Sabal Thwin

မိုးယုစံက သူမရဲ့ မွေးနေ့မှာ ခင်ပွန်းဖြစ်သူဆီက လက်ဆောင်လေး ရပြီးခဲ့ပြီလို့ဆိုပါတယ်။ ဒီနေ့ ကတော့ သူမအသက် ၂၈ နှစ်ပြည့် မွေးနေ့လေးပါ။

Photo: Moe Yu San

ဒီနေ့(ဇူလိုင်လ ၁၁) ရက်နေ့ကတော့ သရုပ်ဆောင် မိုးယုစံရဲ့ အသက် ၂၈ နှစ်ပြည့် မွေးနေ့ဖြစ်ပါတယ်။ သူမရဲ့ မွေးနေ့မှာတော့ မိသားစုနဲ့အတူ အလှူအတန်းလေးတစ်ခု လုပ်ခဲ့တယ်လို့ Duwun Media ကနေ ဆက်သွယ်မေးမြန်းရာမှာ အခုလို ဖြေဆိုခဲ့ပါတယ်။

‘’ မွေးနေ့မှာလည်း ကြီးကြီးမားမား မလုပ်ချင်တာနဲ့ တန်းဆွမ်းလေးပဲ လောင်းဖြစ်တာပါ။ ဒီ အလှူလေးကိုလည်း အမေ စီစဉ်ပေးတာပေါ့နော်။ ဒီနေ့ကတော့ အသက် ၂၈ နှစ်ပြည့်တာပါ။ ပြောရရင်တော့ မိုးက အစကတည်းက ကလေးဆန်တဲ့လူ မဟုတ်ဘူးဆိုတော့ သိပ်အများကြီး ပြောင်းလဲတာမျိုးတော့ မရှိပါဘူး။ အသက်လည်း တစ်နှစ်ကြီးပြီပေါ့နော်။ ၃၀ နားကပ်ပြီပေါ့နော်’’လို့ဆိုပါတယ်။

Photo: Moe Yu San

ဒီနှစ် မွေးနေ့မှာတော့ ခင်ပွန်းဖြစ်သူဆီက မွေးနေ့လက်ဆောင် ရပြီးပြီလို့ မိုးယုစံက ပြောပါတယ်။ ဒါပေမယ့် ဇနီးမောင်နှံ နှစ်ယောက် စုံမှ ဖွင့်ကြည့်တော့မယ်တဲ့။

‘’ ခင်ပွန်းဆီက လက်ဆောင်တော့ ရတယ်။ ဖောက်တော့ မကြည့်ရသေးဘူးရှင့်။ ယောကျ်ားက Surprise တွေ ဘာတွေ မရှိဘူးဆိုတော့ ဘာလေးလဲ ဆိုတာကို မသိသေးပါဘူး။ သူနဲ့မှ အတူတူဖောက်ကြည့်မယ်လို့ စိတ်ကူးထားတယ်’’ လို့လည်း ဆက်လက်ပြောပြလာပါတယ်။

Photo: Moe Yu San

ကိုစွမ်းသူမိုး နဲ့ မိုးယုစံတို့ရဲ့ စုလျားရစ်ပတ် လက်ထပ် ထိမ်းမြား မင်္ဂလာပွဲ ကိုလည်း အောက်တိုဘာ၂၉ရက်က Melia ဟိုတယ်မှာ ကျင်းပခဲ့တာဖြစ်ပြီး မင်္ဂလာညစာစားပွဲကိုတော့ အောက်တိုဘာ(၃၁)ရက်နေ့က နိုဗိုတယ်ဟိုတယ်မှာ ကျင်းပခဲ့တာ ဖြစ်ပါတယ်။ မိုးယုစံတို့ ဇနီးမောင်နံှရဲ့ မင်္ဂလာပွဲတွေက တော့ ပရိသတ်တွေအားကျခဲ့ရတဲ့ ပွဲတစ်ပွဲလည်း ဖြစ်ပါတယ်။ အဲ့ဒီနောက် မိုးယုစံက သူမတို့ရဲ့ သားဦးလေး Austin ကို ၂၀၁၇ ခုနှစ် သြဂုတ် ၂၁ ရက်မှာ အောင်မြင်စွာ မွေးဖွားခဲ့ပါတယ်။ သားလေး Austin (ခ) ကောင်းသိင်္ခမိုးသူ ကလည်း ပရိသတ်တွေရဲ့ အချစ်ကို ရရှိထားသူလေးပါ။


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က