက်ရခြင်းဖြစ်တယ်လို့ ဆိုပါတယ်။

အကယ်ဒမီ မင်းသမီးအိန္ဒြာကျော်ဇင်ကတော့ မတ်လထဲမှာ ၅၀၅(က)အမှု နဲ့ ကင်းလွတ်ခွင့်ရရှိခဲ့ပြီးဖြစ်ပြီး လတ်တလောမှာတော့ မည်သည့်လှုပ်ရှားမှုမျိုးကိုမှ လုပ်နေခြင်းမရှိတာကိုတွေ့ရပါတယ်။ 

အကယ်ဒမီ အိန္ဒြာကျော်ဇင်ကတော့ အနုပညာသက်နှစ် (၃၀)ကိုရောက်ရှိခဲ့ပြီးဖြစ်ပြီး အကယ်ဒမီ၂ဆုကိုပိုင်ဆိုင်ထားတဲ့မင်းသမီးတစ်လက်ပဲဖြစ်ပါတယ်။ ၂၀၀၄ခု နှစ်မှာ "မျက်နှာများတဲ့ကောင်းကင်" ၊ ၂၀၁ရခု နှစ်မှာ "ရင်ဘတ်ထဲကဓား"တို့နဲ့အကောင်းဆုံး အမျိုးသမီးဇာတ်ဆောင်ဆုတို့ကိုရရှိခဲ့သူဖြစ်ပါတယ်။

Share

က္က