တောင်ငူမှာ ပျော်နေတာ။

တောင်ငူမြို့ကို ချစ်တဲ့ တောင်ငူသူလေး စိုးပြည့်သဇင်က တောင်ငူမြို့မှာ လုပ်တဲ့ လွတ်လပ်ရေးပွဲမှာ ပျော်ပျော်ရွှင်ရွှင်နဲ့ လျှောက်လည်ခွင့်ရခဲ့တယ်လို့ ဆိုပါတယ်. ဒီ့အတွက်လည်း သူ့ရင်ထဲက ပျော်ရွှင်မှုတွေကို အခုလို ရင်ဖွင့်ပြောပြလာပါတယ်.

Photo: စိုးပြည့်သဇင်

ကလေးလေး တစ်ယောက်လို လွတ်လွတ်လပ်လပ် ပေါ့ပေါ့ပါးပါး ဖြူစင်လှတဲ့ မင်းသမီးချောလေး စိုးပြည့်သဇင်က တောင်ငူမြို့မှာ ကျင်းပတဲ့ လွတ်လပ်ရေးပွဲ တော်ကို သွားခွင့်ရလို့ အရမ်းကို ပျော်ရွှင်နေပါတယ်. ငယ်ဘဝလေးကိုလည်း ပြန်လွမ်းချင်တဲ့ သူမရဲ့ ဆန္ဒပါလို့လည်း သူကပြောပါတယ်.

''စိုးပြည့်တို့တောင်ငူရဲ့ လွတ်လပ်ရေးပွဲတော် ငယ်ငယ်တုန်းကအရမ်းသွားချင်တဲ့ပွဲ လွတ်လပ်ရေးပွဲရောက်ရင်လိုချင်တဲ့အရုပ်တွေပူဆာ စားချင်တာတွေစား.မသွားတဲ့နှစ်ရယ်လို့တစ်နှစ်မှမရှိ.၉တန်းအောင်ပြီးရန်ကုန်ပြောင်းသွားထဲကလွတ်လပ်ရေးပွဲကိုတစ်ခါမှမရောက်ဖြစ်တော့.စိတ်ထဲတော့ရှိတယ်.တစ်ခေါက်လောက်သွားချင်သေးတယ်လို့..ခုတောင်ငူရောက်ဖြစ်တော့လွတ်လပ်ရေးပွဲနဲ့တည့်တည့်တိုး. အဲ့ဒါနဲ့လူကြီးတွေကိုပူဆာ.ဖုန်တွေနဲ့ချောင်းဆိုးမယ်.လူလည်းများတယ်လို့ပြောပေမဲ့.သွားချင်တာ..ပြန်လွမ်းချင်တာ ငယ်ဘဝကို.ဒါကြောင့်ရောက်အောင်သွားလည်ခဲ့ပြီးဝယ်ချင်တာတွေဝယ်ပြီးပြန်လာတယ်'' လို့ ဇန်နဝါရီလ ၃ ရက်နေ့ နေ့လည် ၁ နာရီက သူ့ရဲ့ ဖေ့စ်ဘွတ်မှာ ရေးသားခဲ့ပါတယ်.

Photo: စိုးပြည့်သဇင်

စိုးပြည့်သဇင်က နိုဝင်ဘာလ ၂၉ ရက်နေ့မှာ ပြီးခဲ့တဲ့ ရန်ကုန်အရှေ့ပိုင်းတက္ကသိုလ် မြန်မာစာ အဝေးသင်နောက်ဆုံးနှစ်ကို အောင်အောင်မြင်မြင် ဖြေဆိုနိုင်ခဲ့တယ်လို့ သူ့ရဲ့ ဖေ့စ်ဘွတ်ကနေ ပရိသတ်တွေကို ပြောပြခဲ့ဖူးပါတယ်။ စာမေးပွဲဖြေနေချိန်မှာလည်း နိုဝင်ဘာလ ၂၂ ရက်နေ့ က ပြုလုပ်ခဲ့တဲ့ တောင်ငူကေတုမတီမြို့တည်နန်းတည်(၅၀၈)နှစ်ပြည့်ပွဲတော်ကြီးမှာ ဘုရင့်သမီးတော် မင်းသမီးလေးအဖြစ် ပါဝင်ခဲ့တာပါ

Photo: စိုးပြည့်သဇင်

အသက်(၂၅)နှစ်အရွယ် အနုပညာရှင်မလေး စိုးပြည့်ဟာ အသက်(၁၈)နှစ်အရွယ်နဲ့ အကယ်ဒမီရရှိခဲ့သူဖြစ်ပါတယ်။သူအကယ်ဒမီ ရရှိခဲ့တဲ့ ဇာတ်ကားက "မိုးညအိမ်မက်မြူ" ရုပ်ရှင်ဇာတ်ကားဖြစ်ပါတယ်။သူမဟာ သရုပ်ဆောင်ပိုင်းမှာသာမက အဆိုပိုင်းမှာလည်း ပရိသတ်အားပေးမှု ရရှိထားသူ တစ်ယောက်ဖြစ်ပါတယ်။ သီချင်းပိုင်း နဲ့ ပတ်သက်ပြီး ချစ်သူရွေးမယ် တေးစီးရီးနဲ့ အချစ်ကို ရှာဖွေတွေ့ရှိခြင်း ဆိုတဲ့ တေးစီးရီးများကို ထွက်ရှိထားသူ တစ်ဦး ဖြစ်ပါတယ်။

Photo: စိုးပြည့်သဇင်

လက်ရှိမှာတော့ စိုးပြည့်သဇင်က စိုးမြတ်သူဇာ၊ စိုးမြတ်နန္ဒာ၊ စန္ဒီမြင့်လွင်တို့နဲ့ အတူ မင်းသမီးပိုးထည်တိုက်ဆိုတဲ့ ပိုးထည်ဆိုင်ကို ဖွင့်ထားတာ ဖြစ်ပါတယ်။ စာမေးပွဲဖြေဆိုပြီးသွားပြီဖြစ်လို့ မကြာခင်မှာလည်း အနုပညာအလုပ်တွေ ပြန်လုပ်နိုင်ဖို့အတွက် သူ့ရဲ့ ပရိသတ်တွေက မျှော်လင့်နေတယ်လို့ သိရပါတယ်။

Share

က္က