ကစားသူအများဆုံး Esports တစ်ခုဖြစ်တဲ့ League Of Legends ဟာ သူတို့ရဲ့ ၁၀ နှစ်ပြည့်အထိမ်းအမှတ်နေ့မှာ ရှေ့ဆက်ပြီးလုပ်ဆောင်သွားမယ့် ပရောဂျက်များကိုချပြခဲ့ပါတယ်။

League Of Legends: Wild Rift

         ဒီတစ်ခုကိုတော့သိပြီးကြလောက်ပြီလို့ထင်မှာပါ။ League Of Legends ရဲ့ Mobile နဲ့ Console ဗားရှင်းဖြစ်တဲ့ League Of Legends: Wild Rift ကို ၂၀၂၀ ခုနှစ်မှာစတင် ဖြန့်ချိမှာဖြစ်ပြီး မိုဘိုင်းအတွက် Google Playstore မှာ Pre-register ပြုလုပ်နိုင်နေပါပြီ။ League Of Legends မှာ User Interface အသစ်၊ ၁၅-၂၀ မိနစ်အတွင်းအပြီးကစားနိုင်အောင် ပြုလုပ်ပေးထားမယ့် Gameplay အသစ်တို့ပါဝင်လာမှာပဲဖြစ်ပါတယ်။

Legends Of Runeterra

         ဒီ Legends Of Runeterra လို့အမည်ပေးထားတဲ့ ဂိမ်းကတော့ Hearthstone လို Card Game အမျိုးအစားပါ။ ဒီဂိမ်းကိုလည်း ၂၀၂၀ ခုနှစ်မှာထုတ်ပေးဖို့လျာထားပြီး Pre-registration တွေလက်ခံနေပေမယ့် လက်ရှိအချိန်မှာ တချို့က ကစားနေကြပြီး Twitch မှာလည်း Stream လျက်ရှိပါတယ်။

Project A (Tactical Shooter)

Character-based ဆိုတဲ့အတိုင်း Character တိုင်းမှာ Unique Ability တွေပါဝင်မှာဖြစ်တာကြောင့် ရှေ့မှာထွက်ရှိပြီးသား Overwatch, Paladins စတဲ့ဂိမ်းတွေကိုပြေးမြင်ကြမှာပါ။ ဒါပေမယ့် Teaser ဗီဒီယိုအရတော့ Counter Strike: Global Offensive ရဲ့ Gameplay နဲ့တော်တော်လေး အလားသဏ္ဍာန်တူနေတာကို တွေ့ရပါတယ်။ အဲဒီ Teaser ဗီဒီယိုကိုတော့ https://www.youtube.com/watch?time_continue=29&v=4iGU6PctOBg ကနေကြည့်ရှုနိုင်ပါတယ်။

Project L (Fighting Game)

         Riot Games ကတော့ League Of Legends ဇာတ်ကောင်တွေကို အခြေခံပြီး Fighting ဂိမ်းလည်းထုတ်ပါဦးမယ်တဲ့။ ဒီ League Of Legends Fighting ဂိမ်းအကြောင်းကို Evo 2019 တုန်းက အရိပ်အမြွက်ပြောကြားသွားခဲ့ပေမယ့် အခုတစ်ခါမှာတော့ တရားဝင်အတည်ပြုလိုက်ပါပြီ။ တခြားဂိမ်းတွေလိုပဲ ၂၀၂၀ မှာထွက်မယ်လို့ကြေညာထားပေမယ့် ရက်အတိအကျကိုတော့ မသိရသေးပါဘူး။

League Of Legends Animated Series

         ဂိမ်းတွေတင်ထုတ်ရတာ မကျေနပ်သေးတဲ့ Roit Games က League Of Legends ရဲ့ Animated Series (ကာတွန်းဇာတ်လမ်းစီးရီး) ကိုလည်း ထုတ်သွားမှာဖြစ်တဲ့အကြောင်း ကြေညာခဲ့ပါတယ်။ ဒီ Animated Series ရဲ့နာမည်ကို "Arcane" လို့နာမည်ပေးထားပြီး ဘယ် Streaming Service ကနေပြမယ်၊ ဘယ်နှပိုင်းရှိမယ် စတဲ့ အသေးစိတ်အချက်အလက်တွေကိုတော့ ထုတ်ပြန်ထားခြင်းမရှိသေးပါဘူး။

Project F

         Riot Games က နောက်ဆုံးမှာ ပရိသတ်တွေကို ပဟေဠိများစွာနဲ့ ထားခဲ့ပါတယ်။ အသစ်ထွက်မယ့်ဂိမ်းကို Project F လို့သာ အမည်ပေးထားပြီး ဘာဂိမ်းအမျိုးအစားဖြစ်မယ်ဆိုတာကိုတော့ ပြောကြားသွားခြင်းမရှိခဲ့ပါဘူး။ အများစုကတော့ MMORPG ဂိမ်းဖြစ်မယ်လို့ ထင်ကြေးပေးနေကြပါတယ်။ ဒီဘက်နှစ်တွေရောက်မှ ခေတ်စားလာတဲ့ Battle Royale ဂိမ်းအမျိုးအစားလည်း ဖြစ်နေနိုင်ပါတယ်။ ဒါပေမယ့် ဒါတွေဟာ ခန့်မှန်းချက်တွေသာဖြစ်တာကြောင့် အတိအကျမှန်ဖို့ မလွယ်ပါဘူး။ ဘာဂိမ်းဖြစ်မလဲဆိုတာကတော့ စောင့်ကြည့်ချင်စရာပါပဲ။

Written by Myo Thant Kyaw