လူကြမ်း သရုပ်ဆောင် ဇာတ်ကားရိုက်ကူးရေးတွေ ပါးနေတဲ့အချိန်မှာ စားဝတ်နေရေး အခက်အခဲတွေရှိခဲ့တယ်လို့ဆိုပါတယ်။ မိဘတွေရဲ့ အခက်အခဲကို နားလည်ပေးပြီး ပညာရေးမှာ အောင်မြင်အောင်ကြိုးစားနိုင်ခဲ့တဲ့ သားအတွက်လည်း ဂုဏ်ယူတယ်လို့ ပြောပါတယ်။

‘’အလုပ်အကိုင်တွေက ရှားပါးနေတဲ့ အချိန်ရယ်၊ ကိုယ့်သားသမီးကိုလည်း ဖြစ်ထွန်းစေချင်တဲ့ ဆန္ဒရယ်၊ အဲဒါတွေပေါင်းပြီးတော့ ကိုယ့်သားသမီးကို မဖြစ်ဖြစ်အောင်ထားမယ် ဆိုတဲ့စိတ်နဲ့ကျောင်းထားပေးခဲ့ပါတယ်။ အခက်အခဲတွေကတော့ ပြောပြရရင် အများကြီးပါပဲ။ သားကတော့ သူ့အစ်ကိုလို အင်ဂျင်နီယာဖြစ်ချင်တာ အမှတ်က မမှီဘူး။ အခုတော့ စီးပွားရေးလိုင်းကို လျှောက်ထားတယ်’’ လို့ သူကဆိုပါတယ်။

အဲဒီနောက် ကိုဟန်မြင့်ရဲ့ ဇနီးဖြစ်သူ မစန်းစန်းဝေကလည်း သားလေးတွေကို ပညာတက်ကြီးဖြစ်အောင် ကျောင်းထားပေးနိုင်ခဲ့လို့ ဝမ်းသာမဆုံးဖြစ်လို့နေပါတယ်။

pHOTO: Han Myint

ရုပ်ရှင်နဲ့ ဗီဒီယို လူကြမ်းသရုပ်ဆောင် ကိုအံ့မင်း နဲ့ မစမ်းစမ်းဝေ တို့ရဲ့ သားဖြစ်သူ မောင်ဇော်နိုင်ထွန်းကတော့ ၂၀၁၈-၂၀၁၉ ခုနှစ် ပညာသင်နှစ်ရဲ့ တက္ကသိုလ်ဝင်တန်းစာမေးပွဲကို ဂုဏ်ထူး ၂ ဘာသာနဲ့ ထူးထူးချွန်ချွန် အောင်မြင်ခဲ့တယ်လို့ဆိုပါတယ်။

‘’ သားလေး ၁၀ တန်းနှစ်မှာ အလုပ်အကိုင်တွေကလည်း ပါးသွားခဲ့တယ်။ အပြင်စီးပွားရေးကလည်း မလုပ်တတ်တော့ ကလေးတွေ ပညာရေးဘက်ကို အပြည့်အစုံ မထောက်ပံ့နိုင်ခဲ့ဘူး။ အဲဒီကြားထဲကမှ ဂုဏ်ထူးထွက်အောင် စာကြိုးစားပေးခဲ့တဲ့ သားလေးကို ကျေးဇူးတင်ပါတယ်။ ကိုယ်တွေရဲ့ ပံ့ပိုးမှုလေးကိုလည်း အခုလို အရာထင်သွားတဲ့အတွက် ပီတိဖြစ်မိပါတယ်’’ လို့ လူကြမ်းသရုပ်ဆောင် ကိုအံ့မင်းက ပြောခဲ့ပါတယ်။

လူကြမ်းသရုပ်ဆောင် ဟန်မြင့်ကိုတော့ ဗီဒီယိုဇာတ်ကား၊ ရုပ်ရှင်ဇာတ်ကားတွေကနေတဆင့် လူကြမ်းသရုပ်ဆောင်တစ်ဦးအဖြစ် ပရိသတ်တွေ သတိထားမိကြမှာပါ။ ကိုယ်သရုပ်ဆောင်ရတဲ့အလုပ်က ရတဲ့ ငွေကြေးလေးနဲ့ မိသားစုဝင်တွေရဲ့ အခက်အခဲကို ဇနီးဖြစ်သူနဲ့ အတူတူ ဖြည့်ဆည်းခဲ့ရသူပါ။ အခုလည်း ပညာရေးမှာ ထူးချွန်တဲ့ သားနှစ်ယောက်ကို ပိုင်ဆိုင်ထားနိုင်ပြီဖြစ်ပါတယ်။