သူရိယကတော့ အခုဆိုရင် သာသနာ့ဘောင်ထဲ ဝင်ရောက်သွားပြီဖြစ်ပါတယ်။ ဘွဲ့နာမည်ကတော့ ‘’နာယက’’ဖြစ်ပါတယ်တဲ့။ 

သရုပ်ဆောင် သူရိယကတော့ အခုဆိုရင် သာသနာ့ဘောင်ထဲဝင်ရောက်နေတာကို တွေ့ရပါတယ်။ သာသနာ့ဘောင်ထဲကိုတော့ နိုဝင်ဘာလ ၅ ရက်နေ့ကတည်းက ဝင်ခဲ့တာပါ။ သူ့ရဲ့ ဘွဲ့ နာမည်ကတော့ ဥူးဇင်း ‘’နာယက’’ ဖြစ်တယ်ဆိုပြီးတော့ နိုဝင်ဘာလ ၅ ရက်နေ့ ညနေ ၆ နာရီကျော်က သူရိယရဲ့ ဖေ့ဘွတ်ပေ့ချ်မှာ ရေးသားခဲ့တာပါ။ ဘယ်ကျောင်းတိုက်မှာ သင်္ကန်းဝတ်တယ် ဆိုတာကိုတော့ သူရိယက ပရိသတ်တွေကို အသိပေးထားတာမျိုးမရှိသလို ဘယ်နှရက်ဝတ်မယ်ဆိုတာလည်း မပြောပြထားပါဘူး။

Photo: Thu Ri Ya

Photo: Thu Ri Ya

သူရိယရဲ့ အနုပညာသက်တမ်းကလည်း ၁၀ စုနှစ် ၂ ခုလောက် ကျော်လာပြီဖြစ်ပါတယ်။ လက်ရှိမှာလည်း ရုပ်ရှင်ဇာတ်ကားကြီးတွေ ရိုက်ကူးနေရသူတစ်ယောက်ပါ။ သူဟာ ၂ နှစ်ကျော်ကြာ တွဲခဲ့တဲ့ ချစ်သူဖြစ်တဲ့ ဆုအိမ့်စံနဲ့ ၂၀၁၉ ခုနှစ် ဖေဖော်ဝါရီလ ၁၄ ရက်နေ့မှာ စေ့စပ်ပွဲ ပြုလုပ်ခဲ့ပါတယ်။ လက်ရှိမှာတော့ နှစ်ဦးသဘောတူ ပြန်လည် ဖျက်သိမ်းလိုက်ပြီလို့လည်း မီဒီယာ အင်တာဗျူးတွေမှာ ဖြေဆိုခဲ့ပါတယ်။ ဒီလို ဖျက်သိမ်းမှုကလည်း သူရိယရဲ့ တစ်ဖက်သက်ဖျက်သိမ်းမှုဖြစ်တာကြောင့် တရားဥပဒေအရ ဆောင်ရွက်သွားမယ်လို့လည်း ဆုအိမ့်စံက မီဒီယာ အင်တာဗျူးတွေမှာ ဖြေဆိုထားပြီးဖြစ်ပါတယ်။