လေးယောက်ပေါင်းပြီး Page လေးတစ်ခုဖွင့်ထားတယ်။
Sabal Thwin

သဇင်ထူးမြင့်တစ်ယောက် သူမရဲ့ အစားသောင်းကျန်းတာတွေ၊ Snap တွေကို မှတ်တမ်းတင်ထားတဲ့ ဗီဒီယိုတွေ၊ ဓာတ်ပုံတွေရှိတယ်လို့ ပြောပါတယ်။ ဒါတွေကိုတော့ သူမနဲ့အတူ နေရဲ၊ မင်းခန့်ကို၊ မင်းခန့်ညီ တို့နဲ့ ပေါင်းပြီးဖွင့်ထားတဲ့ Page မှာ တွေ့ရမှာပါလို့ဆိုပါတယ်။ 

သဇင်ထူးမြင့်ကတော့ အစ်ကိုဖြစ်သူ နေရဲ၊ သူငယ်ချင်းဖြစ်သူ မင်းခန့်ကို၊ မင်းခန့်ညီ တို့နဲ့ အတူပေါင်းပြီး Dream Create Do ဆိုတဲ့ Facebook Page လေးထောင်ထားတယ်လို့ သိရပါတယ်။ သူငယ်ချင်းတွေ အတူတူရိုက်တဲ့ ဇာတ်လမ်းတိုလေးတွေလည်းရှိတယ်လို့ Duwun Media အင်တာဗျူးမှာ ဖြေဆိုခဲ့ပါတယ်။ 

“ Page ကကျတော့ အရင်တုန်းက သဲတို့ အမြွှာအစ်ကိုနှစ်ယောက်နဲ့ ဇာတ်လမ်းတိုလေး ရိုက်ဖူးတယ်။ ဒီတစ်ခေါက်ကျတော့ ကိုကြီးက Social ဘက်လေး သွားချင်တယ်ဆိုတော့ Vlog လေးတွေရိုက်ကြမလားပေါ့။ ဒါဆိုရင် ဟိုဘက်က ညီအစ်ကိုနှစ်ယောက်၊ ဒီဘက်က မောင်နှမ နှစ်ယောက်ဆိုတော့ ပိုပြီးတော့ စိတ်ဝင်စားဖို့ကောင်းမယ်ထင်ပြီးတော့ ဒီလိုလေး လုပ်ဖြစ်သွားတာပေ့ါ”လို့ သူက ပြောပါတယ်။ 

Photo: Thazin Htoo Myint

Dream Create Do Page မှာတော့ သူတို့တွေကိုယ်တိုင် လေ့လာပြီး ထူးခြားတဲ့ အရာလေး တွေ၊ ပျော်စရာကောင်းတာလေးတွေကို တင်ဆက်ပေးလေ့ရှိတယ်လို့ သဇင်ထူးမြင့်က ပြောပါတယ်။ 

“ လောလောဆယ်ကတော့ ဖုန်းနဲ့ရိုက်တာ၊ နောက်ပိုင်းကျရင်တော့ ကင်မရာလေးနဲ့ သေသေချာချာရိုက်မယ်။ Page ကလည်း Follower အရမ်းတက်တာကိုး။ တကယ့်အပြင်က ပုံစံကို ပရိသတ်တွေ သိသွားတဲ့အချိန်မှာ အရမ်းပျော်စရာကောင်းတယ်။ ရယ်လည်း ရယ်ရတယ်။ ပြီးတော့ ဒီအဖွဲ့က အစားသောင်းကျန်းတယ်ဆိုတာကို သိသွားတာပေါ့။ ဒါတွေက တကယ့် အပြင်ပုံစံ အစစ်တွေပေါ့” လို့ ဆိုပါတယ်။  

Photo: RBV

သဇင်ထူးမြင့်ကတော့ Dream Create Do Page မှာ သူရဲ့ Snap တွေ၊ အစားသောင်းကျန်းတာတွေကို တွေ့မြင်ရမှာဖြစ်ပါတယ်တဲ့။ Page စလုပ်တဲ့နေ့မှာ အောင်မြင်မှုတွေ ရခဲ့တာကြောင့်လည်း အရမ်းပျော်တယ်လို့ဆိုပါတယ်။ 

“ Page မှာ စစတင်ခြင်း Page ကို တစ်သိန်းကျော်မယ်လို့ မခန့်မှန်းထားဘူး။ တစ်သောင်းလောက်တောင် ရချင်မှ ရမယ်ပေါ့နော်။ ဒါပေမယ့် စစတင်ခြင်း ဗီဒီယိုက တစ်သိန်းကျော်လောက် ရသွားတော့ အရမ်းပျော်ကြတာပေါ့” ဆိုပြီးတော့ ဖေဖော်ဝါရီလ ၃ ရက်နေ့က “Player” ရုပ်ရှင်ကားကြီး အထူးပြပွဲကို တက်ရောက်ရင်း ဖြေဆိုခဲ့တာပါ။ 

Photo: RBV

သဇင်ထူးမြင့်ကတော့ သရုပ်ဆောင်၊ ဒါရိုက်တာ ခင်လှိုင်ရဲ့ သမီးအငယ်ဆုံးလေး၊ သရုပ်ဆောင် နေရဲရဲ့ ညီမအငယ်ဆုံးလေးတစ်ယောက်ပါ။ ပညာရေးမှာလည်း ထူးချွန်သူဖြစ်သလို သရုပ်ဆောင်ဘက်မှာလည်း အကောင်းဆုံးကြိုးစားနေတာ တွေ့ရပါတယ်။ တက်သစ်စ လူငယ်အနုပညာရှင်တွေထဲမှာ သဇင်ထူးမြင့်ကလည်း ပရိသတ်အခိုင်အမာနဲ့ အောင်မြင်လာတဲ့ လူငယ် အနုပညာရှင်တစ်ဦးဖြစ်ပါတယ်။




ဆက်စပ်အကြောင်းအရာများ


Author


က္က