စမိုင်းလ်ကတော့ သမီးကြီး Portia Maung (ခ) ဆုနဒီ ရဲ့ အသက် ၁၅ နှစ်ပြည့် မွေးနေ့မှာ လူအယောက် ၁၀၀၀ စာ စတုဒီသာအလှူအတန်းတွေ လုပ်နေတာ တွေ့ရပါတယ်။

Portia Maung ဟာ မိခင်ဖြစ်သူ သရုပ်ဆောင်စမိုင်းလ် လိုပဲအနုပညာအလုပ်တွေ ဆောင်ရွက်နေပြီဖြစ်ပါတယ်။ စမိုင်းလ်ကို ချစ်ကြတဲ့ ပရိသတ်တွေကလည်း သမီးလေးရဲ့ အနုပညာအလုပ်တွေကို အားပေး လာတာ တွေ့ရပါတယ်။ သူဟာ အနုပညာမျိုးရိုးက ဆင်းသက်လာသူ တစ်ဦးဆိုလည်း မမှားပါဘူး။ Portia Maung ရဲ့ အဘွားဖြစ်သူကတော့ ဝါရင့်သရုပ်ဆောင်ကြီး အကယ်ဒမီ ဒေါ်ခင်လေးဆွေဖြစ်ပါတယ်။ Portia Maung ဟာ သရုပ်ဆောင် စမိုင်းလ်ရဲ့ ရင်သွေးလေး နှစ်ဦးထဲက သမီးကြီးဖြစ်ပါတယ်။ သမီးငယ်လေးကတော့ ဆုရတီ တို့ ခေါ်ပါတယ်။

သရုပ်ဆောင်စမိုင်းလ်တို့ မိသားစုကိုတော့ အားမကျတဲ့ ပရိသတ်မရှိသလောက်ပါပဲ။ စမိုင်းလ်ဟာ ခင်ပွန်းကောင်းကိုလည်း ပိုင်ဆိုင်ထားသူဖြစ်သလို၊ အရမ်းလိမ္မာတဲ့ သမီးလေး နှစ်ယောက်ကို လည်း ပိုင်ဆိုင်ထားတာဖြစ်ပါတယ်။ လက်ရှိမှာတော့ သူမဟာ စမိုင်းလ် ရုပ်ရှင်ထုတ်လုပ်ရေး ကိုပါ ဦးဆောင်နေသလို ပရိသတ်နဲ့ အဆက်အသွယ်မပြတ်ဖို့ သရုပ်ဆောင် အလုပ်တွေပါ ပြန်လုပ်နေပြီလို့ သိရပါတယ်။ အဲ့ဒီနောက် အလှူအတန်းတွေလည်း မကြာခဏဆိုသလို ဆောင်ရွက် နေတာကို တွေ့ရပါတယ်။ လက်ရှိမှာတော့ သူချစ်ရတဲ့ ခင်ပွန်းရယ်၊ သမီးလေး နှစ်ယောက်ရယ် နဲ့ပျော်ရွှင်စရာ မိသားစုဘဝလေးကို ပိုင်ဆိုင်ထားသူပါ။