''ရှေ့သွားနောက်လိုက်''ရုပ်ရှင်ကားကြီးအကြောင်းပြောလာတာပါ။

ဒါရိုက်တာစတီးလ်(ဒွေးမေတ္တာ) ဟာ မိုးရုပ်ရှင်ထုတ်လုပ်ရေးက ထုတ်လုပ်လိုက်တဲ့ရုပ်ရှင်ကားကြီးက လူငယ်တွေကြားမှာ ထင်သလောက် မအောင်မြင်ခဲ့တာကြောင့် မိုးဟေကို နဲ့တောင် မျက်နှာချင်းမဆိုင်ရဲလောက်အောင် အားနာမိတယ်လို့ ဆိုပါတယ်။

Photo: Streel



ဒါရိုက်တာ စတီးလ်(ဒွေးမေတ္တာ) ကတော့ မကြာခင်က ရုံတင်ပြသခဲ့ပြီးတဲ့ ‘’ရှေ့သွားနောက်လိုက်’’ ရုပ်ရှင်ကားကြီးကြောင့် မိုးဟေကို ကိုမျက်နှာချင်းတောင်မဆိုင်ရဲလောက်အောင်ပဲလို့ဆိုပါတယ်။ စိတ်မကောင်းလည်းဖြစ်ရတယ်လို့ Duwun Media ကနေ ပြောပြခဲ့ပါတယ်။

‘’ လူငယ်တွေက ရုပ်ရှင်ရုံကို လာကိုမလာဘူး။ တော်တော်အံ့သြစရာကောင်းတယ်။ မိုးဟေကိုနဲ့ မျက်နှာချင်းတောင်မဆိုင်ရဲဘူး။ သူကလည်း စိတ်မကောင်းဖြစ်တာပေါ့နော်။ ပိုက်ဆံကိုမဟုတ်ပဲ လူငယ်တွေအတွက် အရမ်းမျှော်လင့်ထားရှာတာ။ ဒါပေမယ့် ဘယ်လိုပဲပြောပြော အလုပ်တစ်ခု လုပ်လိုက်တဲ့အချိန်မှာ အရှုံးနဲ့ ရင်ဆိုင်ရတာကြောင့် စိတ်တော့ မကောင်းဘူးဖြစ်သွားတာပေါ့။ ’’ လို့ သူကဆိုပါတယ်။

Photo: Moe Hay Ko

ဒီဇာတ်ကားရုံတင်ပြီးတဲ့နောက်မှာလည်း နောင်တရသွားခဲ့တယ်လို့ ဒါရိုက်တာ စတီးလ်(ဒွေးမေတ္တာ) က ပြောပါတယ်။

‘’ လူငယ်ပရိသတ်တွေက ဒရာမာကို မကြိုက်ကြဘူး။ မငိုချင်ကြဘူးလို့တော့ ကျွန်တော်ထင်တယ်။ သူတို့က ပျော်မယ်၊ ပါးမယ်။ အဓိက က ရုပ်ရှင်ကြည့်တာ လူငယ်တွေပဲကြည့်တာလေ လူငယ်တွေကို အားကိုးပြီး သွားရမှာဆိုတော့ ကိုယ်က နောင်တရလိုက်တာက နောက်ကို ဒရာမာမရိုက်နဲ့တော့ ဆိုတဲ့ နောင်တ တော့ ရသွားတာပေါ့’’ ဆိုပြီးတော့ အောက်တိုဘာလ ၁ ရက်နေ့က အမျှ.. အမျှ.. ရုပ်ရှင်ဇာတ်ကားကြီး အထူးပြပွဲကို တက်ရောက်ရင်း ဖြေဆိုခဲ့တာပါ။

Photo: Streel

‘’ရှေ့သွားနောက်လိုက်’’ရုပ်ရှင်ဇာတ်ကားကြီးဟာ သားသမီးနဲ့ မိဘတွေကြားက မေတ္တာတရားတွေ၊ သံယောဇဉ်တွေကို ဖော်ကျူးထားတဲ့ ရုပ်ရှင်ကားကြီးဖြစ်ပါတယ်။ ဒီဇာတ်ကားကနေ ပေးချင်တဲ့ သင်ခန်းစာက လူငယ်တွေအတွက် အဓိက ကျတယ်လို့ ဆိုပါတယ်။

‘’ အဲဒါကတော့ ပရိသတ်တွေရဲ့ Feedback က တအားကောင်းတယ်။ ဒါပေမယ့် အဲဒီအရာတွေက လူကြီးပိုင်းတွေပဲဖြစ်နေတယ်။ လူငယ်တွေဆီက Feedback မလာဘူး။ သူတို့ စိတ်မဝင်စားတဲ့ သဘောရှိတယ်။ ကျွန်တော်ကလည်း အဲဒါကို စိုးရိမ်တာပါ။ မိဘနဲ့ သားသမီးကြားမှာ ချစ်ခြင်းမေတ္တာတရားကတော့ ရှိတာပေါ့။ ကျွန်တော်ပေးချင်တဲ့ သဘောတရားက သားသမီးတွေ အိမ်ထောင်ကျပြီးရင် မိဘတွေနဲ့ တဖြည်းဖြည်းဝေးသွားမှာလေ။ ဒါလေးကို သင်ခန်းစာပေးချင်တဲ့ သဘောပါ’’ လို့ ဆိုပါတယ်။

Photo: Streel

ဒါရိုက်တာ စတီးလ်(ဒွေးမေတ္တာ) ဟာ ‘’ခိုးဆိုးလုနှိုက်’’ ဆိုတဲ့ ရုပ်ရှင်ဇာတ်ကားကြီးနဲ့ အောင်မြင်လာတဲ့ ဒါရိုက်တာတစ်ယောက်ပါ။ အဲဒီနောက်မှာပေါ့ သဘာဝဆန်ဆန် အက်ရှင်ဇာတ်ကား၊ မိသားစုဘဝအကြောင်း ပညာပေးဇာတ်ကားတွေ အကြောင်း ရိုက်ကူးခဲ့ပါတယ်။ အနုပညာလောကထဲကိုတော့ သရုပ်ဆောင် အကယ်ဒမီ ဒွေး ရဲ့ မန်နေဂျာ တစ်ယောက်အဖြစ် စတင်ခဲ့ခြင်းဖြစ်တယ်လို့ မီဒီယာ အင်တာဗျူးတွေမှာ ဖြေဆိုထားဖူးပါတယ်။




ဆက်စပ်အကြောင်းအရာများ

Share

Loading Next Article...
က္က