Sabal Thwin

ရွှေထူးက နောက်ထပ်ရိုက်ကူးမယ့် ရုပ်ရှင်ဇာတ်ကားအတွက် Gym ကိုမနားတမ်းဆော့နေရတယ်လို့ ဆိုပါတယ်။ ဒါပေမယ့် ဇနီးချောလေးရဲ့ ဟင်းချက်လက်ရာတွေကြောင့် အစားတော့ မလျှော့နိုင်ဘူးလို့ပြောပါတယ်။

Photo: Htoo Khant

ရွှေထူးက မကြာခင်ရိုက်ကူးတော့မယ့် ‘’စစ်ကား’’ ရုပ်ရှင်ဇာတ်ကားကြီးအတွက် ခန္ဓာကိုယ်အပိုင်းအတွက် Gym ဆော့နေတယ်လို့ပြောပါတယ်။ ဇာတ်ကားနဲ့ ကိုက်ညီတဲ့ ခန္ဓာကိုယ်ရဖို့ ကြိုးစားနေတယ်လို့ မီဒီယာအင်တာဗျူးတွေမှာ ဖြေဆိုခဲ့ပါတယ်။

‘’သူငယ်ချင်းတွေနဲ့ ဆော့ပေမယ့်လည်း Gym က အစားလည်း ဆင်ခြင်ရသေးတယ် လေ။ အအိပ်ကလည်း မှန်ရသေးတယ်။ သူငယ်ချင်းတွေနဲ့ နေတုန်းက ညဘက် ဂိမ်းဆော့နဲ့ဆိုတော့ ကြွက်သားကလည်း ဖြစ်ထွန်းချင်သလောက် မဖြစ်ထွန်းဘူး။ အစားလည်း မလျှော့နိုင်တော့ ဆက်မဆော့ဖြစ်ဘူးပေါ့နော်။ အခုက စစ်ကားဆိုတော့လည်း စစ်ကားရိုက်ရမယ်ဆိုတော့ ဗိုက်က ပူလို့မဖြစ်ဘူးလေ။ အဲဒါကြောင့် ဆော့ဖြစ်တာပါ’’ ဆိုပြီးတော့ ဇူလိုင်၂ ရက်နေ့က media 7 နဲ့ စာချုပ်ချုပ်ဆိုခြင်းအခမ်းအနားကို တက်ရောက်ရင်း ဖြေဆိုခဲ့တာပါ။

Photo: 7 Sense

Gym လည်းဆော့သေး၊ ထမင်းလည်း မဖြစ်မနေ စားကို စားရမှ ကျေနပ်တဲ့ ရွှေထူးကတော့ 6 Pack အထိ ထွက်ဖို့ မဖြစ်နိုင်လောက်ဘူးဆိုပြီးတော့ ရယ်ရယ်မောမောနဲ့ ပြောပြထားပါသေးတယ်။

‘’ Target ကတော့ 6 Pack အထိပေ့ါနော်။ ဒါပေမယ့် 4 Pack ရရ၊ 2 Pack ရရ ရသလောက်အထိတော့ သွားမှာပဲ။ ဘာဖြစ်လို့လဲဆိုတော့ အစားအသောက်က လျှော့ရမှာပဲလေ။ ထူးအောင်တို့ကလည်း အစားလျှော့ဖို့ပြောတယ် ဒါပေမယ့် ကျွန်တော်က မရဘူး ထမင်းက ကြိုက်တာကိုး။ ထမင်းမစားရရင်ကို စိတ်က သိပ်မမှန်ဘူး။ အများကြီးတော့ မမျှော်လင့်ပါဘူး 2 Pack လောက်ရရင် ကျေနပ်ပါပြီ’’ လို့ သူကပြောပါတယ်။

Photo: 7 Sense

ကာရိုက်တာအတွက် Gym အရမ်းဆော့နေရတာဖြစ်ပေမယ့် ချစ်ဇနီးချောလေးရဲ့ ဟင်းချက်လက်ရာကြောင့် မစားပဲ မနေနိုင်ဘူးလို့ ရွှေထူးက ပြောပါတယ်။

‘’အမျိုးသမီးကတော့ စားစေချင်လို့ ဟင်းတွေဘာတွေ ချက်ကျွေးတယ်။ ကိုယ်က အဆီမစားဘူးဆိုပေမယ့် အမျိုးသမီးက ချက်တော့လည်း စားရတာပေါ့လေ။ တစ်နေ့ကို ၅ နပ်၊ ၆ နပ်ကတော့ ပုံမှန်ပါပဲ။ ထူးအောင် ဆော့သလိုတော့ လိုက်ဆော့ကြည့်တာပဲ ဒါပေမယ့် ကျွန်တော်တို့ လျှာထွက်တာပဲ။ ထူးအောင်တို့ကလည်း ကျွန်တော့်ကို သေသေချာချာ လေ့ကျင့်သင်ကြားပေးပါတယ်’’ လို့ သူကဆိုပါတယ်။

ရွှေထူးကိုတော့ ပရိသတ်တွေက အဆိုတော်တစ်ယောက်အဖြစ် အရင်ဆုံး အားပေးခဲ့ကြတာဖြစ်ပါတယ်။ တစ်ကိုယ်တော် အခွေ ၂ ခွေ ထွက်ရှိပြီးခဲ့ပါပြီ။ သရုပ်ဆောင်အပိုင်းနဲ့ ပတ်သက်လို့လည်း သူကိုယ်တိုင် ပါဝင်သရုပ်ဆောင်ထားတဲ့ ရုပ်ရှင်ဇာတ်ကားကြီးတွေက ပရိသတ်အရှေ့ကို ရောက်ရှိခဲ့ပြီးဖြစ်ပါတယ်။ မကြာခင် ရုံတင်ပြတော့မယ့် “ဒဏ္ဍာရီမိုး’’ ရုပ်ရှင်ဇာတ်ကားမှာလည်း စာရေးဆရာ မိုးတိမ်ညို ဆိုတဲ့ ဇာတ်ကောင်နဲ့ ပါဝင်သရုပ်ဆောင်ထားတာ တွေ့ရမှာပါ။


ဆက်စပ်အကြောင်းအရာများ


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က