အဆိုတော်သီရိဆွေက သူငယ်ချင်းဖြစ်တဲ့ လူပျိုကြီး စိုင်းစိုင်းရဲ့ ပျော်ရွှင်မှုပဲ မြင်ချင်တယ်လို့ ဆိုပါတယ်။ သူမကတော့ လက်ရှိမှာ သာယာတဲ့အိမ်ထောင်ရေးကို ပိုင်ဆိုင်ထားတဲ့ အနုပညာရှင်တစ်ယောက်ဖြစ်ပါတယ်။ <img class="img-fluid" src="https://duwun.sgp1.cdn.digitaloceanspaces.com/57274/medialibraryQ2KC7p">Photo: သီရိဆွေဂီတအလုပ်တွေ သိပ်မလုပ်ဖြစ်တော့တဲ့ သီရိဆွေက သူငယ်ချင်းဖြစ်သူ စိုင်းစိုင်းခမ်းလှိုင်ရဲ့ တစ်ကိုယ်တည်း လူပျိုကြီးအဖြစ် ရပ်တည်နေတဲ့ အကြောင်းကို ပြောပြလာပါတယ်။ စိုင်းစိုင်းက အတွေးအခေါ်ရှိတဲ့ လူတစ်ယောက်ဖြစ်တယ်ဆိုတာကို မီဒီယာတွေကနေတဆင့် ပြောပြခဲ့ပါတယ်။‘’သူကလေ သူ့ဘဝကို သူ ဆုံးဖြတ်နိုင်တဲ့သူ၊ စဉ်းစားနိုင်တဲ့သူ၊ တွေးခေါ်နိုင်တဲ့သူပါ။ သူများတွေ ပြောတာကို လိုက်လုပ်စရာလိုတဲ့သူ မဟုတ်ပါဘူး။ သူဘဝအတွက်သူ စီစဉ်ပြီးသားရှိနေမှာပါ’’ ဆိုပြီးတော့ ဖေဖော်ဝါရီလ ၁၁ ရက်နေ့က စမိုင်းလ် ရဲ့ စာအုပ်မိတ်ဆက်ပွဲကို တက်ရောက်ရင်းဖြေဆိုခဲ့တာပါ။<img class="img-fluid" src="https://duwun.sgp1.cdn.digitaloceanspaces.com/57275/medialibraryWR7xut">Photo: စိုင်းစိုင်းခမ်းလှိုင်သူငယ်ချင်းဖြစ်သူ စိုင်းစိုင်းကိုလည်း စိတ်ချမ်းသာစေချင်တယ်လို့ သီရိဆွေက ပြောပါတယ်။ ကိုယ်ပိုင်ဆုံးဖြတ်ချက်နဲ့ ကိုယ်ပိုင်ရွေးချယ်မှုက စိုင်းစိုင်းအတွက် အကောင်းဆုံးပါပဲတဲ့။‘’သူ့ကိုတော့ ဘယ်လိုအနေအထားမှာပဲဖြစ်ဖြစ် စိတ်ချမ်းသာစေချင်တယ်။ ပျော်စေချင်တယ်။ အိမ်ထောင်ကျပြီး ကလေးတွေမွေးပြီးမှ ပျော်ရတာပဲဖြစ်ဖြစ်၊ တစ်ယောက်တည်းနေပေမယ့်လည်း ပရိသတ်တွေ အကုန်လုံးနဲ့ ချစ်ချစ်ခင်ခင် နေရတယ်ဆိုရင် သူ့ဘဝရဲ့ ပျော်ရွှင်မှု၊ သူ့ရဲ့ ရွေးချယ်မှုပါပဲ’’ လို့ သူကဆိုပါတယ်။<img class="img-fluid" src="https://duwun.sgp1.cdn.digitaloceanspaces.com/57276/medialibraryPedjD6">Photo: သီရိဆွေသီရိဆွေက အိမ်ထောင်ကျပြီးတဲ့နောက်မှာ ဂီတအလုပ်တွေလုပ်တာ သိပ်မတွေ့ရတော့ပါဘူး။ လက်ရှိမှာ သားကြီး ထွန်းလက်ရာနဲ့ သားငယ် မင်းဒီပါဆိုတဲ့ သားနှစ်ယောက်ကို ပိုင်ဆိုင်ထားတယ်လို့ ပြောပါတယ်။‘’အစ်မတို့ လင်မယားနှစ်ယောက်စလုံးက တစ်ယောက်နဲ့ တစ်ယောက် အခုချိန်မှာ ကိုယ်ချင်းစာစိတ်နဲ့ မေတ္တာနဲ့ပဲ ဖြတ်သန်းနေကြတယ်။ သူစိတ်ချမ်းသာအောင် လိုက်လုပ်နေတာထက် သူမကြိုက်တာဆိုရင် ရှောင်တယ်။ သူလည်း အစ်မ မကြိုက်တဲ့ အလုပ်ဆိုရင် လှျှော့တယ်’’ လို့ ဆိုပါတယ်။<img class="img-fluid" src="https://duwun.sgp1.cdn.digitaloceanspaces.com/57277/medialibraryUgD1wx">Photo: သီရိဆွေသီရိဆွေကိုတော့ စိုင်းစိုင်းနဲ့ အတူတူသီဆိုခဲ့တဲ့ သီချင်းတွေနဲ့ ပရိသတ်တွေ ပိုသတိထားမိလာတာဖြစ်ပါတယ်။ စိုင်းစိုင်းနဲ့ သီရိဆွေတို့ရဲ့ ‘’နင်နဲ့ငါနဲ့’’ သီချင်းကလည်း အခုချိန်ထိ ပရိသတ်တွေ ပါးစပ်ဖျားမှာ ရေပန်းစားလို့နေတုန်းပါ။သီရိဆွေဟာ ၂၀၁၄ ခုနှစ် ဇန်နဝါရီလ ၁၄ ရက်နေ့မှာ ခင်ပွန်းဖြစ်သူ ကိုဟန်ထွန်း နဲ့ လက်ထပ်ခဲ့တာဖြစ်ပါတယ်။ အခုဆိုရင်တော့ သူတို့ရဲ့ အိမ်ထောင်သက်တမ်းက ၅ နှစ်ကို ရောက်နေပြီဖြစ်ပါတယ်။ သူတို့ရဲ့ သားကြီး ကတော့ အသက် ၄ နှစ်ခွဲဖြစ်ပြီး သား အငယ်လေးက ၅ လပြည့်တော့မယ်လို့ သိရပါတယ်။&nbsp;

တစ်ချိန်က သီချင်းတွေအတူတူ ဆိုခဲ့ကြတဲ့ သူငယ်ချင်းတွေပါ။

This article is draft.