သမီးလေး စံထိပ်ထားဦးရဲ့ မွေးနေ့ အလှူလေးအပေါ် မိခင်ဖြစ်သူ သရုပ်ဆောင် ခိုင်သင်းကြည်က သူမရဲ့ ပီတိလေးကို အခုလို ပြောပြခဲ့ပါတယ်။ 

အကယ်ဒမီခိုင်သင်းကြည်နဲ့ ခင်ပွန်းဖြစ်သူ ကိုခန့်နိုင်တို့ရဲ့ တစ်ဦးတည်းသော သမီးလေး စံထိပ်ထားဦးကတော့ နိုဝင်ဘာလ (၂၆) ရက်နေ့ဆိုရင် အသက် (၁၈) နှစ်ပြည့်ပြီဖြစ်ပါတယ်။ ဒါကြောင့် မွေးနေ့မတိုင်ခင်မှာ ကုသိုလ်အလှူလေးတစ်ခုအနေနဲ့ မြောက်ဥက္ကလာမြို့နယ်မှာရှိတဲ့ ဝေဘာဂီအထူးကုဆေးရုံကြီးမှာ အလှူငွေကျပ်(၁၈) သိန်းလှူဒါန်းခဲ့ပါတယ်။ 

စံထိပ်ထားဦးရဲ့ မွေးနေ့အလှူလေးအတွက် မိခင်ဖြစ်တဲ့ ခိုင်သင်းကြည်ကလည်း ဝမ်းသာပီတိဖြစ်လို့နေပါတယ်။ 

Photo: Khine Thin Kyi

စံထိပ်ထားဦးရဲ့ မွေးနေ့အလှူလေးအတွက် သူမကိုချစ်တဲ့ ပရိသတ်တွေကလည်း သာဓုခေါ်ဆိုခဲ့ကြပါတယ်။ ဒါ့အပြင် မွေးနေ့အကြိုဆုတောင်းလေးတွေလည်း ပြောထားကြတာ တွေ့ရပါတယ်။ စံထိပ်ထားဦးဟာ လက်ရှိမှာ အနုပညာနဲ့ ပတ်သက်ပြီး မိခင်နဲ့အတူ ကြော်ငြာလေးတွေ ရိုက်ထားပါတယ်၊ သူတစ်ယောက်တည်း ရိုက်ထားတဲ့ ကြော်ငြာလေးတွေလည်းရှိနေပါပြီ။ မေမေခိုင်သင်းကြည်ကို အားပေးချစ်ခင်ကြတဲ့ ပရိသတ်တွေရှိသလို စံထိပ်ထားဦးကို ချစ်ခင်အားပေးလာတဲ့ ပရိသတ်တွေကလည်း အများကြီးရှိလို့နေပါပြီ။ 

 Photo: Khine Thin Kyi

စံထိပ်ထားဦးကိုတော့ သရုပ်ဆောင် ခိုင်သင်းကြည်ရဲ့ သမီးလေးအဖြစ် ပရိသတ်တွေ စတင်သိရှိခဲ့တာပါ။ သူမကိုတော့ သရုပ်ဆောင်တစ်ယောက်အဖြစ် အနုပညာလှုပ်ရှားမှုတွေ မတွေ့ရသေးပါဘူး။လက်ရှိမှာတော့ ပညာရေးကို ဦးစားပေးနေရသူဖြစ်တာကြောင့် အနုပညာအလုပ်လေးတွေ ခဏရပ်ထားတာ တွေ့ရပါတယ်။