ဝတ်မှုံရွှေရည်ဟာ သရုပ်ဆောင်အလုပ်ကို စလုပ်ကတည်းကနေ အခုချိန်ထိ သူမကို အမှား၊ အမှန် ဝေဖန်ထောက်ပြပေးကြတဲ့ ပရိသတ်တွေရဲ့ စေတနာကို အမြဲလက်ခံတယ်လို့ ဆိုပါတယ်။
Photo: Nge
ဝတ်မှုံရွှေရည်ကတော့ အနုပညာသက်တမ်း (၁၅) နှစ်ဆိုတဲ့ ကာလအထိကို ချစ်နေပေးတဲ့ ပရိသတ်တွေ ရှိတယ်လို့ ဆိုပါတယ်။ သူမအပေါ် အမှား အမှန်ဝေဖန်ထောက်ပြပေးတဲ့ ပရိသတ်တွေ ဖြစ်တာကြောင့်လည်း ခွန်အားတွေ ဖြစ်တယ်လို့ မီဒီယာတွေကနေတဆင့် ပြောပြလာပါတယ်။
Photo: Wutt Hmone Shwe Yi
ဝတ်မှုံရွှေရည်ရဲ့ ဒီနှစ်မွေးနေ့အတွက် အမှတ်တရ တစ်ခုကတော့ သူမရဲ့ နာမည်နဲ့ မွေးနေ့ရက်လေးကို တက်တူးထိုးခဲ့တဲ့ ပရိသတ်ကြောင့် ဝမ်းနည်း ဝမ်းသာ ဖြစ်ခဲ့ရတယ်လို့ ဆိုပါတယ်။ ပရိသတ်တွေရဲ့ တန်ဖိုး ထားတတ်မှုကိုလည်း အရမ်းပီတိဖြစ်ရတယ်လို့ ဆက်လက် ပြောပြလာပါတယ်။
Photo: Wutt Hmone Shwe Yi
ဝတ်မှုံရွှေရည်ဟာ Kanebo ကြော်ငြာနဲ့ အနုပညာလောကထဲကို ရောက်ရှိလာတာဖြစ်ပြီး ၂၀၀၈ ခုနှစ်မှာ ဇာတ်ကားများ စတင်ရိုက်ကူးခဲ့ပါတယ်။ ကြော်ငြာများနဲ့ လူကြိုက်များလာခဲ့တဲ့ သရုပ်ဆောင် တစ်ဦး ဖြစ်ပါတယ်။ ဝတ်မှုံရွှေရည်ဟာ ၂၀၁၃ ခုနှစ်က "နင်စေရင်" ရုပ်ရှင်ဇာတ်ကားနဲ့ အကောင်းဆုံး အမျိုးသမီးဇာတ်ဆောင်ဆုကို ရရှိခဲ့ပြီး အဲ့ဒီအကယ်ဒမီ ရွှေကြယ်ကိုလည်း ၂၀၁၅ခုနှစ်၊ ဖေဖော်ဝါရီ (၁)ရက်နေ့က မှော်ဘီမြို့ရှိ အောင်ဇဗ္ဗူတော ရကျောင်းတိုက်မှာ လှူဒါန်းခဲ့ပါတယ်။ သူမဟာ ၂၀၁၄ခုနှစ်မှာတော့ " နှလုံးသားနဲ့ပြုလုပ်သည်" ရုပ်ရှင်ဇာတ်ကားကြီး နဲ့ အကောင်းဆုံး အမျိုးသမီးဇာတ်ပို့ဆုကိုလည်း ရရှိထားပါတယ်။