Sabal Thwin

နေထူးနိုင်က လူတစ်ယောက် ပစ္စည်းဥစ္စာချမ်းသာမှုထပ် အသက်ရှင်ဖို့ အောက်ဆီဂျင်က ပိုလိုအပ်တယ်ဆိုတဲ့ ရည်ရွယ်ချက်နဲ့ သစ်ပင်စိုက်ကြတယ်လို့ ဆိုပါတယ်။ ပေါ်ပင်ဟုတ်တယ် မဟုတ်ဘူးဆိုတာကိုတော့ ပရိသတ်တွေ သိလာမယ်လို့ ပြောပါတယ်။

နေထူးနိုင်ဟာ လူတိုင်းရဲ့ လိုအပ်တဲ့အရာတစ်ခုုဖြစ်တဲ့ အောက်ဆီဂျင်ရဖို့ ရည်ရွယ်ချက်နဲ့ သစ်ပင်စိုက်တဲ့ အရာလေးကို လုပ်ဖြစ်တယ်လို့ ဆိုပါတယ်။ လူတစ်ယောက်က ဥစ္စာပစ္စည်း ချမ်းသာမှုထက် အောက်ဆီဂျင်က ပိုလိုအပ်တယ်လို့ Duwun media ကနေ ပြောပြခဲ့ပါတယ်။

‘’ သစ်ပင်စိုက်တာက ကျွန်တော့် အိပ်မက်ရဲ့ နိဒါန်းလေးပေါ့။ အဲဒီမှာ အမှတ်တရဖြစ်အောင် ‘’အိပ်မက်ရဲ့ နိဒါန်း’’ ဆိုပြီးတော့ ဇာတ်ကား စရိုက်တယ်။ အဲဒီမှာ ဇာတ်ညွှန်းဆရာက ဘာထပ်ပြောလဲဆိုတော့ လူတစ်ယောက် ချမ်းသာကြွယ်ဝတယ် ပစ္စည်း၊ ရွှေ၊ ငွေဆိုတာ လူတစ်ယောက်ရဲ့ ဂုဏ်ဒြပ်ကိုပဲ ပြတာ။ ဘယ်လောက်ပဲ ဆင်းရဲချမ်းသာနေပါစေ။ လိုအပ်နေတာက အောက်ဆီဂျင်၊ အဲဒီအောက်ဆီဂျင်ရှိမှ လူသားတွေက ရှင်သန်မယ်။ ဒီ့အတွက် အောက်ဆီဂျင်ရအောင် သစ်ပင်စိုက်မယ် ဆိုတဲ့ ရည်ရွယ်ချက်နဲ့ သစ်ပင်စိုက်ပါမယ်’’ လို့ သူကဆိုပါတယ်။

နောက်တစ်ချိန်မှာ သစ်ပင်တစ်ပင်ကနေ လူသားတွေအတွက် အကျိုးပြုစေမယ့် အရာတွေကြောင့် သစ်ပင်စိုက်ဖြစ်တယ်လို့ နေထူးနိုင်က ပြောပါတယ်။

‘’ သစ်ပင်စိုက်ချင်တဲ့ စိတ်က နောင်တစ်ချိန်မှာ ဒီသစ်ပင်က လိုကို လိုအပ်တယ်။ မိုးမရွာတော့ သစ်ပင်မဖြစ်ဘူး။ သစ်ပင်မရှိတော့ မိုးမရွာဘူးဆိုတာကြီးကို လူတွေအကုန်လုံးက စောင့်နေကြတဲ့အချိန်မှာ သစ်ပင်ရအောင်စိုက်မယ်။ အဲဒါဆိုရင် မိုးရွာလာမှာပဲ ဆိုတဲ့ ဆုံးဖြတ်ချက်နဲ့ အတတ်နိုင်ဆုံး ကြိုးစားသွားမှာပါ’’ လို့ သူကဆိုပါတယ်။

Photo: Nay Htoo Naing

အဲဒီနောက် ပရဟိတလုပ်ငန်းတွေအပေါ် ပေါ်ပင်လိုက်လုပ်တယ်လို့ ဆိုလာတဲ့ ဝေဖန်ကြသူတွေကိုလည်း နေထူးနိုင်က အခုလို ပြောပြခဲ့ပါသေးတယ်။

‘’လိုအပ်တဲ့နေရာမှာ လိုအပ်သလို အရောင်မပါတဲ့ မည်သည့်လုပ်ငန်းမဆို ကျွန်တော်တက်နိုင်သလောက် ပရဟိတ လုပ်ငန်းတွေ လုပ်သွားမှာပါ။ ပေါ်ပင်လုပ်တာလား၊ ပေါ်ပင်မလုပ်ဘူးလား ဆိုတာကိုတော့ အချိန်က စကားပြောသွားမှာပေါ့။ သေချာတာကတော့ နေထူးနိုင်ဆိုတာ ဒါကို စိုက်မှ နေထူးနိုင်ဆိုတာကို သိတာ မဟုတ်ပါဘူး’’ ဆိုပြီးတော့ ဇွန်လ ၁၈ ရက်နေ့က ချောက်မြို့မှာ ပြုလုပ်တဲ့ သစ်ပင်စိုက်ပွဲတော်မှာ ဖြေဆိုခဲ့တာပါ။

photo: Nay HtooNaing

နေထူးနိုင်ကိုတော့ ပရိသတ်တွေက အက်ရှင်မင်းသားတစ်ယောက်အဖြစ် စတင်သိရှိလာခဲ့ကြတာပါ။ လက်ရှိမှာလည်း အက်ရှင်ဇာတ်ကားတွေ ရိုက်ကူးနေတာ တွေ့ရပါတယ်။ သူဟာ အနုပညာနဲ့ ပတ်သက်ပြီး ဇာတ်ကားတွေလည်း ရိုက်ကူးနေတာဖြစ်သလို မြန်မာနိုင်ငံရုပ်ရှင်အစည်းအရုံးရဲ့ ဗီဒီယို အဖွဲ့မှာလည်း အတွင်းရေးမှူးတစ်ယောက်အဖြစ် တာဝန်ယူဆောင်ရွက်နေတာဖြစ်ပါတယ်။


ဆက်စပ်အကြောင်းအရာများ


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က