ပရိသတ် စိတ်ဝင်စားတဲ့ ဇာတ်ကားဖြစ်ပါတယ်။

အေးဝတ်ရည်သောင်းက '' မုန်းစွဲ ရုပ်ရှင်ဇာတ်ကားကြီး'' ရုံတင်ပြသတော့မှာဖြစ်တဲ့အတွက် အများကြီးရင်ခုန်နေတယ်လို့ သိရ ပါတယ်။ ပရိ သတ် စိတ်ဝင်စားမှုရထားတဲ့ ဇာတ်ကားဖြစ်တာကြောင့်လည်း စိန်ခေါ်မှုတစ်ခု ဖြစ်ခဲ့တယ်လို့ ဆိုပါတယ်။



Photo: မုန်းစွဲရုပ်ရှင်ဇာတ်ကား

 

အေးဝတ်ရည်သောင်းက မကြာခင် ရုံတင်ပြသတော့မယ့် '' မုန်းစွဲ ရုပ်ရှင်ဇာတ်ကားကြီး'' အတွက် အရမ်းကိုရင်ခုန်နေပြီလို့ ဆိုပါတယ်။ ဒီဇာတ် ကားဟာ အနုပညာအလုပ်တွေ ပြန်လည်ဆောင်ရွက်လာချိန်မှာ ပထမဆုံးရိုက်ကူးခဲ့တဲ့ ရုပ်ရှင်ဇာတ်ကားဖြစ်တယ်လို့ သိရပါတယ်။ အဲ့ဒီနောက် ဒီဇာတ်ကားကလည်း သူ့အတွက်တော့ ပထမဆုံးရုံတင်ပြသခွင့်ရတဲ့ ရုပ်ရှင်ဇာတ်ကားဖြစ်တယ်လို့ Duwun Media ကိုပြောပြလာပါတယ်။

'' ရင်ကတော့ အရမ်းခုန်တယ်၊ ရိုက်နေကတည်းကရော၊ ဒီကားအတွက် စိတ်ရောလူရော နှစ်ပြီးတော့ လုပ်နေရတာ၊ ပြီးတော့ ပေါက်စီရဲ့ ပထမဦးဆုံး ပြန်ရိုက်တဲ့ဇာတ်ကားဖြစ်မယ်။ ပထမဦးဆုံး ရုံပြန်တင်တဲ့ ဇာတ်ကားလည်းဖြစ်မယ်ဆိုတော့ အရမ်းကို ရင်ခုန်ပါတယ်။ ပရိသတ်က ရော ဘယ်လိုတွေ မှတ်ချက်ပေးမလဲဆိုတာကို အရမ်းရင်ခုန်နေပါတယ်'' လို့ သူကဆိုပါတယ်။

Photo: မုန်းစွဲရုပ်ရှင်ဇာတ်ကား

 

မုန်းစွဲ ရုပ်ရှင်ဇာတ်ကားထဲမှာ ပါဝင်ခွင့်ရထားတဲ့ ကာရိုက်တာကလည်း အေးဝတ်ရည်သောင်းအတွက် စိန်ခေါ်မှုတစ်ခုဖြစ်စေတယ်လို့ ဆိုပါ တယ်။ ဒီကာရိုက်တာအပေါ်မှာလည်း ပရိသတ်တွေက စိတ်ဝင်စားမှု  ပိုများတယ်လို့လည်း ဆက်လက်ပြောပြလာတာပါ။

'' အစ်မရဲ့  ကာရိုက်တာက ဘုန်းကြီးနဲ့ ပတ်သက်တာလေးတွေပေါ့။ လူဆိုး ကိုကြိုက်ရတာ အစ်မအတွက် အရမ်းကြီးစိန်ခေါ်မှုမရှိဘူး။ ဘုန်း ကြီး ကို ကြိုက်ရတာကတော့ ကိုယ့်အတွက် စိန်ခေါ်မှုတစ်ခုဖြစ်တယ်။ ဗုဒ္ဓဘာ သာ မြန်မာနိုင်ငံ ဖြစ်နေတာကတစ်ကြောင်း၊ ဘာသာရေးက ဖြစ်နေတာကတစ်ကြောင်း ဆရာတော် အရှင်ဆန္ဒာဓိက ကိုယ်တိုင် တရားဟော ထားတာဖြစ်တဲ့အတွက် ပညာပေးဖြစ်တာကြောင့် လူဆိုး နေရာကဆိုလည်း ဝင်ပြီးတော့ ကွက်လပ်လေးကို ဖြည့်ပေးမယ် ဆိုပြီးတော့ အကောင်းဆုံး ရိုက်ကူးဖြစ်တာပါ'' လို့ ဆိုပါတယ်။

Photo: မုန်းစွဲရုပ်ရှင်ဇာတ်ကား

ကိုယ်ပိုင်ဘဝ၊ ကိုယ်ပိုင်အိပ်မက်လေးကိုဖွင့်ပြောလာတဲ့ မအေးသောင်း 

မုန်းစွဲ ရုပ်ရှင်ဇာတ်ကား စတင်ရိုက်ကူးခဲ့စဉ်ကတည်းက ပရိသတ်စိတ်ဝင်စားခြင်းခံခဲ့ရတဲ့ ဇာတ်ကားတစ်ကားဖြစ်ပါတယ်။သရုပ်ဆောင် အေးဝတ်ရည်သောင်းက  ဒီလို ဇာတ်ကားထဲ မှာပါဝင်ခွင့်ရတဲ့အပေါ်မှာလည်း ပရိသတ်ကို ရင်ခုန်စေချင်သေးတယ်လို့ သူကဆိုပါတယ်။

'' ပေါက်စီကတော့ ဘာမှ ကြိုမပြောချင်ပါဘူး၊ ကြည့်ပြီးတဲ့သူ၊ ကြည့်တဲ့ ပရိသတ် ဝေဖန်တာက ပိုပြီးတော့  စိတ်လှုပ်ရှားကောင်းမယ်လို့ ထင်ပါတယ်။ ပေါက်စီက သူတို့ကို ရင်ခုန်မှုပေးရတာ ပိုကြိုက်တယ်ရှင့်'' ဆိုပြီးတော့ နိုဝင်ဘာလ ၄  ရက်နေ့က စိန်နန်းတော် ဆိုင်ရဲ့ ကံစမ်းမဲ ဖွင့်ပွဲအခမ်းအနားမှာ ပြောပြခဲ့တာဖြစ်ပါတယ်။

Photo: မုန်းစွဲရုပ်ရှင်ဇာတ်ကား

 

မြန်မာနိုင်ငံက ပရိသတ်တွေရဲ့ အချစ်တော် မင်းသမီးချောလေး မအေးသောင်းက အခုလက်ရှိမှာတော့ ရုပ်ရှင်ဇာတ်ကားကြီးတွေ ရိုက်ကူးနေ တာ တွေ့ရပါတယ်။ သူ့အနေနဲ့ ကိုယ်ပိုင်စီးပွားရေးတစ်ခုဖြစ်တဲ့ ပိုးထည်ဆိုင်တွေကိုလည်း ဦးဆောင်နေရသူပါ။ မအေးသောင်းရဲ့ အနုပညာ သက်တမ်းကတော့ အတော်ကို ကြာနေပါပြီ။

 


ဆက်စပ်အကြောင်းအရာများ



က္က