အဆိုတော် ဖိုးသောကြာက အတည်ပြုပြောပြခဲ့တာပါ။
Sabal Thwin

ရန်ပိုင်စိုးကတော့ ဒီနေ့ ( အောက်တိုဘာလ ၂၁ ရက်) မှာ သူချစ်ရတဲ့ မိသားစု၊ ပရိသတ်တွေနဲ့ အနုပညာလောကကြီးကို ထာဝရနှုတ်ဆက်သွားခဲ့ပြီဖြစ်ပါတယ်။ 

Photo: Yan Paing Soe

သရုပ်ဆောင် တစ်ဦးလည်းဖြစ်၊ အဆိုတော် တစ်ယောက်လည်း ဖြစ်၊ အောင်မြင်တဲ့ အစီအစဉ်တင်ဆက်သူ တစ်ဦးလည်းဖြစ်ခဲ့တဲ့ အနုပညာရှင် ရန်ပိုင်စိုး ကတော့ အောက်တိုဘာလ(၂၁) ရက်နေ့မှာ ကွယ်လွန်သွားခဲ့ပြီဖြစ်ပါတယ်။ သူ ကွယ်လွန်သွားပြီဆိုတာကို အဆိုတော် ဖိုးသောကြာက Duwun ကို အတည်ပြု ပြောပြခဲ့ပါတယ်။ 

" ဦးရန်ပိုင်စိုး ကွယ်လွန်သွားတယ်ဆိုတာ သတင်းအမှန်ပါ။ တခြား အကြောင်းအရာတွေကတော့ အခုချိန်မှာ မိသားစုဝင်အရင်း မဟုတ်တဲ့ အတွက် ကျွန်တော် ဖြေဖို့ အခက်အခဲရှိပါတယ်" လို့ ဖြေဆိုခဲ့ပါတယ်။ 

Photo: Yan Paing Soe

အဲဒီနောက် သူ့ရဲ့ ဖေ့စ်ဘွတ်စာမျက်နှာပေါ်မှာလည်း ဒီနေ့ အောက်တိုဘာလ(၂၁) ရက်နေ့ နေ့လယ် (၁၁) နာရီကျော်က "ကျွန်တော်တို့ချစ်ရတဲ့ ဦးလေး ဦးရန်ပိုင်စိုး ၁၁:၁၁ မိနစ်မှာ ကျွန်တော်တို့ကို ခွဲခွာသွားပါပြီ။ ဦးလေး ကောင်းရာသုဂတိလားပါစေ" ဆိုပြီးတော့ လည်း ရေးသားထားပါသေးတယ်။ သူကွယ်လွန်သွားတဲ့ သတင်းကြောင့်လည်း အနုပညာလောကသားတွေ၊ ပရိသတ်တွေကလည်း စိတ်မကောင်းဖြစ်လို့နေပါတယ်။ သေဆုံးချိန်မှာတော့့ အသက်(၇၀) ရှိပြီလို့ သိရပါတယ်။

Photo: Yan Paing Soe

ရန်ပိုင်စိုးကတော့ သရုပ်ဆောင် တစ်ယောက်အဖြစ် ရုပ်ရှင်ဇာတ်ကား၊ ဗီဒီယို ဇာတ်ကားတွေလည်း ရိုက်ကူးခဲ့ဖူးသူဖြစ်ပါတယ်။ အဲဒီနောက် ဂီတလှုပ်ရှားမှု အနေနဲ့ "ဘဝတိုက်ပွဲ" ဆိုတဲ့ တေးသီချင်းအခွေလည်း ထွက်ရှိထားပါသေးတယ်။ အနုပညာအလုပ်တွေ သိပ်မလုပ်ဖြစ်တဲ့ အချိန်မှာ ရန်ပိုင်စိုးဟာ အစီအစဉ်တင်ဆက်သူ၊ မင်္ဂလာပွဲတွေမှာ ဘိတ်သိပ်ဆရာတစ်ဦးအဖြစ်လည်း ဆောင်ရွက်ခဲ့တာကို တွေ့ရပါတယ်။




Author


က္က