လူရွှင်တော် ငြိမ်းချမ်းဟာ အငြိမ့်လောကထဲက စတင်ဝင်ရောက်လာကတည်းက အဖေ တစ်ယောက်လို ဆရာတစ်ယောက်လို ရင်းနှီးခဲ့တဲ့ ဦးမန်းဝင်းနဲ့အမှတ်တရတွေကို ပြောပြလာပါတယ်။
photo: Nyein Chan
ငြိမ်းချမ်းကတော့ လူရွှင်တော် အလုပ် စလုပ်ကတည်းက ဦးမန်းဝင်းနဲ့ တွဲဖက်ပြီး ပြက်လုံးတွေ ပြက်ခဲ့ရတယ်လို့ ဆိုပါတယ်။ လူရွှင်တော်ကြီး ဦးမန်းဝင်းဟာ သူ့အတွက်တော့ ဒုတိယမြောက် ဆရာအရင်းတစ်ယောက် ဖြစ်တယ်လို့ Duwun ကနေ ပြောပြလာပါတယ်။
“ ဦးငြိမ်းချမ်း စင်ပေါ်မှာ လူရွှင်တော် စလုပ်ပြီဆိုကတည်းက ဦးမန်းဝင်းနဲ့ ကခဲ့ရတာပါ။ ကိုယ့်အတွက်တော့ ဒုတိယမြောက် ဆရာအရင်းပေါ့။ သူ့ဘဝ တစ်လျှောက်လုံးမှာ ဦးငြိမ်းချမ်းနဲ့ အတူတွဲပြီး ကရတာလောက် ဘယ်လူရွှင်တော်မှ စိတ်တိုင်းမကျဘူး။ ဒါပေမယ့် အဆင်ပြေအောင် သူ ကခဲ့တယ်။ ပြီးတော့ သူကိုယ်တိုင်က ဦးငြိမ်းချမ်းနဲ့ တွဲကရတာ စိတ်အချမ်းသာဆုံးနဲ့ အပျော်ဆုံးပါ။ ဘာကြောင့်လဲ ဆိုတော့ သူက ဘာကြိုက်တတ်တယ်၊ သူက ဘာပြက်လုံးပြက်ရင် ငါက ဘာလုပ်ပေးရမယ် ဆိုတာ ဦးငြိမ်းချမ်းက အကုန်သိတော့ တွေ့တိုင်းပြောတယ် မင်းနဲ့ ကရတာလောက် မကောင်းပါဘူးကွာ၊ ဒီကောင်တွေ မင်းကတာ မကြည့်ဖူးကြဘူးလား မသိဘူး၊ မမှတ်ထားကြဘူးလား မသိဘူးဆိုပြီးတော့ ပြောတယ်” ဇူလိုင် (၁၃) ရက်နေ့က ဦးမန်းဝင်းရဲ့ အိမ်မှာ ဖြေဆိုခဲ့တာပါ။
photo: Nyein Chan
ဖခင်တစ်ယောက်ကို ဆုံးရှုံးလိုက်ရသလို ခံစားရတယ်လို့ ရင်ဖွင့်လာတဲ့ လူရွှင်တော် ငြိမ်းချမ်းကလည်း ဝမ်းနည်း ကြေကွဲနေရတာတွေကို Duwun ကနေ ရင်ဖွင့်ပြောပြလာပါတယ်။
photo: Nyein Chan
Photo: Nyein Chan
ဟာသသရုပ်ဆောင်တစ်ဦးလည်းဖြစ်၊ လူရွှင်တော် တစ်ယောက်လည်းဖြစ်တဲ့ ငြိမ်းချမ်းရဲ့ အနုပညာသက်တမ်းကတော့ နှစ် ၃၀ ကျော်ကိုရောက်ရှိလို့နေပါပြီ။ သူ့ကိုတော့ လူရွှင်တော် တစ်ယောက်အဖြစ် ပရိသတ်တွေ အရင်ဆုံး သိရှိခဲ့ကြတာဖြစ်ပါတယ်။ ပရိသတ်တွေကြားမှာ အောင်မြင်ခဲ့တဲ့ သူ့ရဲ့ ဟာသလေးကတော့ " သောက်မလား ကို့ ... ရေခဲရေ .. ရေခဲရေ" ဆိုတဲ့ သူ့ရဲ့ ပျက်လုံးလေးဟာအခုချိန်ထိ ပရိသတ်တွေရဲ့ ပါးစပ်ဖျားမှာ ရေပန်းစားတုန်းပါပဲ။ အဲဒီနောက်မှာတော့ ဗီဒီယိုဇာတ်ကား၊ ရုပ်ရှင်ကားကြီးတွေမှာ ဟာသသရုပ်ဆောင်အဖြစ် ပါဝင်သရုပ်ဆောင်လာတာကို တွေ့ရပါတယ်။