loading...

loading...

loading...

သူမရဲ့ မိခင်ကလည်း သမီးရဲ့ လိမ္မာမှုတွေအပေါ် ဂုဏ်ယူနေသူပါ။
Sabal Thwin

နွေးနွေးချစ်ဖွယ်ဟာ မိခင်ဖြစ်သူရဲ့ ဆုံးမသွန်သင်မှုအောက်မှာ လိမ္မာတဲ့ သမီးတစ်ယောက်ဖြစ်အောင်နေထိုင်တယ်လို့ ဆိုပါတယ်။ သူမဟာ ဖခင်အပေါ်မှာလည်း သမီးတစ်ယောက်ရဲ့တာဝန်ကျေပွန်တဲ့အတွက် မိခင်ကလည်း ကျေနပ်ပီတိဖြစ်ရတယ်လို့ ပြောပါတယ်။ 

အဆိုတော် နွေးနွေးချစ်ဖွယ်ဟာ ဖခင်ဖြစ်သူ မြို့တော်ချစ်ဖွယ်နဲ့အတူ ဖခင်ရဲ့နောက်ထပ် ဇနီးတစ်ယောက်ကိုပါလုပ်ကျွေးပြုစုနေရတယ်လို့ Duwun Media အင်တာဗျူးမှာဖြေဆိုခဲ့ဖူးပါတယ်။ ဒီအကြောင်းအရာအပေါ် မိခင်အရင်းဖြစ်သူက အခုလို ရင်ဖွင့်ပြောပြခဲ့ပါတယ်။ 

“ တစ်ယောက်နဲ့ တစ်ယောက်က လူ့ဘဝကြီးကို ရောက်လာပြီဆိုရင် မေတ္တာတရားက အရေးကြီးဆုံးပဲလေ။ သမီးလေးကိုတော့ ကိုယ်တတ်နိုင်သလောက် စောင့်ရှောက်မယ်။ သမီးလေး အခုလို လုပ်နေတာကိုလည်း ကျေနပ်တယ်။ ဝမ်းလည်း ဝမ်းသာတယ်။ အရင်တုန်းကတော့ ဒီလုပ်ရပ်ကြီးကို မဖြစ်သင့်ဘူးပေါ့နော်။ အခုချိန်မှာတော့ မပြောတော့ဘူး မိဘကို ပြောရင်လည်း ငရဲကြီးတယ်လေ” လို့ သူကဆိုပါတယ်။ 

နွေးနွေးချစ်ဖွယ် က လက်ရှိမှာ မိခင်ဖြစ်သူနဲ့အတူ နေထိုင်တာဖြစ်ပါတယ်။ မိခင်ဖြစ်သူရဲ့ စိတ်နေ စိတ်ထားက သူမအတွက် အတုယူစရာတွေချည်းပဲလို့ ဆိုပါတယ်။ 

“ အမေကတော့ အမြဲတမ်း ဆုံးမပေးပါတယ်။ အဖေ့ကို ပေးလို့၊ ကျွေးလို့လည်း သူမပြောသလို နွေးရှာတဲ့ပိုက်ဆံဖြစ်လို့ နွေးပေးချင်တဲ့သူကို ပေးပိုင်ခွင့်ရှိတယ်။ အဓိကကတော့ မေမေ နားလည်ပေးလို့ပေါ့နော်။ မေမေကတော့ ဘာမှကိုမပြောတော့ဘူး။ ငါ့သမီးလေးရှာတဲ့ ပိုက်ဆံ င့ါသမီးလေး လှူတယ်လို့ တွေးပြီးတော့နေတယ်"ဆိုပြီးတော့ ဇန်နဝါရီလ ၁၂ ရက်နေ့က သူမရဲ့ မွေးနေ့ အလှူမှာ ဖြေဆိုခဲ့တာပါ။ 

Photo: Nway Nway Chit Phwal

အနုပညာအလုပ်တွေလည်းလုပ်၊ မိဘကိုလည်း ဂရုစိုက်ခွင့်ရတဲ့ အခြေအနေကတော့ အေးချမ်းတယ်လို့ နွေးနွေးချစ်ဖွယ်က ပြောပါတယ်။ ဘာသာရေးအလုပ်တွေကိုလည်း အဓိက ဦးစားပေး လုပ်ဆောင်သွားမှာပါတဲ့။ 

“ တစ်ခါတလေကျတော့လည်း လောကဓံကို ရင်ဆိုင်ရမှာပဲလေ။ မွေးတုန်းကလည်း တစ်ယောက်တည်းပဲ။ ဖြစ်နေတဲ့ဘဝမှာ အကောင်းဆုံးရင်ဆိုင်ရပ်တည်ရမယ်။ ကိုယ့်ကြောင့် ပတ်ဝန်းကျင် စိတ်အနှော က်အယှက်မဖြစ်ဘူး ပျော်ပျော်ရွှင်ရွှင်ဖြစ်နေတယ်ဆိုရင် နေရင်းထိုင်ရင်း ကုသိုလ်ရနေတာပဲလေ” လို့ သူကပြောပါတယ်။ 

နွေးနွေးချစ်ဖွယ်ကိုတော့ ၂၀၀၀ ခုနှစ်ကာလ က ထွက်ရှိခဲ့တဲ့ စုံတွဲ သီချင်းအခွေတွေကနေတဆင့် ပရိသတ်တွေ စတင်သိရှိလာတာဖြစ်ပါတယ်။ အဲဒီနောက် နာမည်ကျော်လူရွှင်တော် တစ်ဦးဖြစ်တဲ့ မြို့တော် ချစ်ဖွယ်ရဲ့ သမီးဖြစ်တယ်လို့ သိလိုက်ရချိန်မှာ ပရိသတ်တွေ ပိုအားပေးလာကြတာ တွေ့ရပါတယ်။ အချစ်သီချင်းတော်တော်များများကိုလည်း သီဆိုခဲ့ထားတာ တွေ့ရပါတယ်။ သူမရဲ့ ဂီတ သက်တမ်းကတော့ ၁၀ စုနှစ်အကြာရှိပြီဖြစ်ပါတယ်။




ဆက်စပ်အကြောင်းအရာများ


loading...

က္က