ပရိသတ်အချစ်တော် ဟိန်းမင်းသူကတော့ သာသနာ့ဘောင်မှာ ၃ ရက်အကြာ တရားအားထုတ်သွားမယ်လို့ သိရပါတယ်။ သူ့ရဲ့ ဘွဲ့နာမည်ကတော့ ဉူးသောဝိဏ ဖြစ်ပါတယ်။

အဆိုတော် ဟိန်းမင်းသူကတော့ ဇူလိုင်လ ၇ ရက်နေ့က စပြီး သာသနာ့ဘောင်ထဲဝင်ရောက်ခဲ့ပါတယ်။ သူဟာ သရက်တောကျောင်းတိုက်မှာ ၃ ရက်တာ သင်္ကန်းဝတ်မယ်လို့ သိရပါတယ်။

‘’လူနတ်ဗြဟ္မာသတ္တဝါချမ်းသာကိုယ်စိတ်မြဲပါစေ။ ‘’ဉူးသောဝိဏ’’ ဆိုပြီးတော့ သူ့ရဲ့ ဖေ့စ်ဘွတ်စာမျက်နှာပေါ်မှာ ဇူလိုင်လ ၇ ရက်နေ့ ညနေ ၄ နာရီကျော်ကရေးသားထားတာဖြစ်ပါတယ်။ အဲဒီနောက် ရွှေတိဂုံဘုရားကို သွားရောက်ဖူးမျှော်ခဲ့တဲ့ အမှတ်တရ ဓာတ်ပုံတွေကိုလည်း တင်ခဲ့တာ တွေ့ရပါတယ်။ လူပြန်ထွက်လာရင်လည်း ဂီတအလုပ်တွေ ဆက်လက် လုပ်ဆောင်သွားမယ်လို့ ဆိုပါတယ်။

ဟိန်းမင်းသူကိုတော့ အဆိုတော် တစ်ယောက်အဖြစ် ပရိသတ်တွေ စတင်သိရှိခဲ့ကြတာပါ။ Silent ဆိုတဲ့ တစ်ကိုယ်တော်အခွေလည်း ထွက်ရှိထားတာဖြစ်ပါတယ်။ အဲဒီနောက် သူကိုယ်တိုင်ရေးပြီး သူကိုယ်တိုင်သီဆိုထားတဲ့ သီချင်းအသစ်တွေကိုလည်း လူမှုကွန်ယက် စာမျက်နှာပေါ် မှာမိတ်ဆက်ပေးလေ့ရှိပါတယ်။ ဟိန်းမင်းသူဟာ အနုပညာနဲ့ ပတ်သက်လာရင် ဂီတကိုသာမက သရုပ်ဆောင်အလုပ်ကိုပါ ဝါသနာကြီးတာ တွေ့ရပါတယ်။

Photo: Han Myat Thaw

ဟိန်းမင်းသူကတော့ မိန်းကလေးပရိသတ်တွေအားပေးမှု အများကြီးပိုင်ဆိုင်ထားတဲ့ လူငယ်အနုပညာရှင်တစ်ယောက် ဖြစ်ပါတယ်။ ဂီတဘက်မှာလည်း အောင်မြင်ဖို့ ကြိုးစားနေတဲ့ ဟိန်းမင်းသူကတော့ MRTV-4 ရုပ်သံလိုင်းက ထုတ်လွှင့်ခဲ့တဲ့ "အရိပ်" ဇာတ်လမ်းတွဲမှာလည်း ဆေးကျောင်းသား စိုင်းမင်းဆွေဆိုတဲ့ ကောင်လေးတစ်ယောက်အဖြစ် ပါဝင်သရုပ်ဆောင်ထားတယ်လို့ ဆိုပါတယ်။။ နောက်ထပ်လည်း "ပျားရည်အိုင်"ဇာတ်လမ်းတွဲမှာလည်း ပါဝင်သရုပ်ဆောင်ထားပါသေးတယ်။