ညီလေးငယ်အတွက် သာသနာပြုလုပ်ငန်းလေးတွေ လုပ်ဆောင်သွားမှာပါလို့ ဆိုပါတယ်။

အခုဆိုရင် သရုပ်ဆောင် မင်းသွေးတစ်ယောက် လူ့လောကကက ထွက်ခွာသွားခဲ့တာ တစ်လပြည့်ဖို့ တစ်ရက်အလိုပါ။ သားငယ်အတွက် ခံစားနေရတဲ့ မိခင်ဖြစ်သူရဲ့ ကျန်းမာရေးအခြေအနေနဲ့ ကွယ်လွန်သူ မင်းသွေးအတွက် လုပ်ဆောင်ဖြစ်သွားမယ့်အစီအစဉ်တွေကို  အစ်ကိုဖြစ်တဲ့ နေတိုးက ပြောပြခဲ့တာ ဖြစ်ပါတယ်။



"မီ" ရုပ်ရှင် အထူးပွဲက နေတိုးနဲ့ အခြားအနုပညာရှင်များ

နိုဝင်ဘာလ ၁ ရက်နေ့ညနေက သမ္မတရုပ်ရှင်ရုံမှာ ပြုလုပ်တဲ့ "မီ" ရုပ်ရှင်ကား အထူးပွဲကို တက်ရောက်လာတဲ့ နေတိုးက ညီလေးငယ်နဲ့ ပတ်သက်ပြီး မီဒီယာတွေရဲ့ မေးမြန်းချက်ကို အခုလို ဖြေကြားခဲ့ပါတယ်။

"မိသားစုကိစ္စကတော့ အများကြီးရှိပါတယ်။ အချိန်အခါကလည်း သိပ်မကြာသေးဘူးဆိုတော့လေ။ (အမေ့ကို) အရင်ထက်စာရင်တော့ ပိုပြီး ဂရုစိုက်နေရတဲ့သဘောတော့ ရှိတာပေါ့" လို့ နေတိုးက ဆိုပါတယ်။

 

မိခင်ဖြစ်သူက တချက်ချက် သွေးတိုးတတ်တဲ့အတွက် ကျန်းမာရေးကို ဂရုစိုက်နေရတယ်လို့ နေတိုးက ပြောပြခဲ့တာ ဖြစ်ပါတယ်။ နိုဝင်ဘာလ ၃ ရက်နေ့မှာ မင်းသွေး ကွယ်လွန်တာ တစ်လပြည့်ဖြစ်တဲ့အတွက် ဆွမ်းကျွေးပြုလုပ်သွားမယ်လို့လည်း သိရပါတယ်။

"၃ ရက်နေ့ကတော့ တစ်လပြည့်ဆွမ်းကျွေးမယ်ပေါ့နော်။ သူ့အနုပညာကိစ္စတွေရှိမယ်၊ သူ့သာသနာပြုလုပ်ငန်းလေးတွေ ရှိမယ်၊ ဘုရားကိစ္စလေးတွေရှိမယ်။ ဒါလေးတွေ လုပ်ပေးသွားဖို့ရှိပါတယ်" လို့ နေတိုးက ဖြေကြားခဲ့ပါတယ်။

သီတင်းကျွတ်လပြည့်နေ့က မင်းသွေးအတွက် ရည်စူးကုသိုလ်ပြုတဲ့ တရားပွဲပြုလုပ်ရန် လာရောက်သည့် အရှင် ဆန္ဒာဓိကကို ထီးတော်မိုးပေးနေတဲ့ နေတိုး

 

မင်းသွေးအတွက် တစ်လပြည့်ဆွမ်းကျွေးကို နိုဝင်ဘာလ ၃ ရက်နေ့မနက်မှာ သာကေတ၊ မြခွာညို ဝါဝါဝင်းအိမ်ရာရှိ မိသားစုနေအိမ်မှာ ပြုလုပ်သွားမှာဖြစ်ကြောင်း သိရပါတယ်။

မင်းသွေးဟာ အောက်တိုဘာ(၃) ရက်နေ့ ည(၁၁း၂၀)က ပါရမီဆေးရုံမှာ ကွယ်လွန်ခဲ့တာ ဖြစ်ပါတယ်။ မင်းသွေးဟာသူချင်းတွေနဲ့အတူ ဘောလုံးကန်ပြီးနောက် ခဏနားပြီး ရေသောက်လိုက်တဲ့အချိန် ရုတ်တရက် လဲကျသွားရာက အရေးပေါ်သို့ ပို့လိုက်ရာက သတိပြန် မလည်လာတော့တာ ဖြစ်ပါတယ်။ မင်းသွေးရဲ့ ရုပ်အလောင်းကို အောက်တိုဘာ(၇) ရက်နေ့ မနက်ပိုင်းကရေဝေးသုဿန်မှာ မီးသဂြိုလ်ခဲ့ပြီး အရိုးပြာကို ဂူသွင်းထားခဲ့ပါတယ်။

 


ဆက်စပ်အကြောင်းအရာများ



က္က