ဘယ်ဘက် မျက်စိဆိုရင် လုံးဝ မကောင်းတော့ပါဘူး။

အနုပညာအလုပ်တွေနဲ့ အလှမ်းဝေးနေပြီဖြစ်တဲ့ လူရွှင်တော်ကြီး ချစ်စရာကတော့ သူ့ရဲ့ လက်ရှိကျန်းမာရေး အခြေအနေကို ဖွင့်ဟပြောပြလာပါတယ်။ 

ဟာသလူရွှင်တော်ကြီး ချစ်စရာကတော့ အနုပညာအလုပ်တွေနဲ့ ဝေးကွာခဲ့တာ တော်တော်ကြာနေပါပြီ။ လက်ရှိမှာလည်း ဆီးချိုရောဂါကို ခံစားနေရပါတယ်တဲ့။ လက်ရှိ သူ့ရဲ့ ကျန်းမာရေး အခြေအနေကို Duwun ကနေ ပြောပြလာပါတယ်။ 



" ကျန်းမာရေး အခြေအနေကတော့ ဆီးချိုက အနှစ်(၂၀) ကျော်သွားပြီ။ ပြီးတော့ ဘယ်ဘက် မျက်လုံးက ကွယ်သွားပြီ။ ညာဘက် မျက်လုံးက ၃ ပုံ ၊ ၁ ပုံပဲ ကောင်းတော့တယ်။ ဆီးချိုရောဂါကြောင့် ဘာတွေ ဆက်ဖြစ်နိုင်သေးသလဲဆိုတော့ နှလုံး တို့၊ ကျောက်ကပ်တို့ ထိနိုင်တယ်။ ဒါပေမယ့် တော်ရုံ တန်ရုံ အမြင်လက္ခဏာတွေကတော့ သွားသွားလာလာ လုပ်နိုင်သေးတော့ နည်းနည်းကောင်းတယ်လို့ ယူဆရမှာပေါ့နော်" လို့ သူက ဆိုပါတယ်။ 

Photo: Chit Sayar

ဦးချစ်စရာ ဟာ အသက် (၇၂) နှစ်အရွယ်ရှိပြီဖြစ်ပါတယ်။ ကျန်းမာရေး အခြေအနေ ကောင်းတဲ့သူ မဟုတ်ပေမယ့် သွားနိုင် လာနိုင်လောက်တဲ့ အခြေအနေ ရှိနေပါသေးတယ်လို့ ဆက်လက် ပြောပြလာပါတယ်။ 

" ဆီးချိုရောဂါရဲ့ ဖိစီးမှု ဒဏ်ကတော့ ဆိုးမလား၊ ကောင်းသလားလည်း တိတိကျကျပြောပြလို့မရဘူး။ ရောဂါရဲ့ နောက်ဆက်တွဲတွေကိုလည်း ဖြစ်လာမှ ဆရာဝန်ကို သွားပြရင် သိမှာပေါ့နော်။ ကျန်းမာရေးကလည်း အရမ်းကြီး ကောင်းနေတဲ့လူတော့ မဟုတ်ပါဘူး။ အခုကတော့ အသက်(၇၂) နှစ်ရှိပြီ။ "ဆိုပြီးတော့ ရုပ်ရှင်အစည်းအရုံး သက်ကြီး ပူဇော်ပွဲမှာ ဖြေဆိုခဲ့တာပါ။ 

Photo: Chit Sayar

ဦးချစ်စရာက အနုပညာလောကထဲကို လူရွှင်တော် တစ်ယောက်အဖြစ် စတင်ဝင်ရောက်လာခဲ့တာ ဖြစ်ပါတယ်။ အရပ်ပုပု ၊ လူကောင်သေးသေး ၊ အသံစူးစူး လေးတွေကတော့ ဦးချစ်စရာကို ပရိသတ်တွေ သတိထားမိစေခဲ့တဲ့ အားသာချက်ဖြစ်ပါတယ်။ အဲဒီနောက် TV ကြော်ငြာတွေ ရိုက်ကူးလာခဲ့ရသူဖြစ်ပြီး ဗီဒီယို ဇာတ်ကား များစွာတို့မှာလည်း ပါဝင်သရုပ်ဆောင်ခဲ့ရသည်အထိ ပရိသတ် အခိုင်အမာ ရရှိခဲ့တဲ့ ဝါရင့် အနုပညာရှင် ဖြစ်ပါတယ်။ အခုချိန်မှာတော့ သူ့ရဲ့ အနုပညာသက်တမ်းဟာ နှစ်ပေါင်း(၃၀) ကျော်ရှိခဲ့ပါပြီ။ 




ဆက်စပ်အကြောင်းအရာများ

Share

Loading Next Article...
က္က