ဂျူဗင်တပ်နည်းပြဟောင်း အယ်လီဂရီဟာ ပရီးမီးယားလိဂ်အသင်းတစ်သင်းကို ပထမဆုံးအကြိမ် မကိုင်တွယ်မီမှာ အချိန်ယူပြီး အနားယူချင်သေးတယ်လို့ သိရပြီး မန်ချက်စတာယူနိုက်တက်နဲ့သတင်းတွေထွက်ပေါ်နေချိန်မှာ ရာသီကုန်အထိ စောင့်ဆိုင်းချင်နေတယ်လို့ Metro ရဲ့ဖော်ပြချက်အရ သိရပါတယ်။

ပရီးမီးယားလိဂ်ကို ပြောင်းရွှေ့ရာမှာ အဆင်ပြေချောမွေ့စေဖို့အတွက် အင်္ဂလိပ်စာကို သင်ကြားနေပြီဖြစ်တယ်လို့ သိရပေမယ့် ရာသီဝက်မှာတော့ နည်းပြအဖြစ် တာဝန်ယူကိုင်တွယ်သွားဖို့ စိတ်မဝင်စားဘူးလို့ သိရပါတယ်။

The Sun ရဲ့ဖော်ပြချက်အရ အယ်လီဂရီဟာ တစ်နေ့တစ်နေ့ စိတ်ဖိစီးမှုတွေကြုံတွေ့ရတဲ့ နည်းပြအလုပ်ကို ပြန်လည်မလုပ်ကိုင်မီ တစ်နှစ်လောက် ဘာမှမလုပ်ဘဲ အပြည့်အဝအနားယူချင်နေတယ်လို့ သိရပါတယ်။ အယ်လီဂရီရဲ့ပရီးမီးယားလိဂ်ကို လာရောက်ကိုင်တွယ်ချင်တဲ့ သတင်းကြောင့် လက်ရှိပရီးမီးယားလိဂ်နည်းပြတွေဖြစ်တဲ့ ပိုချက်တီနို၊ ဆိုးလ်ရှား၊ အမ်မရီတို့အနေနဲ့ အသင်းကို ရလဒ်ကောင်းတွေ မယူဆောင်ပေးနိုင်ဘူးဆိုရင်တော့ နည်းပြရာထူးအတွက် စိုးရိမ်ဖွယ်အခြေအနေဖြစ်လာမှာဖြစ်ပါတယ်။